The Noble Qur'an Encyclopedia

1. Yalli ittâ lakleh itta kataata caacayal xiibite.

2. Edde luk gibdi caacayay hawwug iyyal xiibite.

3. Kaadu yalli malaykay qubulta usuk faxa ikke beytay fixiixisiyyah kaa fixiixissal xiibite.

4. Edde luk yalli malaykay cakkii kee deedalaay, calaalii kee caraamu ittak baxissam kay xaquk luk obtal xiibite.

5. Edde luk malaykay wacyi Yallih ambiyaa kee farmoytiitil oobissal xiibite.

6. Seehada Yallal malkit geewaytuh hinnay meesisso keenih yakkuh Yallih digaalák.

7. Cagalah Qhiyaamâ caagidik isin elle xagnisinteenim akkelem Raqmali.

8. Tokkel Cutuk duugumaah diifi как gexa waqdi.

9. Kaadu qaran qanxixaah, fakkiima waqdi.

10.Kaadu qaleelá riira (bula) takke waqdi.

11. Kaadu Yallih farmoytit kee ken ummattâ fanat mekla edde aban wakti muggaqsime waqdi.

12.Farmoytit edde waddiroysimtem Maa ayroóy?

13. Ginô fan edde meklaanaah edde Baxsan ayró, kah xagnisimeenim (woh Qhiyaamah ayró).

14.Kaadu seehadaytow maca koo tiysixxigeeh Baxsi ayroó kee tet gibdaabini kinnim?

15. Qhiyaamah ayro dirabboyse marah woo ayro finqi yan.

16.Naharsi marak Yallih farmoytit dirabboyse mara mafinqisinninoo?

17. Tohuk lakal wadirsi mara ken kataysenno.

18. Tonnah abba heenno umeyniitik (koros kinnuk).

19.Yallih inkittinaanee dirabboyse marah woo ayro (Qhiyaamah ayró kinnuk) finqi yan.

20. Seehaday boola Íe leek (daacoyta kinnuk) Sin ma gininninoo?

21. Edde luk sabhalal leeh dacayri Íe aracay (saynumih maxax kinnuk) bica let kaa ma hanninoo?

22. Yallih xaqul Yimixxige wakti fanah.

23. tokkel kaa ginnam dudneeh, yayse dudda lem nee.

24. Ni dudda dirabboysa marah woo ayro Finqi yan.

25. Baaxó aracay inkih sin yasgalleeh yabbixe maabinninoo?

26. Siinik nuwwaamaay, rabteemih inkih.

27. Kaadu fayyale qaleelá teetil mahanninoo diggi tct haytuh, kaadu coboy leey salfa lek sin mafqinninoo?

28. Ni niqmat yangaddee marah woo ayro Finqi yan.

29. Korosuk qhiyaamah ayró: jahannam giráh digaaláy dirabboysak sugteení fanah gexa keenik iyyan.

30. Gexaay iraawita jahannam giráh qiiriy sidiica luddalê fanah.

31. Usuk Ma silaalisaay, giráh huurik xiqam malik.

32. Diggah is kaxxa qarih gide yakke xinkilliq qambissa.

33. Usuk (xinkilliq kinnuk) Dat caawin gaala ceela.

34. Yallih meesisso dirabboyse marah woo ayro Finqi yan.

35. Ta ayró dirableelá yabtaamih dudda mali. (Qhiyaamah ayró kinnuk).

36. Yaabaanamih idni keenih mayantacawwima edde yawqoonuh.

37. Tama ayro dirabboysa marah woo ayro Finqi yan.

38. Qhiyaamah ayró korosuk iyyaanah: tah ginô fan edde meklaanaah baxsan ayró, sin kee naharsi mara edde gaabosneh.

39. Toysa isin malá teelleenik, yi digaalak edde cattimtoonuh yoh malsita.

40. Ellecaboh ayro dirabboysa marah woo ayro Finqi yan.

41. Diggah Yallak meesite mari jannatal silalwaa kee daroorih addal yan.

42. Kaadu caxá mixuk faxxa haanamih addal yanin.

43. Keenik iyyaanah: akumaay aquba ruño luk, addunyal abbaasitten mcqc taamah sabbatah.

44. Diggah nanu tonnal galatna meqem abite mara.(moominiin kinnuk).

45. Jannatti niqmat dirabboyse marah woo ayro Finqi yan.

46. Yalli korosuk iyyah: addunyal meqem akumaay dago wakti teetit hataka diggah isin umeyniitik, Yallat agleyta hayteenimih sabbatah.

47. Cisab kee galtoh ayro dirabboyse marah woo ayro Finqi yan.

48. Kaadu Yallah salat abaay kaah rammita keenik iyyeenik, salat kaah maabaanaay, kaah marammitan.

49. Yallih aayoota dirabboyse marah woo ayro Finqi yan.

50. Toysa ta qhuraanay Yallih yab kinnih iyyal aamine weenik, maakitaabaay, maayaabaay kaak wadir elle yaaminoonu waanam.