The Noble Qur'an Encyclopedia

Taa, Siin, miim.[1]

Ɗeen ko aayeeje Deftere ɓanngunde nde.

Mbelejo'o an a tampiniray hoore maaɗa kin fii ɓe laataaki gooŋɗinɓe.

Si Min muuyii Min njippinat e maɓɓe immorde ka kammu aaya daaɗe maɓɓe ɗen ñalla ko ɗe yankinaniiɗe mo.

Arataa e maɓɓe waaju immorde ka jurmotooɗo on fuɗɗaangu si wonaa ɓe laatike ɗuuriiɓe ngu.

Gooŋɗii ɓe njeddii aroyay e maɓɓe kabaruuji ko ɓe laatinoo koɓe njalkitano.

Enee, ɓe nji'aani fa'ade e leydi ndin, no foti heewde ko Min puɗini e mayri immorde e kala noone tedduɗo?

Pellet, wonii e ɗuum [ko jaŋtaa ɗoo] aaya, ɓurɓe heewɓe e maɓɓe laataaki gooŋɗinɓe.

Pellet, Joomi maaɗa ko Kaŋko woni tedduɗo Jurmeteeɗo On.

Jaŋto tuma nde Joomi maaɗa noddunoo Muusaa, ɗum woni ar e yimɓe tooñooɓe ɓe.

Yimɓe Fir'awna, kaa on kulataa

O maaki: "Joom am , min miɗo huli wota ɓe njeddam.

Ɓernde am nden ɓittoo hara ɗemngal am ngal wellitaaki, awa Nul to Haaruuna.

No woodani ɓe e dow am bakkaat miɗo huli fii wota ɓe mbaram.

O Daali: "Wonaa non, njahee onon ɗiɗo, Miɗen ngon'di e mooɗon ko Min heɗiiɓe".

Aree ka Fir'awna wi'on: "Minen dey ko min Nulaaɓe Jooma winndere nden."

Ɗuum woni accitu ɓiɗɓe Isra'iila ɓen wond'ude e amen.

O wi'i: "Enee, min ne'aano ma ka amin ɗoo hari ko a boobo, ñiiɓuɗaa ka amin ɗoo duuɓi e ngurndam maaɗam?"

NGolluɗaa gollal maaɗa ngal ngollunoɗaa ngal, an ko e yedduɓe ɓen njeyaɗaa.

O maaki: "Mi waɗii ɗum, ontuma min ko mi jiyaaɗo e majjuɓe ɓeen".

Mi dogi on, tuma nde mi kulunoo on, Joomi am okkin mi Ganndal o waɗin mi jiyaaɗo e Nulaaɓe ɓen.

Ɗum ko neema mo mbajitirtaa mi ɗum, fii a maccinɗinii ɓiɗɓe Israa'iila ɓen.

Fir'awna wi'i: " Ko hommbo jeyi winndere nde?"

O maaki: "Ko Jooma kammuuji ɗin e leydi ndi e ko woni kon hakkunde majji, si on laatike yananaaɓe."

O wi'ani ɓeen wonɓe banŋe makko: "Enee; on leɗataako?"

O maaki: "Joomi mooɗon e Jooma baabiraaɓe adiiɓe ɓen."

[Fir'awna] wi'i: "Pellet, Nulaaɗo mooɗon on Nulaaɗo fa'ade e mooɗon ko o kaangaaɗo."

O maaki: "Ko Jooma funna'ange e hirna'ange e ko woni kon hakkunde majji, si on laatike kakkilooɓe."

[Fir'awna] wi'i: "Mi wooɗndii si jogitike deweteeɗo tan am, mi waɗete jiyaaɗo dummbaaɓe ɓeen".

O maaki: "enee, hay si mi addanii ma hu'unde ɓanngunde?"

[Fir'awna] wi'i: "Awa addu ɗum, si tawii ko e gooŋɗu ɓe ɓe njiyaaɗaa."

