The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Chargers [Al-Adiyat] - Afar translation
Surah The Chargers [Al-Adiyat] Ayah 11 Location Maccah Number 100
1. Yalli qaduwwí fanah sissikuk yarde faarisiy fuftoh fuf iyyal xiibite.
2. Edde luk xukuuqunut ardi gibdah xinkilliq yayyaaqe faarisil xiibite.
3. Edde luk qaduwwi maaca warara faarisil xiibite usuk garcit (karcit) anuk.
4. Tokkel is abtah tan ardih gibdah sawar (fulle) fuluk hayta.
5. Kaadu woo ardat isi macaxu qaduwwi macaxih addal macsissal xiibite.
6. Diggah, seehadayti isi Rabbih niqmat yangaddi kinni.
7. Kaadu diggah usuk wohul isi nafsil sumaaqita num kinni.
8. Kaadu diggah, usuk maaluh gibdi kacanu le num kinni.
9. Tokkel mayaaxiga innaa! seehadayti kaa qambaltam magooqat enni ittam Yalli yayyaaqu waa waqdi cisab kee galtoh?
10. Kaadu umaanee kee maqaanek alilwat qellisimak sugtem geytimtu waytam mayaaxiga innaa?
11. Diggah ken Rabbi ken kee ken taamoomik woo ayro adda yaaxigi kinni.