The Noble Qur'an Encyclopedia

1. (Nalapi) na eleko ya ntongo!

2. (Mpe nalapi) na babutu zomi!

3. (Mpe nalapi) na motango libale, mpe na motango libale te!

4. (Mpe nalapi) na butu ntango esilaka.

5. Kolapa oyo ezali te mpo na moto oyo atonda mayele?

6. Omoni te ndenge Nkolo nayo asalaki na bato ya aad,

7. Na mboka Irama(1) ndenge etongamaki na bandako ya likolo,

8. Mboka eye etongama te lolenge wana na mokili,

9. Mpe na bato ya Thamúd baye bazalaki kotobola mabanga okatikati ya bangomba,

10. Na Falo moto ya mapinga?

11. Bango banso bazalaki babuki mibeko o’kati ya bamboka na bango,

12. Mpe babebisaki mingi koleka.

13. Na yango Nkolo nayo akitiselaki bango fimbu ya etumbu.

14. Mpo ete Nkolo nayo azali kotala.

15. Moto azali soki Nkolo naye ameki ye na bokumisi ye mpe na bopesi ye bozwi alobi: Nkolo na ngai akumisi nga.

16. Kaši soki ameki ye na bokangeli ye bozwi alobi ete: Nkolo na ngai asundoli nga.

17. Kaši te, bino nde bosalisaka bana bitike te,

18. Mpe bolendisaka bato te pona koleisa babola,

19. Mpe bozalaki kólia bikitano (bozui mowei atiki) na ndenge ya mabe,

20. Mpe bolingi bomengo na bolingo ya makasi.

21. Kaši ntango mabele ekobalusama na ndenge ya somo,

22. Ntango Nkolo nayo akoya mpe ba anzelu bakozala milongo milongo,

23. Mpe bakoya na lifelo mokolo yango, mokolo wana moto akokanisa makanisi, kaši makanisi wana ekosalisa ye na eloko te.

24. Akoloba eh! Ngai mawa na ngai, soki nasalaki bolamu pona bomoyi na ngai!

25. Mokolo wana etumbu naye ekokokana na ya moto moko te,

26. Mpe moto moko te akokangama lokola ye.

27. Oh yo molimo y a kimia!

28. Zonga epai ya Nkolo nayo na bozongi ya esengo.

29. Kota elongo na bawumbu ba ngai,

30. Mpe kota okati ya lola na ngai.