O wernii tuggordu makko ndu, jaka ko ndu mbooɗdi (ngoolwa) ɓannguba.

O yaltini junngo makko ngo, jaka yoo ko ngo ranwungo wonan'de ndaarooɓe ɓe.

[Fir'awna] wi'ani mbatu ngu fee makko: "Pellet, ooɗoo ko bileejo keewɗo ganndal".

Homo fa'andii jaltinirgol on ka leydi mooɗon mbilewu makko ngu. Ko hulɗun njamirɗon?

Ɓe mbi'i : "Neeɓnu mo e musiɗɗo makko on, nulaa e ca'e ɗen mooɓooɓe (wileeɓe)".

Ɓe ngddane kala bileejo gannduɗo.

Wileeɓe ɓen mooɓaa fii fodoore ñalaande anndaande.

Yimɓe ɓen mbii'anaa: "Taw si onon ko on mooɓike(ndenndi)"

Mbelejo'o lajo'o minen min njokkay wileeɓe ɓen, si ɓe laatike ko kamɓe ngoni foolɓe ɓen.

Tuma nde wileeɓe ɓen ngrnoo; ɓe mbi'ani Fir'awna: "Enee, no woodani min njoɓdi si tawii ko min ngoni foolɓe ɓe?"

O wi'i : "Eyyo, on tuma on njeyaama e ɓaɗtinaaɓe ɓen".

Muusaa maakani ɓe: "mbeddee, ko mbernoton kon".

Ɓe liɓi ɓoggi maɓɓe e cawoy maɓɓe kon, ɓe mbi'i: "Sabu teddungal Fir'awna, ko minen ngoni foolooɓe ɓe".

Muusaa wernii tuggordu makko ndu, tawi kayru hundu moɗa ko ɓe fekindii ko.

Wileeɓe ɓe nduuyi ɓe cujji.

Ɓe mbi'i : "Min ngoŋɗinii Jeyɗo Winndere nde,

Joomum Muusaa e Haaruuna".

[Fir'awna] wi'i: "Enee, on ngooŋɗinat mo, ko adii mi duŋanaade on? Pellet, ko kaŋko woni mawɗo mooɗon anndinɗo on on mbilewu ngu, kono a nganndon, mami taƴ juuɗe mooɗon e koyɗe mooɗon [taƴa] luutindira. Mami fetu on, on fof mooɗon".

Ɓe mbi'i: "Tanaa alaa, minen ko fa'ade ka Joomi amin min nduttotoo".

Minen miɗen tamƴinii nde Joomi amin yawtani min ngoopi amin ɗin,tawde min laatike adiiɓe gooŋɗinnde ɓen.

Min mbahayini fa'ade e Muusaa: "Ɗuum woni roƴidu e Jiyaaɓe Am ɓeen. Pellet, onon ko on jokkiteteeɓe".

Fir'awna nuli to ca'e mooɓooɓe.

[O wi'i:] Pellet, ɓee ko ɓe mojobum pamarum.

Pellet, kamɓe heɓe tikkinnde min.

Enen non en fof ko en reentiiɓe.

Min njaltini ɓe immorde e gese e caatli.

E ngaluuji e ñiiɓirde teddunde.

Ko wano nii, Min ndonini ɗum ɓiɗɓe Israa'iila ɓen.

Ɓe njokkiɓe de puɗal.

Tuma nde jamaaji ɗin ɗin yi'ndirnoo, yimɓe Muusaa ɓe mbi'i: "Enen en hewtoyte".

O maaki: "Ɗuum waɗataa, pellet, Joomi am no won'di e am o feewnat kam".

Min mbahayini e Muusaa, ɗum woni piyir tuggordu maaɗa ndu maayo ngon, ngo seekii ceekol kala seekol na foti e tulde mawnde.

Min ɓanni ton heddiiɓe ɓe.

Min ndaɗni di Muusaa e won'ɗuɓe e makko ɓe fof maɓɓe.

Refti Min njooli heddii ɓe ɓe.

