The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Star [An-Najm] - Moore Translation - Rowwad Translation Center
Surah The Star [An-Najm] Ayah 62 Location Maccah Number 53
M wẽen ne ãdg t'a sã n wa lʋɩ.
Yãmb tũud-n-taagã pa meneme, a pa kedg me ye.
A pa gomd a yõor yamleoog me ye.
Rẽndame tɩ yaa wahɩ sẽn tʋmse.
Pãn-kεgeng soab (a Gibriilã) n tɑɑ ɑ nengẽ.
Nɑɑnd sẽn be neerã, t'ɑ be ɑ yɑlẽ wã tɩ yɑɑ vẽeneg tɩ nɑbiyɑɑmã ne-ɑ.
T'a be yĩngr-yĩngri.
Rẽ poorẽ t'a (Gibriilɑ) pẽneg n sig n kolge.
Tɩ yaa wala tãp ne a to sʋk vɩʋʋgo, maa sẽn paood n pa ta rẽ.
T'ɑ togs Wẽnd yɑmbɑ Mʋhɑmmɑd, bũmb ning A sẽn tʋms-ɑ t'ɑ tɑɑsã.
Nɑbiyɑɑmã sũurã pa yag bũmb ning a sẽn yã wã ye.
Rẽ yĩnga, yãmb wẽeda ne-a no-koεεm bũmb ning a sẽn yã wã zugu?
La sɩd la hakɩɩka, a leb n yã-a lame yiib soaba.
Tɑɑb tεk Mugnugẽ wã (yaa tɩɩg sẽn be saasẽ wã n yaa rʋʋd fãa tεk zĩiga).
Ma'awaa arzãnã bee beenẽ ((lallg zĩig arzãn) maa (gãag zĩig arzãna)).
Wakat ning sẽn wa n sigd Sɩdratã (tɩɩgã) zugã, sẽn yɑɑ Wẽnd sɑgellã, bũmb ning sẽn pɑ tɑr to wã.
Nɑbiyɑɑmã nifrã pa wẽnege, a pa kedg me.
Sɩd la hakɩɩka a yãa a Soabã yel-soalem bεd-bεdã sãnda.
Rẽ yĩnga yãmb tẽedame tɩ rʋbsã ɑ Laat ne a ʿƲzzaa?
La a Manaat sẽn yaa tãab soabã nafdame?.
Yãmb n tar roapã yãmb sẽn nong-b rãmbã, tɩ Yẽ yaool n tar pagbã yãmb sẽn pɑ kis-b rãmb n pɑ rɑt-bɑ?
Ad rẽnda yaa zãmb pʋɩɩb moasã wae!
B pa yɩ rẽnda yʋy bala, yãmb sẽn pʋde, yãmb ne y saam-rãmba, Wẽnd pa sik tagmas a yĩng ye. B sẽn tũudã pa yɩ rẽnda sãmbg lɑ b yõyã yɑmleedo. La sɩd la hakɩɩka, kãndgr waa bãmb nengẽ sẽn yi b Soabẽ wã.
Bɩ ninsaal paamda a sẽn tẽed lɑ ɑ saagdẽ wã tɩ rʋbsɑ n sugs-ɑ lɑme wã?
Rẽnd yaoolem la rãeenem (Lɑɑhrã ne Dũni wã) bee ne Wẽnde t'A kõt ɑ sẽn rɑt-ɑ.
La sõor waoog malεgs sẽn be saasẽ wã, tɩ b susg pa nafd baa fʋɩ rẽnda Wẽnd sẽn kõ sor poore, A sẽn rat a soaba la A yardẽ.
Ad neb nins sẽn pa kõt sɩd ne yaoolem raarã, bãmb pʋtɑ malεgsã pʋg yʋy.
La bãmb pa tar bãngr ne rẽnda ye, b sẽn tũudã pa yɩ rẽnda sãmbg bala, la ad sãmbg pa tõe n gɩgd sɩd baa fʋɩ.
Bɩ f ball n bas ned ning sẽn gũt a kuidg n yit Tõnd yʋʋrã tẽegre, n pa rat sã n pa Dũni vɩɩmã.
Rẽ la b bãngrã tεka, ad fo Soabã n yɩɩd minim ne ned ning sẽn menema n yi A Sorã zugu, Yẽ n leb n yɩɩd minim ne ned ning sẽn kãndga.
La Wẽnd n so bũmb ning sẽn be saasẽ, la sẽn be Tẽng zugu, bʋɩl yĩng t'A na rol neb nins sẽn wẽngbã b sẽn tʋmã, la A rol neb nins sẽn manegã ne manegre.
Neb nins sẽn zãagd zũunuub-bεdã la yel-beedã rẽnda zũunuub-bõonesã, ad fo Soabã yaa yaaf-yaleng Soaba, Yẽ n mi yãmb n yɩɩda, wakat ning A sẽn wa n yẽbg yãmb n yi Tẽngẽ wã, la wakat ning yãmb sẽn wa n yaa bõn-vɩɩs n be yãmb ma-rãmbã pʋse, bɩ y ra pẽg y mens ye, Yẽ n yɩɩd minim ne ned ning sẽn zoet a Wẽnde.
La rẽ yĩnga fo pa yã ned ning sẽn gũd a kuidga?
La a kõ bilfu, la a monge?
A tara bãng soaandag tɩ yaa yẽ n ne bɩ?
Bɩ b pa kõ-a kibar ne bũmb ning sẽn be a Musɑ gafẽ wã,
La a ɭbraahɩɩm sẽn pids a pʋlengã?
Tɩ ned fãɑ pa na n tʋk a to zũunuub ye.
La pa be ne ninsaal rẽnda a sẽn tʋmã.
La a tʋʋmã b na yã.
Rẽ poorẽ tɩ b roal-a rol-pidsdga.
La yaa fo Soabẽ wã la tεk zĩiga.
La yell sẽn yalẽ, Yẽ n kɩt tɩ b laadẽ la A kɩt tɩ b kũmdẽ.
La yell sẽn yalẽ, Yẽ n kʋʋd la A vɩɩmsde.
La yell sẽn yalẽ, A naana kõbg a yiibã: rao la paga.
Sẽn tũ ne mani wakat ning a sẽn wat n kiigdẽ wã.
La ad yẽbg zẽngã bee ne Yẽnda.
La yell sẽn yalẽ, Yẽ n maan rakãaglem la A leb n kõ arzεka.
La yell sẽn yalẽ, Yẽnda la Sɩʿɩraa Soabã (yaa ãdg yʋʋre tɩ zɩtbã rɑ tũ-ɑ).
La yell sẽn yalẽ, A halka rẽenem ʿAadã (ɑ Hʋʋd nebã).
La a Ṯamuudu, la A ka kell ye.
La a Nuuh nebã hal pĩnda, ad bãmba, bãmb ra yɩɩme n yɩɩd ne wẽgd la kedgre.
La a Mutafɩkaat (a Lʋʋt neba), A kibind-b lame.
Tɩ bõr-ba, bũmb ning sẽn bõr-ba.
La yaa fo Soabã neema bʋgo la f maand sika?
Yãoã yaa bugsd sẽn wõnd bugsdbã sẽn reng tɑoorã buudu.
Pẽnegdã (Dũni yikrã) pẽnegame.
A pa tar pãrgda, zẽng tɩ pa Wẽnd ye.
Gom-kãngã la yãmb maan yel-soalmã?
La y laadẽ, n pa kũmdẽ?
Tɩ yãmb yaa sẽn wɩsde.
Bɩ y maan suguud n kõ Wẽnde, la y tũ-A.