The Noble Qur'an Encyclopedia

Torotooɗo toriima lepte janatɗe,

wonan'de he'eferɓe ɓen, alaa duñanoowo ɓe ɗe,

ko immorde e Allah, joom ƴawruɗe.

Maleykaaji wond'ude e Jibriilu hiɗi ƴawa fa'ade e makko, e ndeer ñalaande nde eɓɓoore mum woni duuɓi ujune cappanɗe jowi.

Muñño tan, muñal labangal.

Kamɓe heɓe nji'a (lepte) ɗen ko goɗɗuɗe.

Miɗen nji'a ɗe minen ko ɓadiiɗe,

Ñande kammu nguun wa'oyta wa ko taaynaa.

pelle ɗeen mba'oya wa hottolle kardaako,

ka ɓadondiraaɗo laɓdotaako fii jeydaaɗo mum,

Hiɓe kollindiree. Bonɗo on yeloto sottorde lepte ɗen nden ñande, ɓiɗɓe makko ɓeen.

e gennda makko, e musiɗɗo neene gooto makko on.

E gorol makko ngol moolatngol mo.

e kala wonɓe e lesdi ɓeen, fii no ɗuum daɗndira mo.

Ɗuum gasataa. Ngen [Yiite] ko uuyunge,

ɓoltatnge guri hoore.

Henge nodda oon ɗuurniiɗo o ruŋiti,

o mooɓi (jawɗe) o mari e marirgel.

Pellet, neɗɗo o tagaama ko o ɗenƴotooɗo;

si bone memi mo, o faaya.

Si ko mo moƴƴere nde heɓi mo, o salora.

Si wonaa juulooɓe ɓeen.

ɓeen tawɓe ko ɓe duumiiɓe e juulde maɓɓe ndeen.

E ɓeen tawɓe hino ka jawɗe maɓɓe haqqee ganndaaɗo,

wonan'de torotooɗo e ɗawaaɗo.

e E ɓeen gooŋɗinɓe ñalaande njoɓdi nde,

E ɓeen tawɓe ko ɓe huluɓe lepte Joomi maɓɓe ɗen

Tawde pellet, lepte Joomi maɓɓe ɗen ngonaa koolniiɗe,

E ɓeen tawɓe ko reenɓe farjuuji maɓɓe ɗiin

si wonaa e rewɓe maɓɓe maa ɓeen horɓe maɓɓe ɓe ɓe jeyiri ñaame maɓɓe, ɗoon on ɓe peletaake.

Kala noon ɗaɓɓuɗo [ka dakmitora] caggal ɗuum, haray ko ɓeen ngoni jaggituɓe ɓeen.

E ɓeen tawɓe ko aynituɓe koolaaje e aadiiji maɓɓe ɗiin.

E ɓeen tawɓe ko ñiiɓuɓe e seedeeji mum.

E ɓeen tawɓe ko reenooɓe e juulde maɓɓe ndeen.

Ɓeen ɗoon ko teddinoyteeɓe e aljannaaji.

E ko heɓi yedduɓe ɓeen takko maaɗa, heɓe keñora.

To nano e ka ñaamo, ko ɓe dentoñ-dentoñ?

Hara go'oto kala e maɓɓe tamƴinoto naatoygol aljanna ne'emaaji?

Ɗum waɗataa ! Min tagiriɓe ko ɓe nganndi.

Mi wooɗndirii Jeyɗo fuɗirɗe e mutirɗe on, pellet, ko Min hattanɓe.

wattitirgol ɓe ko ɓuri ɓe moƴƴude, Min siforaa ronkugol [ɗuum].

Accuɓe ɓe njumpa, ɓe pija ha ɓe kawroya e ñalaande maɓɓe nde ɓe kammbirananoo.

ñalnde ɓe njaltiroyta e genaale ɗren heñaare, wa si tawii ko kaaƴe (sanamu) ɓe ngoni wugganaade.

Hara gite maɓɓe no keli, koyeera no cuddi ɓe. Ko nden ñalaande woni ko ɓe kammbirananoo!