The Noble Qur'an Encyclopedia

Yamiroore Alla nde ari wota on hawjan nde. senaaree woodanii mo! o toowii e ko ɓe cirkata.ko.

Homo jippinira maleykaaji ɗi e wayhu on e yamiroore makko, dow mo muuyi e jeyaaɓe makko ɓeen, won´de : "Jertinree wiide deweteeɗo alaa si wonaa min. Kulee kam".

O tagiri kammuuli ɗiin e leydi ndin goonga. o toowii e ko ɓe sirkoobe cirkata ko.

O tagiri neɗɗaŋke iwde e toɓɓere (maniiyu); jaka yoo kaŋko ko wennjoowo ɓannguɗo.peeñɗo

Neemoraaɗi ɗin, o tagani on ɗi; no e majji nguli nugguki e nafooje. Ko e majji kadi ñaamoton.

Hino woodani on e majji cuɗaari, tuma njofnoton ɗi e tuma oornoton ɗi.

Hiɗi ndoono doŋle mon naɓa e leydi ndi on njotto- tanooko si wanaa e tampere pittaali. Pellet, Joomi mon ko O Yurmeteeɗo Hinnotooɗo.

E pucci, e mbam-pucci, e mbabbi, fii yo on mbaɗɗo ɗi, e cuɗaari. Himo taga kadi ko on nganndaa.

Ko Alla woodani ɓanngingol laawol poocciingol ngol, no e majji ngol feewaani. Si o muuyuno, o fewnat on denndaangal.

Ko Kaŋko woni jippinirɗo ndiyam ka kammu, hino woodani on e majjam njaram, leɗɗe no (yalta) e majjam, ko e majjam kadi oornoton.

Homo fuɗnirana on ɗam aawruuji, nebbanteeje, e tamarooje, e inabuuje, e kala dimɗe.ɓesnoje wonii e ɗuum, tasakuyee wonan´de yimɓe miijitotooɓe.

O eltani on jemma on e ñalawma on; naange ngen e lewru nduun. Koode ɗeen kadi ko eltiraaɗe yamiroore makko. Wonii e ɗuum, tasakuyeeji wonan´de yimɓe haqqilooɓe.

E ko o tagani on kon ka leydi ceertuɗum nooneeji. wonii e ɗuum, tasakuyee wonan´de yimɓe waajitoratɓe.

Ko Kaŋko woni eltanɗo on maayo ngon fii yo on ñaam e maggo teewu keccu, yaltinon e maggo cuɗaari ndi ɓornotoɗon. A yi'ay laaɗe no feƴƴa e maggo, e fii yo on ɗaɓɓu e ɓural makko ngal, belejo'o, on njettat [mo].

O tuti penle ka leydi fii wata ɗe dillidu e mo'on, e caatli, e ɗate, belejo'o on peeway.

e maandeeji [laawi]. Koode ɗen heɓe ɗowora ɗe.

E hara tagoowo on wa'ay wa on tagataa? E on mbaactotaako?

Si on limtii doke Alla ɗe, on moftataa ɗi. Pellet, Alla ko jaafotooɗo, jurmotooɗo.

Alla no anndi ko cuuɗoton e ko peññinton.

Ɗiin ɗi ɓe ndewata ga ni Alla, ɗi tagataa hay huunde, kaŋji tigi ko ɗi tageteeɗi.

Koɗi maayɗi ɗi nguuraani, ɓe so'aa-anndude (ɓetinaani)de ɓe mmintintee.

deweteeɗo mon on ko deweteeɗo gooto. ɓeen ɓe ngooŋɗinaa laakara, ɓerɗe maɓɓe ɗen ko jedduɗe, ɓen ko townitiiɓe.

Sikke alaa won´de Alla no anndi ko ɓe cuuɗata e ko ɓe peññinta. Kaŋko O yiɗaa townitiiɓe ɓen.

Si ɓe mbianaama : "Ko holɗum Joomi mon jippini?" Ɓe mbi'a: "Ko tinndi adinooɓe!".

