The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Sundering, Splitting Open [Al-Inshiqaq] - Afar translation
Surah The Sundering, Splitting Open [Al-Inshiqaq] Ayah 25 Location Maccah Number 84
1. Qaran qanxixa waqdi, (woh Qhiyaamah ayró).
2. Kaadu isi Rabbih ayti yaceeh, kay amri oggolam cakkik kaal tan.
3. Kaadu baaxó fidsimtaah, farakka itta waqdi.
4. Kaadu tet addat tanim qambissaah, foyyah как raqta.
5. Kaadu isi Rabbih ayti taceeh, kay amri oggoltam cakkik teetil tan.
6. Kee ta seehadaytow diggah, atu isi Rabbi fanah gexxaah , meqe taama abtek hinnay uma taama abtek, tokkel atu qhiyaamah ayró kaat angoorewettooh abteemil koo gälte le.
7. Tokkel Le kitab migdak kah yontocowwime numuh tu gactek, (moomintu kinnuk).
8. Toysa Sahalik tan fokkaaqoh (cisab kinnuk fokkaaqime le sarriinoh.
9. Kaadu isi mará fanah wallitak yandabbe.(jannatal).
10. Kaadu Le kitab kay xiiroonih derrek kah yontocowwime numuh tu gactek,(korosta kinnuk).
11.Toysa Sarriinoh finqaa kee baatih deerise le (seece le).
12.Urta girâ culele tet niqna tammoysuh.
13.Diggah usuk addunyal isi marih addal wallitak suge.
14.Diggah usuk isi Rabbi fanah inkinnah aduure wayu waam yekkele.
15.Yeey, Yalli kaa gacsele! diggah kay Rabbi kaa yabalih sugeeh kay caalat yaaxigeh.
16.Yalli korta ayról ciggiila qasa caawil xiibite.
17.Kaadu bar kee usuk gaaboyseemil (yaskatteemil) xiibite,
18. Kaadu alsal xiibite, noori teetik duuda waqdi.
19.Diggah gurraak gurral (caalataak caalatal) koretton sinaamey.
20. Toysa kah aam i ne waanam maca loonuu? (koros kinnuk).
21. Kaadu Qhuraan keenil yankirriyime waqdi, Yallah kah kummaate waanaah kah rammite waanam macalon?
22. Tonna hinnay, koroosite mari rabak lakal ugut yanim dirabboysah.
23. Yalli yaaxigeh usun sinni sorkocobbaxittet qellissi haanam. (qinaadi kee koroosannuk).
24. Toysa nabiyow ken aytikumus qansarissa digaalál.
25. Kinnih immay yeemeneeh meqe taamoomi abbaasite mari, aggiriqqe sinni galto Íe akeeral.