The Noble Qur'an Encyclopedia

Kala ko woni nder kammuuji e leydi hino seninnde Allah, Laamɗo, ceniiɗo, Pooluɗo, Ñeeño on.

Ko Kaŋko nuli e humammbinneeɓe ɓeen Nulaaɗo jiyaaɗo e maɓɓe, himo janngana ɓe Aayeeje makko ɗen, o laɓɓina ɓe, o anndina ɓe deftere nden e Sunna on, hay si tawiino ko adii ɗuum, ɓe laatino e majjere ɓanngude.

(O nuli mo) kadi e woɗɓe goo e maɓɓe, ɓe hawrondiraali e ɓeen taho. Ko Kaŋko woni pooluɗo, Ñeeño on.

Ɗuum ko ɓural Allah, Homo okka ngal mo o muuyani. Allah ko Jom ɓural mawnngal.

Misal ronndinaaɓe Tawreeta ɓeen refti ɓe nigolliraali nde, no wa'i wa mbabba ronndii mba defte. Yeru yimɓe yeddooɓe aayeeje Alla ɗeen bonii. Allah feewnataa yimɓe tooñooɓe ɓeen.

Maaku: "Ko onon yo Huudiŋkooɓe ! Si on aaƴike wonan'de ko on yiɗaaɓe Allah ko wanaa yimɓe heddiiɓe ɓen, haray njelee maayde, si tawii ko on ngoonguɓe".

Ɓe njelotaako nde muk, sabu ko juuɗe maɓɓe ɗen ngardini kon. Allah ko gannduɗo tooñooɓe ɓeen.

Maaku: "Ndee maayde nde ndogoton, pellet, ko nde hawraynde e mon. Refti ndutteɗon to oon gannduɗo ko wirnii e ko feeñi, O kumpita on ko ngollaynoɗon kon".

Ko onon yo gooŋɗinɓe ! Si juulde nden noddinanaama ñalnde Juma, njaccee e jaŋtagol Allah, ngacciton njeengu. Ko ɗuum ɓuri moƴƴannde on, si tawno ko on annduɓe !

Si juulde nden gasii, haray ca,akitee ka leydi, ɗaɓɓon ɓural Allah ngal [woni arsike], jaŋtoron innde Allah ko ɗuuɗi, mbelajo'o on maloyte.

Si ɓe nji'ii njeeyngu maa fijindaaru, ɓe hammira toon, ɓe ngaccama hiɗa darii. Maaku: "Ko ko woni ka Allah kon ɓuri moƴƴude beleeɗe e njulaaku. Ko Allah ɓuri moƴƴude e arsikooɓe ɓeen".