Pellet, wonii e ɗuum [ko jaŋtaa ɗoo] aaya, ɓurɓe heewude e maɓɓe laataaki gooŋɗinɓe.

Pellet, Joomi maaɗa, ko Kaŋko woni Tedduɗo jurmeteeɗo.

Janngan ɓe kumpital fii Ibraahiima.

Tuma nde o wi'annoo baaba makko e yimɓe makko ɓe; ko holɗum ndewoton?

Ɓe mbi'i: "Miɗen rewde sanamuuji, min ñallat ufnanaade ɗi".

O maaki: "mati i hiɗi nanana on, nde noddoton".

Maa hiɗi nafa on ma ɗi lorra on?

Ɓe mb'i: "Ko woni, men tawii baabiraaɓe amen ɓe konii ɓe ngolliratnoo".

O maaki: "Enee, on nji'ii kon ko ngonɗon e rewde?"

Onon e baabiraaɓe mon adinooɓe ɓe.

Pellet, kamɓe ko ɓe añɓe am, si wonaa Jooma winndire nden.

On Talɗo kam, ko Kaŋko feewnata kam.

On ko Kaŋko ñamminta kam O yarnan-mi.

Si mi nawnii, ko Kaŋko sellinta kam.

E oon barayɗo kam refti o wurnitan mi.

Oon mo mi tamƴinii kadi nde O yaafatoomi goopi am ɗin Ñande [njoɓdi] Diina ka.

Joomam, okkam Ganndal wattidaa mi e moƴƴuɓe ɓe.

Mbaɗanaa kam jaŋto moƴƴo ka sakkitiiɓe ɓen.

Mbaɗaa mi jiyaaɗo e ronooɓe Aljanna Neemaaji ɗin.

Njaafɗaa baaba am, pellet, kaŋko o laatinoke jiyaaɗo e majjuɓe ɓeen.

Wota A hersinoyam Ñande ɓe Immital.

Ñande nde jawdi e ɓiɗɓe nafataa.

Si wonaa on arduɗo ka Alla e ɓernde hisnde.

Aljanna oon ɓatinanee hulooɓe Alla ɓeen.

Jahiim ngeen feññinanee bewɓe ɓern.

Ɓe wi'nee: "Honto woni ko laatinoɗon kon hoɗon ndewa".

Ga Alla? Taw si ɗi walla on ma ɗi wallat hoore majji?

Ɓe kippee e ndeer magge kamɓe e bewɓe ɓen.

E konnuuji ibliisa ɗiin ɗi fof majji.

Ɓe mbi'i tawi kamɓe heɓe wennjondira ndeer ton:

"Min woondirii Alla, min woniino e ndeer majjere ɓanngunde.

Tuma nde min njeddunoo on e Jooma winndere nde"

Majjinaani min si ngonaa bonɓe ɓen.

Alanaa min tefooɓe.

Wonaa kadi giɗo ñallamɓereejo(tigi tigi).

Sinndo no woodannoo min ndutteede, min laatoo jiyaaɓe e gooŋɗinɓe ɓen.

Pellet, wonii e ɗuum [ko jaŋtaa ɗoo] aaya, ɓurɓe heewɓe e maɓɓe laataaki gooŋɗinɓe.

Pellet, Joomi maaɗa, ko Kako woni Tedduɗo jurmeteeɗo.

Yimɓe Nuuhu ɓen njeddii Nulaaɓe ɓen.

Tuma nde Nuuhu musiɗɗo maɓɓe on mbiannoo ɓe: "Enee, on kulataa [Alla]?"

Min dey, ko mi nulaaɗo e mooɗon koolaaɗo.

Kulee Alla ɗoftoɗon mi.

Mi toraaki on e dow ɗum njoɓdi, njoɓdi am ndin fawaaki si wonaa Jooma winndere nde.

Kulee Alla ɗoftoɗon mi.

Ɓe mbi'i: "Enee, hara men ngooŋɗinte, ja'asɓe ɓen no njokkumaa?"