Fii yo ɓe ndoondo bakkaatuuji maɓɓe ɗiin fof ñande Darngal, e bakkaatuuji ɓeen ɓe majjinirta ko aldaa e ganndal; nganndee bonii ko ɓe ndonndoytoo.

Gooŋɗii ɓeen adinooɓe ɓe pewjiino, Alla jirbiniri mahdeele maɓɓe ɗeen ka doose. Kippoodi ndin yanti e maɓɓe, lepte ɗen ardirani ɓe nokku ka ɓe so'aa-aanndude(.tinaani.)

Refti ñande darngal, O hoynoyayɓe, O wi'anaɓe: Ko holto kafidaaɗi am ɗiin ɗi haɓiraynoɗon fii mum?" ɓeen okkaaɓe ganndal mbi'a: "Koyeera on hannde e bone on wonii e heeferɓe ɓen".

Ɓeen ɓen maleykaaji ɓen hunnata, tooñuɓe ko'e-mun, ɓe werloo jebbilraare, (ɓe mbia): "min ngoonaa- no gollatnooɓe ko boni!" -"wonaa non woniri, pellet Alla ko nganduɗo ko huuwaynoɗon".(ngollatnɗon.)

Naatiree dame Jahannama ɗen luttugol ton. Nge bonii ñaaƴorde wonan´de townitiiɓe ɓen.

Wi'anee ɓeen gooŋɗuɓe: "Ko holɗuum Joomi mon jippini?" Ɓe mbi'a: "Ko moƴƴere". Hono woodani ɓen moƴƴinɓe aduna ɗoo moƴƴere; pellet ko saare laakara nden ɓuri moƴƴude. nde moƴƴii saare gooŋɗuɓe ɓen.

Aljannaaji duumal, heɓe naati ɗi, caatli no ila ley majji. Hino woodani ɓe toon kala ko ɓe paaletee; ko wano nii Alla yoɓirta gooŋɗuɓe ɓen.

Ɓeen ɓe maleykaaji ɗi mbarata hara ko ɓe laaɓɓe- ɓe mbi'an [ɓen]: "Kisiyee wonii e mon! Naatiree Aljanna on, sabu ko ngollatnoɗon kon".e

Hara [ɓee sirkooɓe fenna] hino habbitii si wonaa nde maleykaaji ɗi ngarata e maɓɓe, maa yami- roore Joomi maa ndeen ara? Ko wano noon ɓen adinooɓe ɓe waɗirnoo. Alla tooñaani ɓe; si ko woni, ko ko'e maɓɓe ɓe wonnoo e tooñuɓe.

Boneeji ɗi ɓe huuwi ɗin memi ɓen, kon ko ɓe njalkitatnoo jippii e maɓɓe.

Ɓeen sirkuɓe mbi'i: "Sinno Alla muuyuno, men ndewataano ga ni makko hay huunde, wonaa minen wanaa baabiraaɓe amen; min karmintaa- no gaanin makko hay huunde". Ko wano non adi- nooɓe ɓeen gerdunoo. taw si no fawiiii nulaaɓe ɓen si wonaa jottingol ɓanngina?

Gooŋɗii min imminii e kala mofte nulaaɗo, won´de ndewee Alla, ngoɗɗitoɗon bewnayɗi ɗin. Hino e maɓɓe on Mo Alla feewni, hino e maɓɓe kadi on mo majjere ndeen jojji e mum. Yiilee ka leydi, ndaaron ko honno battane yeddunooɓe ɓeen wa'unoo.

Si a reerɗii e peewal maɓɓe, [anndu] pellet, Alla feewnataa on mo o majjini, alanaa ɓe kadi wallooɓe.

Ɓe ngooɗndirii Alla haɗtirde gooɗndooje maɓɓe: "Alla immintintaa on maayuɗo". Wanaa non! Ɗuum ko fodoore goonga ka makko, ko woni tan, ko ɓuri ɗuuɗude e yimɓe ɓe nganndaa.

(O immintiniroyay ɓe) fii yo O ɓannginan ɓe ko ɓe luutondiratnoo e mum. e fii yo ɓeen yedduɓe anndu won´de hari ko ɓe jeddunooɓe.

nganndee daalol amen wonan´de huunde, si min faandike nde, min mbianat nde tan: "Laato", nde laatoo.

