The Noble Qur'an Encyclopedia

1. Ezali na tango molayi eleka na mokili moto azalaki eloko moko te liboso ete akelama?

2. Ya soló, tokelaki moto na litanga ya mayi ya mokongo (oyo esangani na biloko ebele), тропа tomeka ye na yango, mpe totieli ye boyoki mpe bomoni mpo oyoka mpe amona.

3. Ya solo, tolakisaki ye nzela mpo atondo (Allah) to apengwa.

4. Ya solo, tolengeli тропа bapengwi minyololo ya basinga milai ya makasi mpe etumbu ya saira. (moto ya makasi ya lifelo)

5. Ya solo, babangi (Allah) bakomelaka na bakopo ya kitoko ya kafura ya malili solo kitoko.

6. Esika oyo bawumbu ya Allah bakomelaka ndenge balingi ezali kobimisa mayi ya malamu.

7. Bazali kokokisa bilaka mpe bazalaki kobanga mokolo moye mabe na yango ekopanzana bisika binso.

8. Мре bazali koleisa babola na bana bitike mpe bato ya boloko, na bolingo (ya biloko yango).

9. Ya soló, tozali koleisa bino тропа Allah, tolingi bofuta biso te mpe bopesa biso melesi te.

10. Tozali kobanga Nkolo na biso тропа mokolo oyo ya somo mpe ya mabe koleka.

11. Allah akobatela bango na mabe ya mokolo wana, mpe bakokutana na bongengi mpe esengo.

12. Mpe akofuta bango lola тропа maye basalaki, mpe akopesa bango bilamba bia fafala.

13. Bakoyekamaka likolo ya bakiti ya kitoko, moyi ekotungisaka bango te mpe bakoyokaka malili makasi te.

14. Bilili na yango bikozipa bango penepene, mpe mbuma na yango bikokita tii pembeni na bango тропа kobuka.

15. Mpe bakopesaka bango bitiyelo biye bisalami na mabende ya mbongo na bakopo bisalami na mabanga ya pembe ya kitoko bikotambwisama likolo na bango тропа kólia mpe komela,

16. Bakopo to milangi ya mabende ya kongenga ya кококапа.

17. Мре bakomelaka mayi oyo esangani na tangawisi,

18. Ezali kowuta na liziba oyo ebengami salsabila kuna na kati.

19. Мре bilenge mibali ya libela bakotambola nakati na bango тропа kosalela bango, soki omoni bango okokanisa ete bazali mabanga ya mayi ya kongenga oyo epanzani.

20. Mpe soki otali kuna okomona kitoko na bokonzi bonene.

21. Мре bakolata bilamba ya langi ya mayi ya pondu ya lolenge ebele тре basinga ya palata na maboko na bango mpo na bonzenga. Mpe Nkolo wa bango akomelisa bango mayi ya bopeto.

22. Ya soló, oyo ezali lifuta тропа bino, mpe molende na bino ekofutama.

23. Ya sólo, biso nde tokitiselaki yo kurani oyo na ndambu ndambu.

24. Zala na bozeli na oyo Nkolo nayo apesi mibeko, mpe kotosa mosumuki to mopengwi te okati na bango.

25. Мре tanga nkombo ya Nkolo nayo tongo mpe pokwa.

26. Mpe na butu ofukamela ye, mpe okumisa ye butu molayi.

27. Ya soló, bango balingi (bomoyi) ya nsé, mpe batiki sima na bango mokolo ya kilo mpe ya somo.

28. Biso nde tokela mpe tobongisi bokeli, soki tolingi tokoya na bato mosusu na esika na bango.

29. Ya sólo, oyo ezali bokundoli, oyo alingi, azwa nzela ya kokende epai ya Nkolo naye.

30. Na yango: Bokolinga eloko te sé ezala na bolingi ya Allah. Ya sólo, Allah azali moyebi atonda bwanya.

31. Akotisaka oyo alingi na mawa naye, kasi тропа bato mabe, abombeli bango etumbu ya makasi.