The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe morning star [At-Tariq] - N'ko translation - Baba Mamadi
Surah The morning star [At-Tariq] Ayah 17 Location Maccah Number 86
ߊ߰ ߒ ߣߌ߫ ߡߐ߲ߕߐ߲ ߕߍ߫ ߸ ߊ߰ ߒ ߣߌ߫ ߛߎߡߐ߬ߡߐ ߕߍ߫
ߡߎ߲߬ ߞߵߌ ߟߊߟߐ߲ߠߌ߲߫ ߛߎߡߐ߬ߡߐ ߟߊ߫؟
ߒ߬ߓߊ߬ ߏ߬ ߦߋ߫ ߟߏ߬ߟߏ߫ ( ߘߓߌ߬ ) ߘߐ߬ߛߊ߲߬ߠߊ ߟߋ߬ ߘߌ߫
ߣߌߡߊ߫ ߛߌ߫ ߕߴߦߋ߲߬ ߸ ߝߏ߫ ߞߣߐ߬ߜߍ߲߬ߓߊ߯ ߦߋ߫ ߞߍ߫ ߊ߬ ߟߊ߫
ߒ߬ߓߊ߬ ߡߐ߱ ߦߴߊ߬ ߝߟߍ߫ ߞߍ߬ ߸ ߊ߬ ߘߊ߲ߣߍ߲߫ ߝߋ߲ ߡߍ߲ ߘߐ߫
ߊ߬ ߘߊ߲ߣߍ߲߫ ߖߌ߫ ߔߎߦߌߔߎߦߌߕߊ ߟߋ߬ ߘߐ߫
ߏ߬ ߦߋ߫ ߓߐ߫ ߟߊ߫ ߛߏ߬ߙߏ ߣߌ߫ ߛߌߛߌߞߟߏ ߟߎ߫ ߟߋ߬ ߕߍ߫
‹ ߊߟߊ߫ › ߛߋߣߍ߲߫ ߏ ߣߐ߬ߡߊߛߊ߬ߦߌ߬ ߟߊ߫ ( ߞߎߘߊ߫ ߞߍ߫ ) ߘߋ߬
ߜߎ߲߬ߘߎ ߟߎ߬ ߝߊߙߊ߲ߛߊ߫ ߟߏ߲ ߘߐ߫ ߞߊ߬ߣߌ߲߫
ߏ ߕߎ߬ߡߊ ߝߊ߲߬ߞߊ߬ ߣߌ߫ ߘߍ߬ߡߍ߲߬ߓߊ߯ ߛߌ߫ ߕߍ߫ ߊ߬ ߟߊ߫
ߊ߰ ߒ ߣߌ߫ ߡߐ߲ߕߐ߲߫ ( ߛߊ߲ߖߌ߫ ) ߡߛߊ߬ߦߌ߬ߛߊ߬ߦߌ߬ߟߊ ߕߍ߫
ߊ߰ ߒ ߣߌ߫ ( ߛߣߍ߬ ) ߘߎ߯ ߛߍ߲ߞߍߟߊ ߕߍ߫ ( ߝߍߘߍ߲ߝߋ߲ ߠߎ߬ ߘߌ߫ )
‹ ߘߐ߬ߛߊߙߌ › ߦߋ߫ ߞߎߡߊ߫ ߝߊߙߊ߲ߝߊߛߌߣߍ߲ ߠߋ߬ ߘߌ߫ ߘߋ߬
ߊ߬ ߕߍ߫ ߡߣߊ߬ߡߣߊ߬ ( ߞߊ߲߫ ) ߘߌ߫ ߞߏߦߌ߫
ߊ߬ߟߎ߬ ߦߋ߫ ߝߙߍ߬ߞߍ߫ ߝߍ߬ߙߍ ߘߏ߫ ߟߊ߫ ߝߛߊߦߌ߫
ߒ ߝߣߊ߫ ߦߋ߫ ߝߙߍ߬ߞߍ߫ ߝߍ߬ߙߍ ߘߏ߫ ߟߊ߫
ߒ߬ߓߊ߬ ߌߟߋ ߦߋ߫ ߓߊ߲߬ߓߊ߮ ߟߎ߬ ߡߊߕߡߊߣߊ߫ ߡߎߣߎ߲߬ ، ߌ ߦߴߊ߬ߟߎ߬ ߡߊߕߡߊߣߊ߫ ߘߏߣߍ߲ߘߏߣߍ߲߫ ߗߐ߫