The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Clear proof [Al-Bayyina] - Moore Translation - Rowwad Translation Center
Surah The Clear proof [Al-Bayyina] Ayah 8 Location Madanah Number 98
Sẽn kɩfl-bã, sẽn yɑɑ gafã rãmbã, la lagem-n-taarã rãmbã, pa yɩ n weel tɑɑb n bɑs kɩfendã, hal tɩ vẽnegrã wa wɑ b nengẽ.
Tẽn-tʋʋm sẽn yi Wẽnd nengẽ n karemd sεb sẽn yɑɑ yɩlmɑ.
Be a pʋgẽ gʋlsem sẽn tẽeg tɩrga.
B sẽn kõ-b rãmb gafã pa weel taaba rẽnda vẽnegrã sẽn wɑ b nengẽ wã poorẽ.
La b pa sagl-ba, rẽnda b tũ Wẽnde, tɩ b yaa dĩinã (tũudmã) yɩlgdb A yĩngɑ n yaa kɩlldb (gõdgdbɑ) n bɑsd lɑgem-n-tɑɑre, la b yalsd ne Pʋʋsgã, la b kõt Zaka, la ad rẽnda la dĩin sẽn tẽeg tɩrga.
Ad neb nins sẽn kɩfl-bã, sẽn yi gafã rãmbẽ la lagem-n-taarã rãmbã, b bee Gεhannem Bugmã pʋgẽ, n yaa paadb a pʋgẽ, bãmb la bõn-naandsã fãa sẽn yɩɩd wẽnga.
Ad neb nins sẽn kõ-b sɩdã, la b tʋm tʋʋm-sõmsã wã, bãmb la bõn-naandsã fãa sẽn yɩɩd sõma.
B rolb b Soabã nengẽ, yɑɑ Arzãn sẽn yaa zĩndg zĩiga, tɩ ko-sood zoet a tẽngrã. B yaa paadb a pʋgẽ lae-lae, Wẽnd yard-b lame, tɩ b me yar-A. Rẽnda yaa ne ned ning sẽn yaees a Soabã.