O maaki: "Ko holɗum woni ganndal am e ko ɓe ngonoo e gollude?".

Hasboore maɓɓe nde fawaaki si wonaa e Joomi am, sinndo hoɗon so'aynoo.

Min mi ngonaani raɗotooɗo gooŋɗinɓe ɓen.

Min mi ngonaani si wonaa jerrtinoowo ɓannguɗo.

Ɓe mbi'i: "Min woondii si a accaani aan Nuuhu, ma a laato sanne jiyaaɗo e rajmeteeɓe ɓen".

O maaki: "Joom am, pellet, yimɓe am ɓen ɓe fenni kam".

Ñaawu hakkunde am e maɓɓe ñaawoore, ndanndaa mi e ɓeen wonnduɓe e am joyaaɓe e gooŋɗinɓe ɓen.

Min danndi mo e ɓeen won'ɗuɓe e makko ka ndeer laana ƴoltiika(loowaaka).

Refti Min yooli ɓaawo [maɓɓe] heddiiɓe ɓen.

Pellet, wonii e ɗuum [ko jaŋtaa ɗoo] Aaya, ɓurɓe heewde e maɓɓe laataaki gooŋɗinɓe.

Pellet, Joomi maaɗa, ko Kaŋko woni Tedduɗo jurmeteeɗo.

Aadiŋkooɓe ɓen njeddiino Nulaaɓe ɓen.

Tuma nde Huudu musiɗɗo maɓɓe on wi'annoo ɓe: "Enee, on kulataa [Alla]?"

Min dey, ko mi Nulaaɗo e mooɗon koolaaɗo.

Kulee Alla ɗoftoɗon mi.

Mi toraaki on e dow ɗuum njoɓdi, njoɓdi am ndin fawaaki si wonaa Jooma winndere nde.

Enee, on mahat Ma'ande e kala tulde hoɗon pija?

Njogitoɗon kuɓeeje a wi'ayma onon ko on luttinteeɓe [ka aduna].

Si on njaggitii, njanggiton ko ndunndarankooɓe.

Lulee Alla ɗoftoɗon mi.

Kulee oon ɓeydirɗo on ko ngannduɗon.

O ɓeydiri on neemoraaɗi e ɓiɓɓe worɓe.

E gese e canɗi.(gite).

[O maaki] min dey, miɗo hulani on Lepte Ñalaande mawnde.

Ɓe mbi'i: "No fotana min ter, si a waajike ma si a laataaki jiyaaɗo e waajotooɓe ɓeen".

Pellet, ɗuum wonaani si wonaa jikku adinooɓe ɓeen.

Minen Min ngonaani leptoyteeɓe.

Ɓe njeddi mo, Min kalki ɓe. Pellet, wonii e ɗuum [ko jaŋtaa ɗoo] Aaya, ɓurɓe heewude e maɓɓe laataaki gooŋɗinɓe.

Pellet, Joomi maaɗa, ko Kaŋko woni Tedduɗo jurmeteeɗo.

Samuudiŋkooɓe ɓeen njeddiino Nulaaɓe ɓen.

Tuma nde Saalihu musiɗɗo maɓɓe on wi'annoo ɓe: "Enee, on kulataa [Alla]?"

Min dey, ko mi Nulaaɗo e mooɗon koolaaɗo.

Kulee Alla ɗoftoɗon mi.

Mi toraaki on e dow ɗuum njoɓdi, njoɓdi am ndi fawaaki si wonaa Jooma winndere nde.

Enee, hara on ngaccete e koo ko woni ɗoo ko on hooliiɓe?!

E ndeer gese e canɗi.(gote.)

E remuruuji e tamarooje hara dukke majje ko ɓennduɗe.

Hoɗon lesa pelle ɗeen [mbaɗon] cuuɗi ko on haawitiiɓe.

Kulee Alla ɗoftoɗon mi.

Wota on ɗofto jamaruyee fantinooɓe ɓeen.

