The Noble Qur'an Encyclopedia

1. Na monzoto tango ekweyaka.

2. Moninga na bino abungi te mpe akosami te.

3. Mpe azali koloba makambo na makanisi naye te.

4. Ezali sé emoniseli ezali kokitela ye.

5. (Anzelu Djibril) oyo atonda bokasi nde atangisaki ye yango.

6. Oyo azali na bokasi sima amilakisi na lolenge naye ya anzelu.

7. Mpe atelemaki na kongombela ya likolo koleka.

8. Sima apusanaki pene mpe akitaki na nsé koleka.

9. Ezalaki bongo na ntaka mibale to mpe mua moke na yango.

10. Amoniselaki mowumbu naye maye amonisaki.

11. Motema ekosaki te oyo emonaki.

12. Boye bokoboyela ye na oyo amonaki?

13. Мре amonaki ye lisusu tango akitaki тропа mbala ya mibale .

14. Pene na sidr muntaha(1).

15. Mpembeni na yango nde paladizo ya seko ezuami.

16. Tango nzete ya sidr ezipamaki na oyo ezipi yango.

17. Miso ebungi te, elekisi mpe ndelote.

18. Ya soló, amonaki bikamuiseli minene ya Nkolo naye.

19. Bopesa ngai sango ya Láta(2) na Uzza(1)?

20. Mpe mosusu ya misato Manáta(1).

21. Boye bokozala na mwana mobali mpe ye azala na mwana mwasi?

22. Wana ezali bokaboli ya mabe.

23. Wana ezali sé bankombo oyo bopesa yango bino moko na batata mpe bankoko na bino, Allah akitisela yango elembetele te. Bazali kolanda sé makanisi na bamposa, nzoka nde bokambi esilaki koyela bango kowuta epai ya Nkolo na bango.

24. To boye moto alingi azua nyoso lolenge azali kokanisa?

25. Bomoyi ya nsé na oyo ya lobi, ezali epai ya Allah.

26. Boni kati ya ba anzelu na likolo kosengela na bango bato ekosalisa te, sé sima ya ndingisa ya Allah na oyo alingi mpe asepeli.

27. Ya soló, baye bazali kondima na mokolo ya suka te, bapesi ba anzelu bankombo ya basi.

28. Kasi bazali na boyebi te, bazali sé kolanda makanisi. Mpe makanisi esalaka bosembo eloko te.

29. Mitiya mosika na oyo akoboya bokundoli bwa biso, mpe bazali sé kolinga bomoyi ya mokili.

30. Kuna nde esika mayele na bango ekendeke. Ya sólo, Nkolo nayo ayebi malamu nani abungi nzela naye, mpe ayebi nani oyo akambami.

31. Mpe maye manso mazali na likolo mpe na nsé ezali ya Allah, mpo afuta baye basali mabe mpo na misala na bango, mpe afuta baye basali malamu тропа misala na bango.

32. Baye bazali komitiya mosika na masumu ya minene, bazali sé kokweya na mwa mabunga ya mike mike, ya sólo Nkolo wa yo azali na bolimbisi bonene. Azali na boyebi koleka bino, ayebi malamu lolenge akelaki bino kowuta na mabele,mpe tango oyo bozalaki litono ya makila okati ya mabumu ya bamama na bino. Bomikumisa te na kondima, ye nde ayebi nani azali kobanga ye mpenza.

33. Omoni te oyo azali kopesa mokongo?

34. Mpe apesaka sé moke (suka na yango) akati kopesa.

35. Boye azali na boyebi ya mabombami nde azali kornona?

36. To boye bayebisaki ye te na ntina ya makomi ya Mûssa?

37. Na ya Ibrâhîm oyo akokisaki elaka,

38. Moto moko te akomema lisumu ya moninga,

39. Kasi ya soló, moto akozuaka sé na molende naye.

40. Mpe ya sólo, molende naye ekomonana,

41. Sima, akofutama mpenza malamu.

42. Mpe ya sólo, nyoso ekosukisama epai ya Nkolo wayo,

43. Mpe ye nde asekisaka mpe alelisaka,

44. Мре ye nde abomaka mpe apesaka bomoyi?

45. Mpe ye nde akela balongani mibale, mwasi na mobali,

46. Kowuta na litanga ya mayi ya mokongo tango babwaki yango .

47. Mpe kokela ya mbala ya mibale ezali sé epai naye.

48. Mpe ye nde apesaka moto bomengo, mpe ye nde apesaka bobola.

49. Mpe ye nde Nkolo ya ach-chi’râ(1).

50. Ye nde abomaka bato ya liboso na (mboka) Aad,

51. Na Thamûd, moko atikala te.

52. Mpe liboso na bango, bato ya Nûh bazalaki babubi mpe balekisaki ndelo.

53. Lolenge moko na mboka oyo ebalusamaki (mutafikah mboka ya Loth),

54. Azipaki yango ndenge azipaki etumbu ya makasi.

55. Bolamu nini ya Allah oyo ozali kotiela yango tembe?

56. Oyo azali mokebisi lokola bakebisi ya yambo.

57. Ngonga esili kobeleme.

58. Mosusu azali te oyo akofungola yango na botiki Allah.

59. Boye bozali kokamwa na masolo oyo? (kurani)

60. Mpe bozali koseka na esika ya kolela?

61. Kasi bozali sé kosakana?

62. Bogumbama тропа Allah mpe bobondela (ye).