The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Sundering, Splitting Open [Al-Inshiqaq] - Kurdish Translation
Surah The Sundering, Splitting Open [Al-Inshiqaq] Ayah 25 Location Maccah Number 84
کاتێك کە ئاسمان لەت بوو
وە ملکەچی کرد بۆ پەروەردگاری ودەبێ ھەرواش بێت
وساتێك کە زەوی ڕاکێشرا وپانکرایەوە (ڕاخرا)
وە ئەوەی تێیدابوو فڕێیدا وھیچی لەناودا نەما
وە ملکەچی کرد بۆ پەروەردگاری ودەبێ ھەرواش بێت
ئەی ئینسان تۆ بێگومان تێکۆشەریت بەرەو پەروەردگارت بەتێکۆشان ! ئەوسا پێی دەگەیت
ئەمجا ئەو کەسەی کە نامەی(کردەوەی) درایە دەستی ڕاستی
ئەوسا پرسینەوەیەکی سووك وئاسانی لەگەڵ دەکرێت
وە بەدڵخۆشی دەگەڕێتەوە بۆ لای کەسوکاری
وە ئەو کەسەی نامەی لە پشتەوە درایە دەستی
ئەوە بە زووی داوای مردنی خۆی دەکات
وە دەچێتە دۆزەخەوە
(چونکە) بێگومان ئەو لەناو کەسوكاریدا دڵخۆش بووە
وە ئەو وای گومان دەبرد، کە ھەرگیز ناگەڕێتەوە (لای خوا)
نەخێر وانیە ! چونکە بەڕاستی پەروەردگاری ئەو ئاگادار بووە بەو
سوێند بە سووریی کەناری ئاسمان
وە بەشەو وئەو شتانەی کە کۆیان دەکاتەوە
وە بەمانگ کاتێك کە پڕ دەبێتەوە
(ئێوە) تێ ئەپەڕن لە حاڵێکەوە بۆ حاڵێکی تر
ئیتر بۆچی بڕوا ناھێنن ؟
وە کاتێك کە قورئانیان بۆ بخوێنرێتەوە سوژدە نابەن (ملكەچی ناکەن)
بەڵام ئەوانەی کە بێ بڕوان بە درۆی ئەزانن
وە خوا چاك ئاگادار وزانایە بەوەی کە لەدڵی دەگرن
کەواتە مژدەیان بدەرێ بە سزای سەختی (قیامەت)
بەڵام ئەوانەی کە بڕوایان ھێناوە وکردەوە باشەکانیان کردووە، بۆ ئەوان ھەیە پاداشتی بێ بڕانەوە