The Noble Qur'an Encyclopedia

Eey mon yo mojiiɗo !

Ɓaŋo mbaajo-ɗaa.

Fii Joom maa, mawnina.

Comci maa ɗiin, laɓɓinaa.

Sanamuuji ɗiin, ngoɗɗito-ɗaa...

Wota a okkir fii heɓugol ko ɓuri ɗuum...

Ko fii Joom maa, muññortaa.

Si wuttaama e allaandu nd.

Nden ñalnde woni, ñalaande saɗtunde.

E hoore he'eferɓe ɓeen, nde wanaa newiinde.

Accidam e oon mo mi tagi on kañun tan.

Mi mbaɗan mo jawdi ɗuuɗundi,

E ɓiɓɓe won'ɗuɓe e makko.

Mi yaacnani mo yaacnudee.

Refti homo tamƴinoo nde mi ɓeydata.

Ɗuum waɗataa ! tawde o laatino sanndalɗiiɗo e aayeeje amen ɗeen.

Aray mi fawa mo lepte caɗtuɗe.

Kaŋko oon, o miijiti o eɓɓindii.

O huɗa hono no o hoddiri.

Refti o huɗa kadi hono o hoddiri.

Refti o ndaari.

Refti ñirɓanii o ɓesdi ñirɓinaade.

Refti o ruŋtii hombo mawnikini.

ɓe mbi'a: "Ɗuum wonaani, si wonaa mbilewu ɓanngu ngu.

Mbo wona si wona konngol aade.

Ma mi naatnu mbo yiite saqara.

Hol ko anndinat ma ko woni Saqara.

Nge heddata nge ngaccata.

Sumoowe je'ece.

ina e dow mannge sappa e jeenay.

Min mbaɗaani aynooɓe yimɓe Yiite ngen, si wonaa Malaa'ika. Min mbaɗiraani limoore maɓɓe si wonaa jarraborgol yedduɓe ɓen, e fii yo henan okkaaɓe defte ɓeen, e fii no gooŋɗinɓe ɓeen ɓeydora gooŋɗinal, e fii wata okkaaɓe defte ɓen e gooŋɗinɓe ɓen cikkito; e fii yo ɓeen ɓe ñawu woni e ɓerɗe mum e he'eferɓe ɓeen mbi'u: "Hara ko holɗum Allah faandorii e ngal misaal?" Ko wano non Allah majjinirta mo o muuyani, homo feewna kadi mo O muuyani. Hay gooto anndaa yeru koneeli Joomi maa ɗiin, si wonaa Kaŋko. Ngen [Yiite] wonaali, si wonaa waajo wonan'de neɗɗaŋke.

Kono yo henane! mi wooɗndirii lewru ndun,

O wooɗndirii jehma si mbo runtii ma.

E subaka si mo fooyni.

Ko mbo go'otel e mawɗi.

Ko nge ejertinirde wonan'de neɗɗaŋke.

Wonan'de on njiɗuɗo e mo'on, nde o yaccotoo maa nennoo.

Woŋkii kala ko faggii kon nanngirte.

Si wonaa yimɓe ñaamo ɓeen.

hiɓe e ndeer gese, heɓe laɓndondira

fii bonɓe ɓeen.

"ko hoɗum naatni on Saqara?"

Ɓen mbi'a: "Min njeyanooka e juulooɓe ɓeen.

min njeyanooka kadi e ñamminooɓe miskimɓe ɓeen.

Hari min jumpidatno kadi e jumpooɓe ɓeen.

Hari kadi min njeddatno fii ñalaande njoɓdi ndeen.

Haa [maayde] yananaande ndeen arani min".

Nafataaɓe tefnoore tefntooɓe.

Hol ko waɗi ɓe sirkuɓe na ɗuurno alquraana.

Hoɓe mba'i e bamɗi laawatooɗi na ndoga.

Dogatɗi mbaroodi.

Gooto e mu'en fof na faala totteede ɗeri caraaɗi.

Alah woni koɓe kulaani La'akara.

Ala ɗuum ko ciftanirgol.

Ko kala paalaaɗo waactoraade o waactaroo mbo.

ɓe mbaactaaka si wona Alla na haaja, ko Kaŋko woni kaanduɗo e huleede ko Kaŋko woni kaanduɗo e yaafaade.