عربيEnglish

The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The cloaked one [Al-Muddathir] - Albanian Translation - Hasan Nahi

Surah The cloaked one [Al-Muddathir] Ayah 56 Location Maccah Number 74

Çohu dhe paralajmëro!

dhe largohu nga ndyrësia (adhurimi i idhujve)!

Mos jep gjë me synimin që të marrësh më shumë

dhe për hir të Zotit tënd duro,

Për jobesimtarët nuk do të jetë aspak e lehtë.

Më lër Vetëm (të merrem) me atë që e krijova

Unë ia bëra kamjen të lehtë e të shtruar,

e, megjithatë, ai lakmon që t’i jap më tepër.

Jo, kurrsesi! Vërtet, ai i mohoi me kryeneçësi shpalljet Tona,

prandaj Unë do ta ngarkoj atë me dënime të rënda.

Ai mendoi dhe kurdisi (kundër Kuranit),

Dhe sërish qoftë mallkuar, si kurdisi!

Pastaj vështroi rreth vetes,

dhe tha: “Ky (Kuran) nuk është gjë tjetër, veçse magji e trashëguar!

Do ta hedh në Sekar (Xhehenem)!

E si mund ta dish ti tamam se çfarë është Sekari (zjarri përvëlues)?

Ai nuk lë gjë dhe nuk kursen asgjë,

Atij i rrinë roje nëntëmbëdhjetë (engjëj).

Ne kemi bërë rojtarë të zjarrit vetëm engjëjt dhe numrin e tyre e kemi bërë sprovë (objekt polemikash) për jobesimtarët, me qëllim që të binden ata që u është dhënë Libri e t’u shtohet besimi atyre që besojnë; që të mos dyshojnë ata që u është dhënë Libri dhe besimtarët e vërtetë dhe që të thonë ata që kanë sëmundjen e dyshimit në zemër dhe jobesimtarët: “Ç’ka dashur të thotë Allahu me këtë shembull?” Kështu, Allahu lë në humbje atë që do dhe çon në rrugë të drejtë atë që do. Askush tjetër, përveç Tij, nuk e di numrin e ushtrisë së Zotit tënd. Ky është vetëm një përkujtesë për njerëzit.

Kurrsesi! Betohem për Hënën,

se ai (Xhehenemi) është vërtet një nga fatkeqësitë më të mëdha,

për ata nga ju që dëshirojnë të ecin përpara (me vepra të mira) ose të kthehen mbrapsht (me vepra të këqija).

përveç njerëzve të krahut të djathtë;

të cilët në kopshtet e Xhenetit pyesin njëri-tjetrin

“Çfarë ju ka sjellë në Sekar?”

Ata do të përgjigjen: “Nuk ishim nga ata që falnin namaz

Prandaj, kurrfarë ndërmjetësimi i cilitdo ndërmjetësuesi nuk do t’i ndihmojë ata.

e të frikësuar që ikin prej luanit?!

Në të vërtetë, ky (Kuran) është këshillë,

prandaj, kush të dojë, le t’ia vërë veshin!

Por atij ia vënë veshin vetëm ata që do Allahu. Vetëm Ai është i Denjë për t’u pasur frikë dhe vetëm Ai është i Denjë për të falur.