Ɓeen bonnooɓe ka leydi hara ɓe moƴƴintaa.

Ɓe mbi'i: "Pellet, an ko a jiyaaɗo wilaaɓe ɓeen".

An a wonaani si wonaa ɓannduŋke yeru amen, awa addu aaya, si tawii a laatike jiyaaɗo e gooŋɗuuɓe ɓen.

O maaki: "baaɗoo ko naaqawa, no woodani mba yarannde, no woodani on onon kadi yarannde ñalaande anndaande".

Wota on memir mba ko boni, sakko nannga on Lepte Ñande Mawnde.

Ɓe mborii mba, ɓe ngonti nimsuɓe.

Lepte ɗen nanngi ɓe. Pellet, ngonii e ɗuum [ko jaŋtaa ɗoo] Aaya, ɓurɓe heewde e maɓɓe laataaki gooŋɗinɓe.

Pellet, Joomi maaɗa, ko Kako woni Tedduɗo Jurmeteeɗo.

Yimɓe Luutu ɓeen njeddi Nulaaɓe ɓen.

Tuma nde Luutu musiɗɗo maɓɓe on wi'annoo ɓe: "Enee, on kulataa [Alla]?"

Min dey, ko mi Nulaaɗo e mooɗon koolaaɗo.

Kulee Alla ɗoftoɗon mi.

Mi toraaki on e dow ɗum njoɓdi, njoɓdi am ndin fawaaki si wonaa Jooma winndere nde.

Enee, on ngarat e worɓe ɓe immorde e winndere nde?!

Ɗalon ko Joomi mooɗon tagani on kon immorde e sonnaaɓe mooɗon? Ko woni, onon ko on yimɓe yawtuɓe Keerol.

Ɓe mbi'i: "Min ngooɗndiri si a accaani aan Luutu, ma a laato sanne jiyaaɗo e yaltiteeɓe ɓen".

O maaki: "Min dey, miɗo jiyaa e añɓe ɓen golle mooɗon ɗen".

Jooma, danndam min e ɓeynguure am ndeen kon ko ɓe ngollata.

Min danndi mo e ɓeynguure makko nden, ɓe fof maɓɓe.

Si wonaa jiidiraare(nayeejo debbo) nden ka halkaaɓe ɓen.

Refti Min oƴƴi heddii ɓe ɓen.

Min toɓini e dow maɓɓe toɓo, bonii toɓo jeertinaaɓe ɓen.

Pellet, wonii e ɗuum [ko jaŋtaa ɗoo] aaya, ɓurɓe heewuɓe e maɓɓe laataaki mgooŋɗinɓe.

Pellet, Joomi maaɗa, ko Kako woni Tedduɗo Jurmeteeɗo.

Yimɓe fitaare(sutu) nden njeddiino Nulaaɓe ɓeen.

Tuma nde Su'aybu wi'annoo ɓe: "Enee, on kulataa [Alla]?"

Min dey, ko mi Nulaaɗo e mooɗon koolaaɗo.

Lulee Alla ɗoftoɗon mi.

Mi toraaki on e dow ɗuum njoɓdi, njoɓdi am ndin fawaaki si wonaa Jooma winndere nde.

Kumnee ɓetu ngu, wata on laato jiyaaɓe e ustooɓe ɓeen.

Manndikiree(pe'esirɗe) manndikirɗe peewɗe ɗeen.

Wata on ustan yimɓe ɓen piiji maɓɓe ɗin, wota on lancito ka leydi hara ko on bonnooɓe.

Kulee oon Takɗo on, o tagoore adinoongu ngun.

Ɓe mbi'i: "Pellet, an ko a jiyaaɗo wilaaɓe ɓen.

Aan a wonaani si wonaa ɓannduŋke yeru amen, tawde miɗen cikkumaa ko a jiyaaɗo e fenooɓe ɓeen.

Awa fukku e dow amen kunte kammu ngun, si tawii a laatike jiyaaɗo e gooŋɗuɓe ɓeen.