Ɓeen fernooɓe fii Alla, ɓaawo ɓe tooñaama, ma min hoɗnu ɓe ka aduna (e weerde) moƴƴere. Pellet, ko njoɓdi laakara ndin ɓuri mawnude, si tawno heɓe nganndi.

Ɓeen muññiiɓe, e tuugii e Joomi maɓɓe.

Min nulaani ado maaɗa si wanaa worɓe, min wahayina e maɓɓe. Lanndee yimɓe defte ɓeen si wonii on nganndaa.

(Men nulirii ɓe) ɓanngudi e defte. min njippini e maaɗa janngeteende nden, fii yo a ɓannginan yimɓe ɓeen kon ko jippinaa e maɓɓe, belejo'o kamɓe ɓe miijitoto.

E hara ɓeen fewjuɓe boneeji ɗiin kooli won´de Alla munnirtaa ɓe leydi ndin, maa lepte ɗeen ngardirana ɓe nokku mo ɓe so'aa-anndude,(ɓetinaani).

maa o nanngira ɓe yahdu maɓɓe, ɓe ngonaani laawotooɓe.

Maa O nanngira ɓe e hoore kulol. anndu Joomi mon ko Yurmeteeɗo, jurmotooɗo.

E ɓee njii'aani ko Alla tagi kon e huunde nde ɗowɗe mun yiiltondirta ñaamo e nano, sujjangol Alla, hara ko ɗi jankiniiɗi.

Ko Alla woni ko sujjanta kala ko woni ka kammuuli e ka leydi, immorde e ruugayngel, e maleykaaji ɓen, kamɓe ɓe townitotaako.(mawnakintaako.)

Heɓe kulira Joomi maɓɓe, senngo dow maɓɓe, heɓe mbaɗa ko ɓe njamiraa.

Alla daali: "Wota on njogito reweteeɓe ɗiɗo. ngnndee Kaŋko ko O deeweteeɗo gooto. Ko min ngoni ko kuloton".

Ko Kaŋko woodani kala ko woni ka kammuuli e ka leydi; ko Kaŋko ɗoftagol duumiingol tabitani. E ko ko woori Alla kuloton?

Kala ko keɓɗon e neema ko immorde ka Alla. refti si lorra memii on, ko Ka makko ngullitotoɗon.

Refti si o huncanii on lorra kan, e jaka fedde goo e mo'on, ko sirkanooɓe Joomi maɓɓe.

Fii yo ɓe njeddu ko min ngokki ɓe kon. Awa ndakmitee, arma nganndon.

Heɓe mbaɗana huunde nde ɓe nganndaa geɗal e kon ko min arsiki ɓe. Wallaahi! On lannditete e kon ko pekindotonoɗon.

Heɓe mbaɗana Alla ɓiɗɓe rewɓe. senaare woodanii mo Heɓe (waɗana) ko'e maɓɓe ko ɓe wooɗitii.

Si gooto e maɓɓe weltiniraama ɓiɗɗo debbo, yeeso makko ngon waɗtina wayliingo ɓalewo e, hara ko o suuɗ-suno.

Homo suuɗora yimɓe ɓeen, sabu bone mo o weltiniraa oon. E o jogitoray mo e hoore koyeera kaa o uway mo ka leydi? ngannde bonii ko ɓe ñaawata!

Hino woodani ɓeen ɓe ngooŋɗinaa laakara sifa bonɗo on. Ko Alla woodani sifa toowɗo on. Ko Kaŋko kadi woni poolɗo, ñeeñɗo.

Si tawno Alla nanngitirayno yimɓe ɓeen sabu tooñe maɓɓe ɗen, O ccataano e dow mayri ruugayngel. Ko woni tun, Himo neeɓtinana ɓe haa e lajal gannda- ngal. Si lajal maɓɓe ngal arii, ɓe neeɓnantaake yonta ɓe adintinantaake.

