The Noble Qur'an Encyclopedia

Eehey mon gooŋɗinɓe wote njaggire añɓe mi e añɓe mon heetɓe hoɗon mberno e mum en gilli te koɓe yedduɓe goongo garɗo o e mon, hoɓe njaltina nelaaɗo e onon sabu tan on ngooŋɗanii Alla joomi mon, tawde on njalti sabu jihaadi e laawol am e ɗaɓjude weluya am, hoɗon cuurtanaɓe kabaruuji juulɓe ngam ɓe mbele mon, mbiɗa anndi ko cuuɗoton e ko ɓanngiɗon, kala e mon baɗɗo ɗuum o majji laawol peewngol.

Siɓe peewnatiima e mon ɓe ngonana mon añɓe ɓe mberta juuɗe maɓɓe e ɗemɗe mu' en e mbaadi mbonndi ɓe njiɗiina nde ngonaton heefereeɓe.

Nafatah on enɗameeje mon wona ɓiɓɓe mon ñande darnga O seernda hakkunde mon Alla na yi'a ko ngolloton ko.

Woodanii on ñeemtinirde moƴƴere e Ibraahiima e ɓeen wonduɓe e mum nde ɓe mbi'i pellet ko min hisɓe e mon e ko ndewaton ko wona Alla ko, min njeddii on feeñi hakkunde men ngañngu e tikkere haa pooma haa ngooŋɗinon Alla gooto o, si wona konngol Ibraahiima wonan'de baaba makko pellet ma mi yaafnano ma, mi alanaama hay hu'unde ka Alla, joomi amen min mbakkaliima e ma ko e ma min ndutti e ko e ma woni wattande.

joomi amen wota waɗ min fitina wonan'de ɓeen yedduɓe, yaafa amen joomi amen pellet ko aan woni tedduɗo mbo fooletaake ñeeñɗuɗo.

Gooŋɗi,woodani mon e maɓɓe ñeemtanirgal moƴƴal wonan'de oon joortiiɗo e Alla e ñalngu La'akara, oon ɗuurniiɗo noon pellet Alla ko gala jettaaɗo.

Yaama nde Alla waɗata hakkunde mon e ɓeen ɓe ngañandirɗon e mu'en gilli, Alla ko kattanɗo Alla ko kafroowo bakkatuuji jurmotooɗo.

Alla haɗataa mon ɓeen ɓe kaɓaani e mon e diine ɓe njaltinaani on e galleeji mon nde ɗiggantonɓe nuunɗon fa'ade e maɓɓe pellet Alla ko jiɗɗo nuun'ɗuɓe.

Kono Alla haɗata on ko ɓeen haɓatooɓe on e diine yaltinooɓe on galleeji mon ɓe mballandiri e yaltinde on, nde keetnaton ɓe kala baɗɗo ɓe keeda ko ɓeen ngoni tooñooɓe.

Eehey mon gooŋɗinɓe si gooŋɗinɓe rewɓe ngarii e mon njaribeeɓe Alla na anndi iimaan mu'en, si on nganndii koɓe gooŋɗinɓe wotee ndutteeɓe e he'eferɓe ɓe ndaganaaki he'eferɓe ɓe heeferɓe ɓe kadi ndaganaaki ɓe, totteeɓe koɓe nafqi ko bakkaat ala e mon nde ndesaton ɓe si on tottii ɓe teŋe maɓɓe wote nanngite piɓle rewɓe he'eferɓe naamnee ko nafquɗon kamɓe ne yo ɓe naamna ko ɓe nafqi ko, ko ɗuum woni ñaawoore Alla hakkunde mon Alla ko gannda ñeeñɗuɗo.

Si hu'unde faatiima mon e rewɓe mon fa'ade e he'efareeɓe leptuɗon ɓe tottee ɓeen ɓe rewɓe mu'en njahi fotde koɓe tottirno kulee Alla mbo ngoonŋɗin ɗon O.

Eehey ma annabi si rewɓe juulɓe ngari e ma hoɓe coodandira e ma nde ɓe ndenndinta Alla e hay gooto,ngujjata njinata, mbarata sukaaɓe mu' en,ngaddata fenaande fekindaande hakkunde juuɗe mu' en e koyɗe mum en,ɓe ngoopataa ma e moƴƴere ndeen de soodandir e mum 'en, yaafnanoɓe Alla, pellet Alla ko jaafatooɗo jurmotooɗo

Eehey mjon goooŋɗiɓe wote keetne yimɓe ɓe Alla tikkani e dow mu'en, ɓe piɓtiima e La'akara hono no he'eferɓe piɓtari e yimɓe genaale.