The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Cleaving [AL-Infitar] - Macedonian Translation
Surah The Cleaving [AL-Infitar] Ayah 19 Location Maccah Number 82
1. Кога небото ќе се расцепи,
2. и кога ѕвездите ќе испопаѓаат
3. и кога морињата едни во други ќе се влеат,
4. и кога гробовите ќе се испревртат,
5. секој ќе дознае што подготвил, а што пропуштил.
6. О, човеку, што те измами толку та си Му непокорен на својот Благороден Господар,
7. Кој те создал – та направил да си складен и да си исправен –
8. и каков што сакал лик ти дал?
9. А не чини така! Вие во Судниот ден не верувате,
10. а над вас бдеат чувари,[264]
11. кај Нас благородни писари,
12. кои знаат што правите.
13. Честитите сигурно ќе бидат во Џенетот,
14. а грешниците сигурно во Џехенемот,
15. на Судниот ден во него ќе горат
16. и веќе од него изведени нема да бидат.
17. А знаеш ли ти што е Судниот ден?
18. И уште еднаш: Знаеш ли ти што е Судниот ден?
19. Денот кога никој никому нема да може ни малку да му помогне, тој Ден власта единствено Аллах ќе ја има.