Hiɓe mbaɗana Alla ko ɓe ngañanta [ko'e-maɓɓe]. Ɗemɗe maɓɓe no cifoo fenaande, won´de no woodani ɓe moƴƴere. Sikke alaa won´de no woodani ɓe Yiite, e won´de ko ɓe ɗaliiɓe.

Wallaahi! Gooŋɗii min nulii e mofte adinooɓe ma, seytaane cuɗani ɓe ngolle maɓɓe ɗen. Ko kaŋko woni giɗo maɓɓe hannde, hino woodani ɓe lepte muusɗe.

Min jippiniraali deftere nden e maaɗa si wonaa fii yo a ɓannginan ɓe kon ko ɓe luutondiri e mun, kadi ko nde peewal, e yurmeende wonan´de yimɓe gooɗinɓe ɓeen.

Alla jippinirii ka kammu ndiyam, O wuurnitiri ɗam leydi ndin ɓaawo ndi yoorde. wonii e ɗuum, maande wonan´de yimɓe nanooɓe.

Hino woodani on e neemoraaɗi ɗiin tasakuyee: miɗen njarna on e ko woni e deedi majji, - hakkunde coowo e ƴiiƴam - ɓiraaɗam laaɓuɗam, welɗam fii yarooɓe.

E dimɗe tamarooji e inabuuje, hoɗon jogitora ɗam siwran e arsike moƴƴo. wonii e ɗuum, maande wonan´de yimɓe haqqilooɓe.

Joomi maa wahayini e ñaakii ngii, won´de : "Jaggu ka pelle cuuɗi, e leɗɗe ɗen, e kon ko ɓe cañata.

Refti ñaamaa e kala dimɗe ɗen, naaton e ɗate Joomi mon newinaaɗe. Hino yalta e deedi majji [kannji ñaaki ɗin], njaram seruɗam nooneeji mun, no e majjam cellal wonan´de yimɓe ɓen. Wonii e ɗuum, maande wonan´de yimɓe miijitotooɓe.

Alla tagii on, refti O hunnay on. Hino e mooɗon on rutteteeɗo e jaasuɗum nguurndam, fii wata o anndu huunde ɓaawo ganndal [makko aranal]. Pellet, Alla ko gannduɗo, kattanɗo.

Alla ɓurnii yoga mon e dow yoga ka arsike. Ɓurnaaɓe ɓen ngonaani ruttirooɓe arsike maɓɓe on e ɓeen ɓe jeytiri ñaame maɓɓe ɗen haa ɓe pota e mayri. E ko dokke Alla on ɓe njeddata?

Alla waɗiranii on e woŋkiiji mon ɗiin resondirɓe, o waɗirani on e resondiraaɓe mon ɓen ɓiɗɓe e taaniraaɓe, o arsiki on immorde e laaɓuɗi. E ko meere nden ɓe gooŋɗinta? E ko neema Alla on kamɓe ɓe njeddata?

Heɓe ndewa gaanin makko, huunde nde waawanaa ɓe (addude) arsike ka kammuuli e ka leydi hay huunde, ɗi kattanaaka [ɗum].

Wata on mbaɗan Alla yerodniraaɗi. Pellet, Alla ko gannduɗo, onon on nganndaa.

Alla piyii misal maccuɗo jeyaaɗo, mo waawaa hay huunde, e on mo min arsiki immorde e amen arsike moƴƴo, hara on wintoo e ɗuum gunndoo e kene. Hara ɓeen no fota? Yettooree woodanii Alla! Ko woni, ko ɓuri ɗuuɗude e maɓɓe anndaa.

Alla piyi kadi misal worɓe ɗiɗo: goɗɗo e maɓɓe ko mbobo, o waawaa hay huunde, kaŋko ko o donngal e hoore jeyɗo mo on; nokku kala ka on fewtiniri mo, o addataa moƴƴere; hara on ɗon fotay e on yamiroowo nuunɗal, hara himo e laawol pocciingol?

Ko Alla woodani wirniiɗi kammmuuli ɗin e leydi ndin. Fiyaaku Darngal ngal wonaani si wonaa yeru kinƴan yiitere maa hara ko kañun ɓuri ɓaɗtaade. Pellet, Alla ko kattanɗo kala huunde.

