The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Dawn [Al-Fajr] - Moore Translation - Rowwad Translation Center
Surah The Dawn [Al-Fajr] Ayah 30 Location Maccah Number 89
M wẽen ne fagiri
La M wẽen ne yʋnd piigã (hɑgiimdã-kiuug rɑsen-pi rãeegã),
La ne yiib-n-dɩtga (sõt yiib-yiibu) la yiib-n-tõatga (lugum).
La ne yʋngã t'a sã n wa gũd kuidga.
Rẽ yĩnga yεl nins sẽn togsã, wẽeneg bee be ne yam soab bɩ?
Fo pa yã wãn-wãn la fo Soabã maan a ʿAad-rãmba?
ɭram rãmb sẽn yaa zeng-raad rãmba (me-bεd rãmbɑ)
B sẽn pa naan b bilgr tẽmsã pʋga?
La Ṯamuud rãmb sẽn yaa neb nins sẽn pees pĩigã (tãmsã) ko-soogẽ wã?
La a Fɩr-ʿaoon sẽn yaa bay soabã?
Sẽn maan-b n zʋʋg tẽmsã pʋga.
N wʋsg sãang a pʋgẽ.
Tɩ b Soabã kiig b zug naong kõbg toor-toore.
Ad fo Soabã yaa gũusda ( kordɑ).
La sã n yaa ne ninsaala, a Soabã sã n wa zarb-a n na n gese, n waoog-a, n neem-a, la a sẽn yete: "mam Soabã waooga maam".
La A sã n wa zarb-a, n weoog a rɩtlã a zugu, la a sẽn yete: "mam Soabã yaala maam".
Pa woto ye! Y pa waoogd kɩɩb ye.
Y leb n pa pirsd taab ne ninbãan-neb rɩlgr ye.
La y rɩt faadã ne kãas-n-dɩ.
La y nong arzεkã nong-kεgenga.
Pa woto ye! Lɑk Tẽn-gãngã sã n wa rãmb( bõgs) rãmbg tεkẽ.
Tɩ fo Soabã wa, la malεgsã, rulg-rulga.
Tɩ b wa ne Gεhanem bɑrɑɑrã; ra-kãng raare ninsaal tẽegdame, la tẽegr bεε ne-a?
A yetame: "kɑeto, Mam sã n da maana neer tɩ reng taoore mam beoog vɩɩmã yĩnga, pɑ são".
La ra-kãngã raarã, ned pa namsd wala A namsgã buud ye, ned baa a yembr me pa sẽbd wala A sẽbgrã buud ye
Ned bɑɑ ɑ yembr me pa sẽbd wala A sẽbrã ye.
Yaa foo yõor sẽn tar bas-m-yam lɑ yĩn-yõgnego!
Leb f Soabã nengẽ, tɩ f yaa sẽn yɑr-A n yɑɑ b sẽn yard a soaba.
Bɩ f kẽ Mam yemb-sõmsã pʋgẽ.
La f kẽ Mam Arzãnã.