The Noble Qur'an Encyclopedia

Haa, miim.[1]

Jippagol deftere nde, ko immorde ka Allah, pooluɗo, Ñeeño O.

Pellet, hino e tagugol kammuuji ɗiin e leydi ndin, Ma'andeeji wonan'de gooŋɗinɓe ɓeen.

Hino e takgol oon ngol kadi, e kon ko O saaki e ruugayɗi, ko Ma'andeeji wonan'de yimɓe yananaaɓe ɓeen.

E luutondirgol jehma e ñalawma ngol, e kon ko Allah jippiniri ka kammu, immorde e toɓo, O wuurnitiri ngo leydi ndin ɓaawo ndi yo'orude, e firlitagol keneeli ɗin, ko Ma'andeeji wonan'de yimɓe haqqilooɓe ɓen.

Ɗiin ko Ma'andeeji Allah ɗi Min njanngirante hoore goonga. E ko holɗum e yewtere ɓe gooŋɗinta, ɓaawo [yewtere] Allah nden e Aayeeje makko ɗeen?

Bone woodanii kala penoowo bakkodin'ɗo !

Mo no nana Aayeeje Allah ɗen hino janngee e dow makko, refti o hedditora e toownitaare, wa si tawii o nanaani ɗe. Awa weltinir mo lepte mu'usuuɗe.

Si o anndii goɗɗum e aayeeje Amen ɗeen, o jogitora ɗum jalnori. Ɓeen ɗoon, hino woodani lepte koynooje:

Jahannama hino caggal maɓɓe. Ko ɓe paggitinoo duncanoytaaɓe hay hu'unde, wonaa kon ko ɓe jogitinoo yiɗɓe ko wonaa Allah. Hino woodani ɓe lepte mawɗe.

Ndee [deftere]ko peewal. Ɓeen yedduɓe noon aayeeje Joomi maɓɓe ɗen, hino woodani lepte coɓɗe mu'usuuɗe.

Ko Alla oon woni ko eeltanta mon maaya ngam laaɗe ndoga e hengo e dow yamiroore makko, ngam ɗaɓɓon e ɓural makko e yaama joo njetton.

O eeltani on ko woni e kammuuji e ka leydi fof, wonii e ɗuum kaawisaaji wonan'de yimɓe miijatooɓe.

Maakan ɓeen goonɗinɓe yooɓe njaafa ɓeen ɓe tijjaaki nyalɗi Alla ngam O yoɓa ɓe yimɓe koɓe paggittono ko.

Kalo golluɗo ko moƴƴi,ko fii hoore-makko; kala kadi bonnuɗo, yantat e makko refti ko ka Joomi maa woni ruttorde mon.

Min tottii banii Israa*iil deftere e ñeeñal e annabaagal Min njeɗiɓe e dagiiɗi Min ɓurniɓe ko heewi e binnde he.

Min totti dallillaaji ɓannginooji ɓe luuraani si wonah caggal nde ganndal ari e mum en sabu bewre hakkunde maɓɓe pellet Jooma na ñaawa hakkunde maɓɓe ñande darnga koɓe njeddandiratnoo ko.

Refti min mbaɗma e laawol e yamiroore amen, woto rew belaaɗe ɓeen ɓe ngannda.

Pellet ɓeen ɓe nafataama gaa e Alla hay hu'unde pellet tooñooɓe yogo e mum en ko weldiiɓe, Alla woni keeda hulɓe ɓe.

O quraana kombo gite e peewal e yurmeende wonan'de yananaaɓe ɓe.

Mbele ɓeen waɗɓe boneeji na nanndi e gooŋɗinɓe ɓe ngolli golle lobbe hoɓe fota e nguurndam mum en e maayde maɓɓe bonii koɓe ñaawata.

Alla tagrii kammuuji e leydi goonga ngam kala fittaandu yoɓee kondu fagginoo ko kamɓe ɓe tooñetaake.

Mbele a yiaani oon jaggirɗo belaaɗe makko deweteeɗo Alla majjini mbo e dow ganndal O uddi nanɗe makko e ɓernde makko, o waɗi e gite makko hee cuddi ko hombo feewnata oon caggal Alla mate on miictaaka.

He'eferɓe mbii ɗum wona si wona nguurndam aduna min maaya min nguura, halkataa min si wona jamaanu, ɓe ngalana ɗuum ganndal ɓe cikkita tan.

Si aayeeje amen ɓannguɗe njanngaama e mum en hujja maɓɓe wonata si wona ngaddee baabiraaɓe amen si on ngonii gooŋɗuɓe.

Maaku ko alla wuurnata on refti o wara on refti renndina on fa'ade ñalawma darnga mbo sikke alah e mum, kono ko ɓuri heewde e yimɓe ngannda.

Woodanii Alla laamu kammuuji e leydi, ñande darnga darii ñande heen meerenteeɓe ɓe perta.

Haɗa yiya -aan nulaaɗa- kala leñol na gurfanii e koppi mum,kala leñol na noddiree deftere mum hannde woni ko njoɓeteɗon ko ngollatnaɗon e ndeer aduna.

Ndee ko deftere amen honde wowla goonga, min ngoniina min ceeraani won'de emin njamira nde winndate ko ngollatna ɗon.

Tawi ko ɓeen gooŋɗinɓe ɓe ngolli golle lobbe O naatnatɓe e yurmeende makko, ko ɗuum woni mala ɓanngungal.

Tawi ko ɓeen he'efareeɓe mbele aayeeje am ɗe njanngetanooke e dow mon mawnikiniɗon laatiɗon yimɓe bonɓe.

Si ɓe mbiaama pellet fodoore Alla ko goonga sikke alah heen mbi'on min ngannda ko woni darnga, min cikkiti cikkitagol min ngonaani yananaaɓe.

boneeji ɗi ɓe paggitinoo ɗiin feñana ɓe, ko ɓe njalkitatnoo kon fiiltoo ɓe.

ɓe mbi'ana hannde min njejjita mon hono no njejjitirɗon pottal ñangu mon hannde ngu, ko yiite woni hoɗorde mon on ndañata walladiiɓe.

ɗuum noon ko sabu on njaggarii aayeeje Alla ɗe njalkito nguurndam aduna hoomti on,hannde ɓe njaltata e yiite ɓe nduttataaka aduna ɓe ngolla golle lobbe haa Alla weleeɓe.

Woodanii Alla jettooje nder kammuuji e leydi Jom binnde.

Na woodani mbo manngu ndeer kammuuji e leydi ko Kaŋko woni mbo gooto foolata ñeeñɗo.