The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Chargers [Al-Adiyat] - Ashanti Translation
Surah The Chargers [Al-Adiyat] Ayah 11 Location Maccah Number 100
Mede (apͻnkͻ a wɔrekͻ sa) na wͻretu mmirika home tehyetehye no di nse,
Ne wͻn tͻte a (etia εboͻ so a), na ate gya no nso di nse.
Na wͻkͻto hyε (atamfoͻ no) so anͻpa tutuutu no di nse.
Na εma mfuturo tu kͻ wiem,
Na wͻbͻ wura (atamfoͻ no) dͻm no mu no di nse sε:
Nokorε onipa ayi ne Wura Nyankopͻn bonniayε;
Ԑyε nokorε sε, ͻno ara di ho adanseε saa;
Ԑyε nokorε nso sε onipa pε adepa paa ma no boro so.
Anaasε ɔnnim sε, sε adeε a εwͻ adaka-mena mu no firi adi a,
Na adeε a εwͻ (onipa) akoma mu nso da adi a,
Saa Da no ɛyɛ nokorε sε (onipa bɛhunu sε) wͻn Wura Nyankopͻn ne wͻn (dwuma a wͻdiiε no ho) amanebͻ Wura.