The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Cleaving [AL-Infitar] - Kyrgyz translation
Surah The Cleaving [AL-Infitar] Ayah 19 Location Maccah Number 82
Асман жарылып,
Жылдыздар төгүлүп,
деңиздер (толуп-ташып), бири-бирине кошулганда...
Жана мүрзөлөр оодарылганда...
(Ар бир) жан (ээси) эмне ишти алып келгенин жана (эмне ишти кечиктирип) калтырганын билип алат.[1]
Оо, (каапыр) инсан! Сени Улук Раббиң жөнүндө (туура ойлонуудан) эмне алдап койду?!
Ал сени жаратып, келбетиңди келиштирген эле!
Жана Ал сени Өзү каалаган сүрөттө калыптандырган!
Жок! силер (ойлонуп, моюн сунуунун ордуна) сурак күнүн «жалган» дедиңер!
Чынында, силердин үстүңөрдө (ар бир ишиңерди) сактоочу периштелер бар!
(Ар бир нерсени) жазып турган улук периштелер бар!
Силердин бардык ишиңерди билип турушат.
Чынында жакшы кишилер нээмат бейиштеринде.[1]
Ал эми, бузуку кишилер тозокто болушат!
Алар ага (тозокко) сурак күнү ташталат!
Анан андан чыга алышпайт!
(Оо, Мухаммад! Биз айтпасак) сурак күнү эмне экенин сен кайдан билмексиң?
Анан, сурак күнү эмне экенин сен кайдан билмексиң?[1]
Ал күнү (Аллахтан уруксат болмоюнча) эч ким эч кимге (пайда) жеткире албайт! Ал күнү бардык иш Аллахтын ыктыярында!