The Noble Qur'an Encyclopedia

Si naafiqiiɓe ɓeen ngrii e maa, ɓe mbi'a: "Miɗen ceedii won'de ko a Nulaaɗo Allah". Allah no anndi won'de pellet, ko a Nulaaɗo makko; Allah no seedii won'de pellet, naafiqiiɓe ɓeen ko fenooɓe.

Ɓe njogitorri goondooje maɓɓe ɗeen heedo, ɓe paddii laawol Allah ngol. Pellet, fii ko ɓe ngollaynoo kon bonii!

Ɗuim noon ko tawde ɓe gooŋɗinii, refti ɓe njeddi, ɓerɗe maɓɓe ɗen notaa e mum; kamɓe on ɓe paamataa.

Si a yi'ii ɓe, ɓalli maɓɓe welete; si ɓe wowlii, a nana konnguɗi maɓɓe ɗin. Hiɓe mba'i wa pecce ɓaaraaɗe, hiɓe cikka kala eewnaango ko e hoore maɓɓe. Ko ɓeen tigi ngoni añɓe ɓen, reenoɓe. Allah huɗii ɓe ! Ko honno ɓe nkiiltiratool (e goonga) !

Si ɓe mbianaama: "ngaree Nulaaɗo Allah on imsinanoo on", ɓe hayla ko'e maɓɓe ɗeen, nji'aa hiɓe ɗuurnoo hara ko ɓe townitiiɓe.

Hino fota e maɓɓe, foti a imsinani ɓe maa hara a imsinanaaki ɓe: Allah yaafotaako ɓe fes, pellet, Allah feewnataa yimɓe faasiqiiɓe ɓeen.

Ko ɓeen ngoni wiooɓe wote nafqee wonɓe e sera nelaaɗà haa ɓe ceerta na woodani Alla moftirɗi kammuuji e leydi kono tan naafiqeeɓe ɓe paamatah.

Hoɓe mbia si en nduttiima Madiina ma ɓurɓe teddude njaltin ɓurɓe hoyde ɓe, woodanii Alla teddungal e nelaaɗo makko e gooŋɗinɓe ɓe, kono tan naafige en nganndah.

Eehey mon gooŋɗinɓe woto sokli mon jawɗeele mon e ɓiɓɓe mon gaa e innude Alla kala baɗɗo ɗuum ko ɓeen ngoni pertuɓe ɓe.

Nafqe ko Alla arsakini on ko, ko adii nde maayde arata e gooto e mon o wi'a joom am a leelnantaa kam haa e happu ɓadiiɗo mi sakkoro mi wona e moƴƴuɓe ɓe.

Alla neeɓnantah hay fittaandu wo'oturu si happu manndu arii Alla na humpatii ko ngolloton ko.