The Noble Qur'an Encyclopedia

Nuun Qalamaafi waan (malaykonni) barreessaniinin kakadha.

Ati ni'imaa Gooftaa keetiitiin maraataa hin taane.

Dhugumatti, siif mindaa hin cinnetu jira.

Ati amala (naamusa) guddaa irra jirta.

Fuulduratti arguuf jirta; isaanis arguuf jiru.

Eenyuu keessanitti maraattummaan jirtii (arguuf jirtu).

Gooftaan kee Isatu nama karaa Isaa irraa jallate akkaan beeka; qajeeltotas inni beekaadha.

Kijibsiiftotaaf hin ajajamin.

Odoo ati (ejjannoo kee) laaffiftee [Isaan] laaffisanii jaalatu.

Akkaan kakataa salphataa hundaaf hin ajajamin.

Akkaan hamataa, faradaan akkaan deemaa kan ta'eef (hin ajajamin).

Toltuu kan akkaan dhorgu, daangaa dabraa, dilaawaafis.

Gara jabeessa, sana booda immoo diqaalaa kan ta'eef (hin ajajamin).

Waan abbaa qabeenyaafi ilmaanii ta'eef (boonee kafare).

Yeroo keeyyattoonni Keenya isa irratti dubbifamtu, "(kun) ogbarruu warra duriiti" jedhe.

Funyaan irratti isa mallatteessina.

Nuti akkuma abbootii ashaakiltii yeroo isaan bariidhaan ishee funaannachuuf kakatan qormaannetti, isaanis (mushrikoota Makkaas) qormaanneerra.

Siinoo hin baasanu (yoo Rabbiin fedhe hin jedhan).

Odoo isaan rafanuu, naanna'aan (adabbiin) Rabbii kee biraa ta'e ishee irra naanna'e.

Akka halkan dukkanaa (cilee) taatee bulte.

Bariidhaan walitti lallaban.

"Yoo kan funaannattan taataniif oyruu keessan irratti bariifadhaa" (waliin jedhan).

Walitti hasaasaa (gara oyruu) deeman.

"Har’a hiyyeessi tokkoyyuu isinirratti akka ishee hin seenne" (jechuun hasaasan).

(Hiyyeeyyii) dhowwuu irratti danda'oo ta'anii bariisifatan.

Yeroo ishee arganu ni jedhan: "nuti karaa badoodha.

Inumaayyuu nuti hoongeffamoodha."

Irra filatamaan isaanii "sila maaliif siinoo hin baafne (yoo Rabbiin fedhe hin jenne) isiniin jedhee hin turree?" jedhe.

"Gooftaan keenya qulqullaa'e; dhugumatti, nuti miidhaa hojjattoota taaneerra" jedhan.

Kan wal komatan ta’anii gariin isaanii garii irratti garagale.

Ni jedhan: "yaa badii keenya! Nuti dhugumatti, daangaa dabritoota.

Gooftaan keenya kan ishee caaltu bakka nuuf buusuu kajeella. Nuti gara Gooftaa keenyaa kajeeloodha” (jedhan).

Adabni (addunyaa) akkanuma; adabbii Aakhiraatu irra guddaadha Odoo kan beekan tahanii (irraa of tiksu turan).

Dhugumatti, warra Rabbiin sodaataniif Gooftaa isaanii bira Jannata qananiitu jira.

Sila Nuti muslimoota akka yakkamtootaa ni goonaa?

Maalumatu isiniif jira? Akkamitti murteessitu!

Dhugumatti, kitaaba (samii bu'e) kan isa keessaa dubbiftantu isiniif jiraa?

Kan isa keessa wanti isin filattan jiru (qabduu)?

Sila kakuulee nurratti taheetu kan Guyyaa Qiyaamaa keessatti bakka ga'aa ta'etu isiniif jira moo ‘wanti isin murteessitan isiniif jira’ jechuun?

Eenyuu isaaniitu sanaaf wabiidhaa isaan gaafadhu.

Sila shariikota (kan murtee isaanii dhugoomsu)tu isaaniif tahee? Yoo kan dhugaa dubbatan ta'aniif shariikota isaaniitiin haa dhufanu.

Guyyaa mogolee irraa saaqamee (munaafiqoonni) gara sujuudaa waamamanii hin dandeenye san [yaadadhu].

Ijjoonni isaanii sodaattuu taatee xiqqeenyis isaan haguuga. Dhugumatti, isaan odoo fayyaa qabanuu (addunyaa irratti) sujuudatti waamamaa turan.

Anaafi nama haasa'a (Qur'aana) kana sobsiisu walitti nu dhiisi; Nuti suutaan karaa isaan hin beekne irraa isaan qabna.

Yeroon isaaniif kenna. Tooftaan Kiyya cimaadha.

Sila mindaa isaan gaafatteeti kaffaluuf itti ulfaatemoo (maali)?

Sila (iccitii) fagoottu isaan biratti tahee, kan isaan barreessan?

Murtii Gooftaa keetiitiif obsi. Akka saahiba qurxummii hintahin yeroo lallabe inni dallansuun guutame.

Odoo ni'imaan Gooftaa isaa irraa taate isa dhaqqabuu baattee, silaa komatamaa ta'eeti dirree biqiltuu hin qabne irratti darbama ture.

Gooftaan isaa isa filateeti gaggaarii irraa isa godhe.

Isaan kafaran ijoowwan isaaniitiin lafaan si dhahuutti dhihaatan. yeroo yaadachiisa dhaga'an "inni maraataa dha" (siin)jedhan.

Innis aalama hundaaf yaadachiisa malee hin taane.