The Noble Qur'an Encyclopedia

1. Alcaaqha is Qhiyaamâ migaqwak migaaqak teynay is nummah takku waytam yascasse kinni.

2. Qhiyaamay cakkil takku wayta macaay?

3. Маса koo tiysixxigeeh Nabiyow Qhiyaamay cakkil takku wayta?

4. Samuud deqsitta kedoó (woh Nabii Saalic шага) kee Qaad deqsitta kedó (woh Nabii Huud шага) Qhiyaamay meesi gibdah lubbi taatuki deqsitta dirabbosseh.

5. Tokkel samuuduh tu gactck, Yalli caddok taturte xongolot ken finqise.

6. Kaadu Qaad deqsita marah tu gactek, Yalli kaxxa xongoloo kee xabca Íe caacayay caddok tatret ken finqise.

7. Yalli malcina baraay bacra ayroy sitta katattay aggirriqqe sinni caacay keenit ruube, tokkel woo baritteé kee woo ayroorah addat sinaamay rabtey qangalaltay tamiirâ laqiibay gorrittey inaaqah tani ceelah ken table.

8. Tokkel woo marak numuy finqite kalah raaqe keenik maay table?

9. Kaadu firqawnaay, kaak naharat korosuh suge maraá kee magaalol elle korsen mari (Nabii Luut mara kinnuk) kaxxa dambi luk yemeeten.

10. Tokkel usun sinni Rabbih farmoyta cineenih, wonnaluk Yalli gibdi mabbuxuh ken yibbixe (digaalá kinnuk).

11. Diggah nanu lee caddok taturteeh kulliimik amo ciggilte waqdi, doynikit Nabii Nuucú luk sin nukkuqeeh sin raaqisne.

12. Woo abto kassis siinih abne, kaadu raaqissa ayti tet raaqissamkeh.

13. Tokkel baantat inki adda fuuxa fuuxumta waqdi.

14. Kaadu baaxoo kee qaleelá le aroocak tamukkuqeeh, inki atkah sittat tamuttukeeh bulá takke.

15. Toysa too waqdi Qhiyaama soltah.

16. Kaadu qaran qanxixaah, usuk woo ayró boolaataah Qande luk maraaqa.

17. Kaadu malayka kay deraafel gactaah, woo ayró ku Rabbih qarshi malaykak bacra malaykatti isi amol yakkuqe.

18. Too ayró sinaamey cisab kee galtoh Yallí fooca sin maksan, isin qellissaanamak tu kaak maqellitta.

19. Le kitab migdi gabah kah yontocowwime numuh tugactek wallé gibdah yi kitab ibbixa ikriya iyya.

20. Diggah anu asmatuk suge, inni cisaabat (galtot) garayuwaam.

21. Toysa usuk akeeral ruffu kaa hayta mano le.

22. Jannatay fayya leh addal yan.

23. Jannatti mexexi kaa daggaasita marah xayih.

24. Kecnik iyyaanah:akumaay, aquba ruffû xica tatrusutten meqe taamáh sabbatah, taturte ayroorah addat.

25. Kaadu Le kitab guri gabah kah yontocowwime numuh tu gactek, maganey yi kitab yoh antacawwime wannay iyya.

26. Kaadu inkinnah maa xaginniyo yicisab kinnim!

27. Maganey addunyal abe rabi yi manoh ellecabo akkinnay.

28. Yi maali yoh xiqem mali Yallih digaalák.

29. Yi duddaa kee reedá yok gexxeh.

30. Iyyan jahannam malaykakikaa abbixaay wonnaluk kay namma gaba fillat kaak axuwa silsilatat.

31. Tohuk lakal jaciim dcqsitta girá kaa culusa tet niqna tammoysamkeh.

32. Tohuk lakal silsilatay xexxaarah malcina tabanih cusul yakket kaa culusa iyyan.

33. Diggah usuk addunyal Yallay nabah inkittinaanel aamanuk masuginna.

34. Ka adu tu dagoyta yaskameenimih sinam ilsiisak masuginna addunyal.

35. Toysa ta saaku usuk takkel isil xayi numuy digaalá isik waasa mali.

36. Kaadu hebeltö maaqo mali girâ marak caxta qasaalayi akke waytek.

37. Ama qasaalayi takmem matan dambileelay koroosannuk kate wayte akke waytek.

38. Xiibitah an isin tableenimil.

39. Kaadu able waytaanamal xiibita.

40. Diggah ta Qhuraan Yallih maxcoy massakaxxa le farmoyti yakriye kinni.

41. Kaadu usuk (Qhuraan kinnuk) gadabê maxco hinna, kaa nummassaanam siinik dagoh.

42. Kaadu usuk qellittem aaxigeh iyya ginnilih maxco hinna, isin kassittaanaah eile kaskassowtaanam siinik dagoh.

43. Usuk ginó gineh yan Rabbih kabuk oobe kitaaba.

44. Kaadu Nabii Mucammad nanu axce wayneemik tu nel diraabah ginnaasitinnay.

45. Nanu diggah qanxaffe luk migdi gabah kaa abbaxuk neneeh kaa digaalak nen.

46. Tohuk lakal canti ramad kaak argaquk nen.

47. Tokkel siinik ni digaalák kaa reebisaamih dudda num mali.

48. Kaadu diggah, Qhuraan kassiisi Yallak meesita marah.

49. Kaadu diggah nanu naaxigeh, siinik diggah ama Qhuraan dirabboysa mara.

50. Kaadu diggah ama Qhuraan dirabboysaanam, Qhiyaamah ayró koroosite maral kaxxa nadaama akke Íe.

51. Kaadu diggah, usuk (Qhuraan kinnuk) nummay asmat Íe kinni.

52. Toysa saytunnos! ku Rabbih migaaqay naba.