O maaki: "Ko Joomi am woni gannduɗo ko ngolloton kon".

Ɓe njeddi mo, nanngi ɓe Lepte ñalaande ɗowdiinde nden. Pellet, ɗen laatino Lepte ñalaande mawnde.

Pellet, wonii e ɗuum [ko jaŋtaa ɗoo] aaya, ɓurɓe heewɓe e maɓɓe laataaki gooŋɗinɓe.

Pellet, Joomi maaɗa, ko Kaŋko woni Tedduɗo Jurmeteeɗo.

E pellet, kayre ko nde jippinaande Joom winndere nde.

Jippinii nde ruuhu koolaaɗo oon.

E ɓernde maaɗa fii yo a laato jiyaaɗo e jeertinooɓe ɓen.

E ɗemngal Aarabi ɓanngungal.

Pellet, kayre hende ka ɗeri aranɓe ɓeen.

Enee, hara laatanaaki ɓe Ma'ande, nde tawata anndiino nde ɓiɓɓe Israa'iila annduɓe ɓen?

Sinndo Min njippinno nde e dow yoga e ajamiyaŋkooɓe ɓen.

o janngi nde e dow maɓɓe, ɓe laatotaako gooɗinɓe nde.

Ko wano nii Min naatniri ɗum e ɓerɗe bonɓe ɓen.

Ɓe ngooŋɗintaa nde, haa ɓe nji'a Lepte mu'usuɗe ɗen.

Ɗe ngara e maɓɓe e juhayee, hara ɓe so'aa.

Sakko ɓe mbi'a: "Taw si ko min neeɓnanteeɓe?"

Enee, ko Lepte amen ɗen ɓe keñorta?

A tinii si Min ndakmitii ɓe duuɓi.

Refti ari e maɓɓe ko ɓe laatinoo heɓe podee.

Nafaali ɓe ko ɓe laatinoo kon heɓe ndakmitoo.

Min kalkatanii saare woo, si wonaa hara no woodani nde jeertinooɓe.

[Ɗuum] ko waaju, Min laataaki tooñooɓe.

Wonaa seytanuuji ɗin njippini nde.

[Ɗuum] haananaaɗi, ɗi kattantaa ɗum kadi.

Pellet, kannji ko ɗi follateeɗi ga keɗagol ngol.

Wota a noddu deweteeɗo goo wond'ude e Alla, sakko laatoɗaa jiyaaɗo e Lepteteeɓe ɓen.

Jeertin gorol maaɗa ɓurɓe ɓadaade ɓen.

Lesɗinan balbe maaɗen, wona nde ɓen jokkuɓe ma immorde e gooŋɗinɓe ɓen.

Si ɓe njeddii ma, haray maaku: "Min dey, ko mi danndiiɗo ko ngolloton".

Hoolor On Tedduɗo Jurmeteeɗo.

On jioowo ma saha de darotoɗaa.

E baylitogol maaɗa e hakkunde sujjooɓe ɓeen.

Pellet, ko Kaŋko woni Nanoowo gannduɗo On.

Taw si mi humpitay on ko e hommbo Seytanuuji ɗin njippotoo?

Hiɗi njippoo e dow kala fekindotooɗo bakkodinɗo.

Hiɗi mbernoo nanɗe ɗen, ko ɓurɓe heewude e majji ko penooji.

Yimooɓe ɓeen ko jokkata ɓe, ko bewɓe ɓeen.

Enee, a tinaani won'dema kamɓe heɓe yinoo e kala aynde?

E tawde kamɓe heɓe wowla ko ɓe ngollataa.

Si wonaa ɓeen gooŋɗinɓe ɓe ngolli golle moƴƴe ɓe njaŋtii Alla ko ɗuuɗi ɓe yoɓtii ɓaawo ɓe tooñaama. Aray ka ɓeen tooñuɓe annday ko honde e waylitorde ɓe mbaylitotoo.