Alla yaltinii on ka deedi neeniraaɓe mon, on anndaa huunde, O waɗani on nanɗe, e giiɗe e ɓerɗe, belejo'o, on yettay [Mo].

E ɓe nji'aani colli ɗiin ko ɗi eltaaɗi ka weeyo kammu (won´de) jogitaaki ɗi si wanaa Alla? Wonii e ɗuum, maandeeji wonan´de yimɓe gooŋɗinooɓe ɓen.

Alla waɗanii on e cuuɗi mon ɗin koɗorle, O waɗani on e guri neemoraaɗi ɗin tillisaaji ɗi taggoton ñande eggoton e ñande koɗtoton. No e leeɓi (baali) ɗin, e leeɓi (gelooɗi) ɗin e leeɓi (dammi) ɗiin ndaɗɗudi [suudu] e dakmitorɗi haa e saanga.

Alla waɗanii on e ko o tagi kon ɗowɗe. O waɗani on e pelle ɗeen cuuɗorɗe. O waɗani on comci daɗndayɗi on nguleendi, e conci daɗndayɗi on e hare mon. Ko wano nii o timminirta dokke makko ɗeen e dow mon, mbelejo'o on njebbiloto.

Si ɓe nduŋtiima, anndu ko fawi maa, ko yottingol ɓanngina (peeñngol.)

Heɓe nganndi dokke Alla ɗeen; refti ɓe njedda ɗe. Ko ɓuri ɗuuɗude e maɓɓe ko heeferɓe.

(Jaŋto) kadi ñande min immintinoyta e kala mofte seedeejo, refti ɓeen yedduɓe sakkitoyantaake (ngantinagol), wanaa kamɓe ngoni ko ɗaɓɓiroytee ruttitagol [e yarluyee Joomi maɓɓe].

Si tooñuɓe ɓeen ynj'ii lepte ɗeen, ɓe hoynantaake, lepte wanaa ɓe neeɓnitanteeɓe.

Si sirkooɓe ɓeen nji*i kafidaaɓe maɓɓe ɓeen, ɓe mbi'a: "Joomi amen, ko ɗii woni kafidaaɗi amen ɗi men ndrewaynoo gah ni ma". [Kafidaaɗi maɓɓe] ɗiin njilta e maɓɓe konngol ngol: "Onon ko on fenooɓe".

Ɓe mbernoo e Alla ndeen ñalnde jebbilaare, kon ko pekindotonoo majjira ɓe.

Ɓeen yedduɓe ɓe paddii e laawol Alla ngol, min ɓeydiranii ɓe lepte e hoore lepte, sabu ko ɓe bonniraynoo kon.

(Jaŋto kadi) ñande minn immintinoyta e kala mofte ko seeditoo e maɓɓe, jeyaaɗo e maɓɓe, min ngadda maa [an Muhammadu] ko seeditoo e ɓee ɗoo. min njippini e maaɗa deftere nden, ko nde ɓannginoore kala huunde, e peewal, e yurmeende, e welo-welo wonan´de juulɓe ɓen.

Tabitii Alla yamirii nuunɗal, e moƴƴingol, e moƴƴagol e joomiraaɓe ɓadondiral. homo haɗa gaay e pan-kare, e ko añinii, e bewre. homo waajoo on, mbeleejo'o, on mbaajitoray.

kuuɓnee ahadi Alla ndiin si on ahodaama, wata on pirtu gooɗndooje ɗeen ɓaawo ɗe tenntineede, gooŋɗii on mbaɗii Alla seedaniiɗo [on e hunnugol ngol]. Pellet, ko gannduɗo ko ngolloton.

Wota on ngon wano (debbo) pirtunooɗo mottawol mun ɓaawo doole firtude, hoɗon njogitora gooɗndooje mon ɗeen jamfondiro hakkunde mon, nde mofte [mon ɗen] wonata ɓurde tonaade e dii mofte goo. ngandee Alla no jarribora on ɗuum. ma o ɓanngina- na on ñande darngal, ɗuu ko luutondiratnoɗon e mum.

