The Noble Qur'an Encyclopedia

Mi wooɗbdirii maleyka en pooɗooji pittaali pooɗgol caɗtungol.

Mi wooɗndirii maleyka en ittatɗi pittaali e newuya.

Mi wooɗndirii lummbatooɗi lummbagol.

Mi wooɗndarii daɗandirooji daɗndirgol.

Mi wooɗndirii jiilayɗi jamirooje.

ñande dimmbii dimmbatndende.

Rewa e hendu woɗndu ndu.

Ɓerɗe ɗe ñande heen no kuli.

Ndaarɗe mu'en no koyi.

Heɓe mbi'a mbela komin ruttatooɓe no min ngonirnoo.

Mbela somin ngontii ƴi'e dappuɗe min nduttoto.

Ɓe mbi'a si min nduttiima sinnda de ɗum wona duttal pertungal.

Ɗuum ko ha'acaango wooto.

Ndeke tan ɓe ngontii wuurɓe(ummitinaaɓ.)

Taw si arii e maaɗa yewtere fii Muusaa.

Tuma nde joom makko noddi mbo ka caatngol Tuwaa.

Yah ka Fir'awna, pellet, kaŋko o bewi.

Maakan mbo mbele woodanaani ma nde laaɓata e ke'eferaagu.

Mi feewnu ma e joom ma kulaa ɗum.

O holli ɗum aaya mawɗo oon.

O yeddi o woopi.

Refti o hibbatii hombo yaha.

O rentini o noddi.

O wi'i ko miin woni joom mon ɓurɗo toowde o.

Alla jagggiri mbo lepte La'akara e aduna.

Woni e ɗuum teskuye wonan'de kulɗo Alla.

Mbele ko takde on ɓuri saɗtude wolla ko kammu mbo o mahi ɗum.

O ɓamti mbildi mammbo o fotndi mo.

O niɓɓaɗini jehma makko o yaltini annoore makko.

E lesdi ndi ne caggal ɗuum weeti ndi.

O yaltini heen ndiyam ndi e durngol ndi

Pelle ɗe o ñiɓi ɗe.

Ngam wona nafoore mon e ku'ule mon.

Si wuttaandu mawndu ndu arii.

ñalawma mbo kala aade siftori ko o yahnoo.(golluno).

Jayngol ngol ɓannginane wonan'de oon ji'oowo.

Si tawi ko oon bewɗo.

O ɓurni nguurndam aduna ɗaam.

Ko jayngol woni hoɗorde mum.

Si tawi ko oon kulɗo daraade e ye'eso joom mum o haɗi fittaandu belaaɗe.

Ko aljanna woni hoɗorde mum.

Heɓe naaamna ko ndey darnga daroto.

A alana ɗum ganndal saka kaala ɗum.

Ko e joom ma tan woni haaɗtirde ganndal darnga ngo.

Ngonɗa tan ko jeertinoowo wonan'de kulɗo ɗum..

Elle kamɓe ñande ɓe nji'ata darnga ɓe ñiiɓaani si wona kikiiɗa yel wolla feƴñaange.