The Noble Qur'an Encyclopedia

Darnga ngo.

Anndinat ma ko woni darnga?

Ko honɗum anndin maa ko woni Darngal?

Samuudu e Aadi en njeddii duɗɗugol Darnga.

Si ko Samuuda en, ɓe kalkira ha'acaango.

Aadi en kan, ɓe kalkira henndu bippooru hattinndu tiiɗude.

O eelti ndu e hoore maɓɓe jehmaaji jeeɗiɗi e ñalawmaaje jeetati jokkondirɗe; nji'aa yimɓe ɓeen no pukkii e ɗiin [koɗooli] wa si tawii ko ɓe daƴƴe tamaro irtiiɗe.

Taw si a yi'anat ɓe ko keddii?

Fir'awna e adinooɓe mo e ca'e junnitanooɗe ɗeen ngardi e goopi.

ɓe njeddi nulaaɗo Joomi maɓɓe on, o nanngiri ɓe nanngal cattungal.

Ko Minen nhoni, fewndo ndiyam ɗam hummbunoo, Min ndoondi on ka dogayka

fii no Mon mbaɗirana ɗum waajo, nofru nanatndu nana ɗum.

Si wuttaama ka allaandu wuttaande wo'otere,

leddi ndiin e pelle ɗeen ɓamtee moññe mo ɓññannde wo'otere.

Ndeen ñande, Darnga ngo daroto,

Kammu ngun se'ekoo, hara ko ngu lo'ungu ndeen ñande.

Hara Malaa'ika'en ngontira ka seraaji maggu, njeetato [e maɓɓe] ronndoo Arsi Joomi maa kiin e hoore maɓɓe ndeen ñande.

Ndeen ñande ko on weeɓitetee; hay hu'unde e fii mon suuɗotaako.

Si ko jonnitiroyaaɗo talkuru mum ndun ka ñaamo mum, o wi'oyay : "njaɓee ! Janngon talkuru am nduun.

Miin mi fellitno mi kawroygol e hasboore am moƴƴere ndeen".

Hara himo e nguurndam mbelɗam :

E ndeer Aljanna toowɗo

mo dimɗe mum ɓadii.

"Ñaamee yariron no newori, sabu ko ngardin-ɗon kon e ñalaaɗe feƴƴuɗe".

Si tawii noon ko jonntiiroyaaɗo talkuru mum nduun ka nano mum, on wi'oyay : "Haaaniino kam hara mi jonnitaaka talkuru am nduun !

Hara mi anndaani ko woni ñaawoore am.

Hara [maayde] ndeen wononu timmoode [am].

Jawdi am ndiin duñcanaani kam.

Mbaawko am koon halkirii kam!".

"Nanngee mbo kolmbon bmo.

Refti naatnon mbo Jahiimi,

Refti naatnon mbo e jolokooje-callale- ɗe juuteendi mum woni cogone cappanɗe jeeɗiɗi.

Tawde o gooŋɗinaano Allah mawɗo on.

O reerɗintaano e ñammin'ngol miskiino.

Giɗo alana ɗum ɗo hannde.

Wonaa ñaamde, si wonaa e ƴiƴƴiƴiri".

Ñaamata ndin, si wonaa bakkondinɓe ɓeen".

Mi wooɗndirii ko nji'oton kon,

E ko on nji'ataa kon,

won'de pellet, [Alqur'aana] ko konngol nulaaɗo tedduɗo,

wonaa nde konnguɗi yimoowo; kono famɗii ko ngooŋɗinton.

wonaa kadi nde konnguɗi bileejo, kono famɗii ko mbaajitotoɗon.

ko jippinaande immi e Jeyɗo einndere nde.

Si tawno o fekindino e amen yoga e konnguɗi,

ko pellet, min nanngirayno mo doole.

Hooti Min taƴayno e makko ɗaɗol ɓernde ngol.

Alaa e mo'on hay gooto kaɗoowo Min e makko.

Pellet, nde [Alqur'aanaare] konde baajitorgol gooɗuɓe ɓen.

Haray kadi, Miɗen nganndi ina e mon yeddooɓe [nde] .

ko pellet noon, ɗuum ko nimse e hoore yedduɓe ɓeen.

pellet kadi, ko nde goonga jananaaɗo.

Haray subbunhinor innde Joom maa, mawɗo on!