Sinno Alla muuyuno, o waɗatno on mofte goote. Kono, Himo majjina on Mo o muuyi, O feewna on mo O muuyi. ma on lannditoye e ɗuu ko ngollatnoɗon.

Wota on njogitor gooɗndooje mon jamfondiro hakkunde mon, sakko koyngal [mon] mortotoo (fergito) ɓaawo ngal tabitude, meeɗiron bone sabu ko paddiɗon ko e laawol Alla ngol. hino woodani on lepte mawɗe.

Wota on mbaɗtitir ahadi Alla ndiin coggu pamɗungu. ñganndee ko ko woni ka Alla ko ɓuri moƴƴan´de on, si tawno hoɗon nganndi!

Ko marɗon kon re'ay (gasat), ko woni ka Alla ko ko keddotooɗum. ma min mbarjor ɓeen muññiiɓe njoɓdi maɓɓe ndiin ko ɓuri moƴƴude e ko ɓe ngollatnoo kon.

Kala golluɗo moƴƴere, woni gorko maa debbo, hara ko o gooŋɗinɗo, maa min wuurnu mo nguur- ndam laaɓuɗam. Ma min mbaajor ɓe njoɓdi maɓɓe ndin, ko ɓuri moƴƴude e ko ɓe ngollatnoo kon.

Si a janngay Alqur'aana, moolor Alla seytaane diiwaaɗo on.

Kaŋko on, mbawdi(cemmbe) alanaa mo e ɓen gooŋɗinɓe, ɓe fawii e hoore Joomi maɓɓe.

nganndee mbawdi makko ndiin, ko hoore ɓeen weldiiɓe e makko woni, e ɓeen sirkirooɓe sabu makko.

Si min lomtinii aaya lomto aaya goo - Ko Alla ɓuri anndude ko O jippinta - Ɓe mbi'a: "aan on ko a pekindiiɗo". Si ko woni, ko ɓuri ɗuuɗude e maɓɓe anndaa.

Maaku: "Ko jippini ndee, ko [Jibriilu] Fittaanndu Laaɓndu ndun, immorde ka Joomi maa, fii yo o tabintin ɓeen gooŋɗinɓe, e [fii yo nde won] peewal, e welo-welo wonan´de juulɓe ɓeen".

Gooŋɗii min miɗen nganndi won´de heɓe mbi'a: "Ko neɗɗaŋke woni mo anndinnde (Alqur'aana)". Ɗemngal ngal ɓe ooñotoo e mun ngal ko ajami, ndee ɗoo non ka ɗemngal Aarabi ɓanngungal(.laaɓtungal.)

Pellet, ɓen ɓe ngooŋɗinaani Aayeeje Alla ɗeen, Alla feewnataa ɓe. Hino woodani ɓe lepte muusɗe.

Nganndee ko fejkindotoo fenaande, ko ɓeen ɓe ngoŋɗinaani- aayee Alla ɗen; ko kamɓe ngooni fenooɓe ɓeen.

Kala jedduɗo Alla ɓaawo gooŋɗinal makko ngal - si wanaa on waawnaaɗo hara ɓernde makko nden ko deeƴirnde gooŋɗinal , kono, ɓeen yaññamɓe ɓerɗe mun keeferaaku, hino fawii ɓe tikkere immorde Alla, hino woodani ɓe kadi lepte mawɗe.

Ngol [murtugol maɓɓe], ko tawde ɓe cuɓiima nguurndam aduna e dow laakara, e won´de Alla kan, O feewnataa yimɓe yedduɓe ɓeen.

Ko ɓeen ngoni ɓe Alla noti e ɓerɗe mum, e nanɗe mun e gite mum. Ko ɓeen ngooni welsindiiɓe ɓen.

Sikke alaaa won´de ɓeen ɗoon ka laakara, ko kamɓe ngoni sooyɓe ɓeen.

refti pellet Joomi maa, wonannde ɓen ferunooɓe ɓaawo nde ɓe tampinaama, hooti ɓe tiiɗnii ɓe muññii, pellet Joomi maa, ɓaawo ɗuum, Ko O jaafotooɗo, jurmotooɗo.

