The Noble Qur'an Encyclopedia

(Qilleensa) bubbisiinsa bubbiftuunin kakadha.

(Duumessa bishaan) ulfaataa baadhattuunis.

(Dooniwwan) haala salphaan (bishaan gubbaa) yaa’aniinis.

(Maleykota) ajaja (Rabbii) raabsaniinis.

  Wanti isin beellamamtan dhugaadha.

Murtiin argamaadha.

Samii abbaa miidhaginaatiin 9karaa urjiitiin) kakadhe.

Isin yaada wal dhadhabaa keessa jirtu.

  Kan namni haqa irraa garagalfamu ittiin garagalfamuudha.

Sobdoonni abaaramaniiru.

Isaan sun wallaaluma keessatti kan of dagataniidha.

“Guyyaan galataa yoomi?” (jechuun) gaafatu.

(Inni) Guyyaa isaan ibidda irra fidamanii (qoratamaniidha).

“Adaba keessan dhandhamaa, kun ka isa jarjarsiifachaa turtani ” (isaaniin jedhama).

Isaan Rabbiin sodaatan, jannataafi burqituuwwan keessa jiraatu.

Waan Gooftaan isaanii isaaniif kenne fudhatoodha, Isaan sana dura toltuu hojjattoota turan.

Halkan irraa xiqqaa qofa kan rafan turan.

Yeroo hiraabaa (obboroo) isaan araarama kadhatan.

qabeenya isaanii keessa kadhataafi kan hin kadhanneefis haqni jira.

Dachii keessa mu'imintootaaf mallattooleetu jiru.

Lubbuulee keessan keessas (akkasuma), Sila hin argitanuu?

Samii keessa jira Sooranni keessaaniifi wanti isin waadaa galamtanis.

Gooftaa samiifi dachiitiin kakadhee! Inni dhugaa fakkiidhuma waan isinuu dubbattanuuti.

Seenaan keessummaa Ibraahiim kabajamoo ta’anii sitti dhufeeraa?

Yeroo isa irratti seenanii “Nagaa (si irratti buufna)” jedhan. [Inni] “nageenyi (isin irras haa jiraatu); ummata wallaalamoo” jedheen.

Gara maatii isaa deebi’eeti mirgoo (jibicha) gabbataan dhufe.

Isaanitti dhiyeesseeti “sila hin nyaattanuu?” jedhe.

Ergasii (yeroo nyaachuu dhabuu isaanii argu) isaan irraa sodaan isa qabe. Isaan “hin sodaatin” jedhaniin. Ilma beekumsa qabuunis isa gammachiisan.

Sana booda niitin isaa sagalee ol fuudhamaan haasa’aa dhufte. Fuula ishee dhooyte “Ani dullattii maseena hoo (akkamittin daha)!” jette.

(Maleykonni) ni jedhan: akka kana Rabbiin kee jedhe inni isaatu ogeessa beekaadha.

(Ibraahiim) ni jedhe: “Yaa ergamootaa! dubbiin keessan maali?”

[Isaan] ni jedhan: “Nuti gara ummata yakkamtootaa ergamne.

Dhagaa dhoqqee gubataa irraa ta’e isaan irratti erguuf (dhufne).”

Rabbii kee biratti daanga dabartootaaf kan milikitoomfamte haala taateen.

Mu’uminoota irraa namoota ishee keessa jiran ni baafne.

ishee keessatti homaa hin argine Mana Muslimtootaa irraa ta’e tokko malee.

Warra adabbii laalessaa sodaataniif ishee keessatti mallattoo hambifnee jirra.

(Seenaa) Muusaa keessas yeroo ragaa ifa ba’aan gara Fir’awnitti isa ergine (mallattoo goonee jirra).

(Fir’awnis) humna waraanaa isaa waliin (dhugaa irraa) gara galee, “(Muusaan) falfalaadha; yookiin maraataadha” jedhe.

Isaafi waraana isaas qabnee. galaana keessatti isaan darbine haala inni komatamaa ta’een.

(Seenaa) Aad keessas, yeroo qilleensa maseenaa isaan irratti ergine (mallattootu jira).

Waan isa irra dhufte tokkoyyuu akka lafee dhumee isa gootu malee hin dhiiftu.

(Seenaa) Samuud keessas, yeroo hanga murtaa’e tokko qanani’aa isaaniin jedhame (mallattootu jira).

Ajaja Gooftaa isaanii irraa ni boonan. iyyansi (dhumti) isaan qabatte Odoo isaan ilaalanuu .

Ergasii dhaabbachuu hin dandeenye; tumsamoos hin taane.

Ummata Nuuhis san dura (ballessinee jirra). isaan ummata finciltoota turan.

Samiis humnaan ishee ijaarre. Dhugumatti, Nuti (ishee) bal’isoodha.

Dachiis diriirsinee jirra; (Nuti) diriirsitoonni waa tolle!

Akka isin gorfamtaniif waan hunda irraa qindiiwwan uumne.

Gara Rabbii baqadhaa. Ani Isa irraa isiniif sodaachisaa ifa bahaadha.

Allaah wajjini gabbaramaa biraa hin taasisinaa. Ani Isa irraa isiniif sodaachisaa ifa bahaadha.

Akkasuma, ergamaan tokkos warra isaan dura turanitti hin dhufne, yoo isaan “falfalaadha; yookiin maraataadha” jedhaniin malee.

Sila isa (sobsiisuu kana) waliif dhaamanii? Lakkisaa, isaanumatu ummata daangaa dabroodha.

Isaan irraa garagali; ati komatamaa miti.

Yaadachiisi; yaadachiifni mu’uminoota ni fayyaddii.

Jinniifi ilma namaa haa na gabbaraniif malee hin uumne.

Hiree homaatuu isaan irraa hin fedhu. Akka Ana nyaachisanis hin fedhu.

Rabbiin Isatu akkaan hiree kennaa, abbaa humna cimaati.

Miidhaa raawwattootaaf qooda adabaa kan akka adabbii fakkaattota isaaniitu jiraafii akka Nan jarjarfanne.

Warra kafaraniif guyyaa isaanii kan beellama godhaman keessatti badiin isaaniif mirkanaa’eera.