The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Event, The Inevitable [Al-Waqia] - Moore Translation - Rowwad Translation Center
Surah The Event, The Inevitable [Al-Waqia] Ayah 96 Location Maccah Number 56
Yɩɩbã sã n wa yɩ (Dũni wã yikri).
Yɑgsd pa nɑ n zĩnd a wakatã n kɩɩsd ɑ yɩɩbã ye.
N sikdẽ (neb kẽera) la a zẽkdẽ (neb kẽere).
B sã n wa rigims Tẽngã rimsg tεkẽ.
Tɩ tãensã sãeeg sãeegr tεkẽ.
N lebg wala tom sẽn sẽege.
Tɩ yãmb yɩ kõbg a tãabo.
La rɩtg zãma wã, bõe la rɩtg zãma?
La goabg zãma wã, bõe la goabg zãma?
La põsdbã sẽn yaa põsdbã.
Bãmb la b sẽn pẽneg-b rãmb ne Wẽndã.
B bee neema arzãn-rãmbã pʋsẽ.
B yɑɑ sul-wʋsg sẽn yi rãeenem rãmbẽ wã.
La bilf sẽn yi yaoolem rãmbẽ.
N be gãas zut sẽn nags ne sãnem.
B yaa sẽn kɩl a zug n togl taaba.
Kom-bãaneg n gilimd b zutu sẽn yaa duumdba.
Ne ko-tees sẽn tɑr yʋʋse, la ko-tees sẽn pɑ tar yʋʋse la rãɑm sẽn zoet ɑrzãnɑ pʋgẽ.
B zut pa zabd a pʋgẽ, b yam pa yikd me.
La tɩ-biis sẽn yaa bãmb sẽn tũusdi, b sẽn rate.
La Liuuli nemd sẽn yaa bũmb ning bãmb sẽn nonge.
La Hʋʋr-ʿayn (pʋg-nin-yalems sẽn yaa neere).
Sẽn yaa wala lʋ'ʋlʋ'ʋ (kĩndi) sẽn be zẽeng mumd pʋgẽ.
Tɩ yaa rolb ne bũmb ning bãmb sẽn da yɩ n tʋmdẽ wã.
B pa wʋmd gom-zaal a pʋgẽ, b pa wʋmd gom-beed me.
Sã n pa sẽn yete :"tɩlgre! Tɩlgre".
La rɩtg zãma wã, bõe la rɩtg zãma?
Bãmb bee mugnug tɩɩs tẽngr sẽn bale (pa tar gõose).
La banand sẽn gĩni.
La maasem sẽn yadge.
La koom sẽn kiigdi.
La tɩ-biis wʋsgo.
Pa tar wãagre, pa mongr me.
La gɑt sẽn zẽke.
Tõnd yẽbga bãmb yẽbgr tεkẽ.
N maan-b tɩ b yaa pʋg-sãdba.
N yaa rʋla n yaa reem-n-taase.
Tɩ yɑɑ sẽn nɑ n kõ rɩtg zãma wã.
B sul wʋsg sẽn yi rãeenem rãmbẽ wã.
La sul-wʋsg sẽn yi yaoolem rãmbẽ wã.
La goabg zãma wã, bõe la goabg zãma?
Bãmb bee seb-tʋʋlg pʋgẽ la ko-kaeedga.
La maasem sẽn sobg ne bug-zõose.
Pa maase, pa nafd me.
Bãmb ra yɩɩme, wãnda taoore, n yaa wʋm-noog rãmba. Lɑ b rɑ yɩɩme n nɑdgd ne zũnuub bεdã.
B na n tigim-b lame n tʋg wakat ning b sẽn mi wã.
B ra yɩɩme n yetẽ: "rẽ yĩnga tõnd sã n ki n lebg tom la kõba, tõnd yaa b sẽn na n yik-b rãmba?
Ne tõnd saam rẽemsã fãa?
Yeele: "ad rẽenem rãmbã la yaoolem rãmba.
B na n tigim-b lame n tʋg wakat ning b sẽn mi wã.