(Janŋo) tuma ñande kala woŋkii arata, hara hiki wennja fii hoore-makki, woŋkii kala yoɓee ko ki golli kon, kamɓe ɓe tooñetaake.

Alla piyii misal hoɗo: hoɗo hoolinoongo, deeƴungo; arsike maggo no ardirana ngo nokku kala e yaaj- jeende. Ɓe njeddi dokke Alla ɗe, Alla meeɗiniri ɓe kolgu heege e kulol, sabu ko ɓe ngollatnoo kon.

Gooŋɗii arii e maɓɓe nulaaɗo jeyaaɗo e maɓɓe, ɓe njeddi mo. Lepte ɗeen nanngi ɓe, tawi ko ɓe tooñɓe.

Ñaamee e kon ko Alla arsike on dagiiɗi laaɓuɗi, njeetton dokke Alla ɗeen, si wonii ko Kaŋko ndewoton.

nganndee ko o Harminani on, ko jiiba, e ƴiiƴam (rufaaɗam), e teewu kose, e [huunde hirsiraande] daginiraande ko woori Allah. Kala on duñaaɗo [e ñaamugol ɗuum] hara wonaa ɓewɗo wonaa jaggi- tuɗo,nganndee pellet, Allah ko jaatooɗo jurmotooɗo.

Wota on mbi'u ko ɗemɗe mon sifotoo e penaale: "Ɗum ɗoo no dagii, ɗum ɗoo no harmi", fii no pekindoron e hoore Alla fenaande. Pellet, ɓen fekindotooɓe fenaande e hoore Alla, ɓe maletaake.

Ko dakamme pamɗuɗo, hino woodani ɓe lepte muusɗe.

E hoore Alyahuudaaɓe ɓeen (kan), min karminno ko min fillani maa kon ko adii. min tooñaano ɓe; ko woni, ko ko'e-maɓɓe ɓe ngonnnoo e tooñude.

Refti pellel, Joomi maa, wonan´de ɓeen golluɓe bone on majjere, refti ɓe tuubi ɓaawo ɗuum ɓe moƴƴini, pellet Joomi maa, ɓaawo ɗuum, ko jaafotooɗo, jurmotooɗo.

Pellet, Ibraahiima woniino ɗowro koykinaniiɗo Alla, ooñiiɗo [e ɗiya diinaaji], o wonaana jeyaaɗo e sirkooɓe ɓeen.

jettatnooɗo dokke makko ɗin. [Alla] suɓike mo, O feewni mo e laawol poocciingol.

Min ngokki mo ka aduna moƴƴere. Kaŋko oon ka laakara, ko o jeyaaɗo e moƴƴuɓe ɓeen.

Refi min mbahayini e maaɗa, won´de: " Jokku diina Ibraahiima ka naayaaki e diinaaji mehre o jeyanooka e sirkooɓe ɓeen".

ngandee [mawningol fii] aseweere nden ko waɗanaa, ko ɓeen luutondirɓe e mayre. Pellet, Joomi maa, ko ñaawoyoowo hakkunde maɓɓe Ñande Darngal, e ɗuum ko ɓe luutondiratnoo fii mum.

Noddir e diina Joomi maa kan ñeeñal e waaju moƴƴu. Wennjiraa ɓe e noone ɓurɗo moƴƴude. Pellet, Joomi maa, ko Kaŋko ɓuri anndude on majjuɗo e laawol makko ngol, ko Kaŋko kadi ɓuri anndi feewɓe ɓeen.

Si on yagginay, haray yagginiree yeru no waɗiranoɗon non. Ko si on muññike, pellet ko ɗuum ɓuri moƴƴan´de muññiiɓe ɓeen.

Muñño! Muñal maa ngal ko sabu Alla tan. wota a suno fii maɓɓe. wota wonu ɓittorɗo e ɗuum ko ɓe pewjata.

Pellet, Alla no won´di e ɓeen hulɓe [Mo] e ɓeen moƴƴinooɓe.