Rẽ poorẽ, ad yãmba, yãmb a mẽnemdba n yaa yagsdba!
La tɩ yãmb na rɩ Zakʋʋm tɩɩgã (Tʋk sẽneg tɩɩga).
N pids pʋsã ne-a.
N yũud a zug ko-kaeedse.
N yũud-a, yʋgemd sẽn tar ko-yũud n pa tɩgd bãag yũubu".
Wãnde la bãmb sigb zĩig Rolbã raare.
Tõnd n naan yãmba, y pa na n kõ sɩda?
Yãmb pa yã bũmb ning y sẽn kiigd sẽn yaa mani wã?.
Yaa yãmb n naand-a bɩ yaa Tõnd la Naanda?
Tõnd korda kũumã yãmb pʋgẽ, la bũmb ka tõe n gɩdg Tõndo.
Tɩ D tedg yãmb bilgri, la D yẽbg yãmb y sẽn pa mi pʋgẽ.
La sɩd la hakɩɩka yãmb bãnga yẽbg rãeengã, yãmb pa na n tẽege?
Yãmb pa yã bũmb ning yãmb sẽn koodã,
Yaa yãmb n kood-a bɩ yaa Tõnd la Koaadba?
La tɩ Tõnd sã n da tʋlla, D na maan-a t'a yaa sẽn zendge, tɩ yãmb kell n maan yel-soalma.
Ad tõnd kẽe bõn pʋgẽ.
Pa woto ye! Tõnd yaa b sẽn mong-b rãmba.
Yãmb pa yã koom ning y sẽn yũudã.
Rẽ yĩnga yãmb n sik-a sawatẽ, bɩ yaa Tõnd la Sikdba?
La tɩ d sã n tʋlla, D na maan-a t'a yaa meneseng wʋsgo, yãmb pa na n pʋʋs barka?
Yãmb pa yã bugum ning yãmb sẽn widgdã,
Yãmb n yẽbg a tɩɩgã bɩ yaa Tõnd la a Yẽbgdba?
Tõnd maan-a lame t'a yaa (Laahr Bugmã) tẽegre, n leb n yɑɑ wʋm-noogo la nɑfɑ ne kẽn-kẽndbɑ.
Bɩ f yɩlg f Soab zɩsgã yʋʋre.
M na wẽen ne ãdsã lʋɩɩs zĩisi.
La ad a yaa wẽeneg sẽn bedem tɩ yãmb sã n da miime.
Ad a yaa Alkʋrãan wagelle.
N be gaf sẽn tar gũub pʋgẽ.
Pa sɩɩsd-a, rẽnd b sẽn yɩlg-b rãmba.
Yaa sẽn sig n yi bõn-naandsã Soab nengẽ.
Pɑ Gom-kãensã la yãmb yagsda?
La y rɩk y sẽn dɑ sõmb n pʋʋs bɑrkã, n maand lagem-n-taare, ne y sẽn dɩk yãmb rɩtlã n teesd ne bõn-nɑɑndse lɑ y yagsd Wẽnd neemã wã?.
La yõor sã n wa ta koekoay-londẽ.
Wakat-kãng tɩ yãmb getẽ.
La Tõnd n pẽ-a n yɩɩd yãmb la yãmb pa ne ye.
La yãmb sã n da yɩɩme n yaa b sẽn pa tõe n yik-b rãmba (kũumɑ poorẽ).
Y lebsd-y-yã-a lame, tɩ y sã n yaa sɩd rãmba.
La sã n yaa b sẽn pẽneg-b rãmba.
Yaa vʋʋsem la Rayhaan (yũ-noodo) la arzãn bʋgsgo.
La sã n yaa rɩtg zãma wã.
Rẽnd "tɩlgr be ne-fo" tɩ sã n yɑɑ rɩtg zãmã.
La sã n yɩɩme n yaa yagsdb n yaa menemdbã.
Yaa sigbu, ko-tʋʋlg pʋga.
La Gεhɩɩm kõom.
Ad wãnde la sɩd vẽenegã.
Bɩ f yɩlg f Soab zɩsgã yʋʋre.