The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Mansions of the stars [Al-Burooj] - Sinhalese translation
Surah The Mansions of the stars [Al-Burooj] Ayah 22 Location Maccah Number 85
ග්‍රහ මණ්ඩල වලින් යුත් අහස මත දිවුරමින්,
ප්‍රතිඥා දෙනු ලැබූ දිනය මත දිවුරමින්.
සාක්ෂි දරන්නා හා සාක්ෂි දරනු ලබන දේ මත ද දිවුරමින්.
අගල් වැසියෝ විනාශ කරනු ලැබුවෝ ය.
(එය) ඉන්ධන වලින් යුක්ත ගින්නකි.
ඔවුහු ඒ මත වාඩි වී සිටියෝ ය.
දේවත්වය විශ්වාස කරන්නන්හට ඔවුන් කරමින් සිටි දෑ ඔවුහු නරඹමින් සිටියෝ ය.
ප්‍රශංසාලාභී සර්ව බලපරාක්‍රම අල්ලාහ්ව ඔවුන් විශ්වාස කිරීම හේතුවෙන් මිස ඔවුහු ඔවුන්ගෙන් පළි නො ගත්තෝ ය.
ඔහු වනාහි අහස් හා මහපොළොවෙහි ආධිපත්‍ය සතු අයෙකි. තවද අල්ලාහ් සියලු දෑ කෙරෙහි සාක්ෂි දරන්නා ය.
නියත වශයෙන් ම දේවත්වය විශ්වාස කරන්නන් හා දේවත්වය විශ්වාස කරන්නියන්හට හිංසා කර, පසුව පශ්චාත්තාප නො වූවන් වන ඔවුනට නිරයේ දඬුවම ඇත. තවද ඔවුනට පිලිස්සෙන ගින්නෙහි දඬුවම ද ඇත.
සැබැවින් ම විශ්වාස කොට යහකම් කළවුන් වන ඔවුනට ඊට පහළින් ගංගාවන් ගලා බසින (ස්වර්ග) උයන් ඇත. එයයි අතිමහත් ජයග්‍රහණ ය.
නියත වශයෙන් ම නුඹගේ පරමාධිපතිගේ ග්‍රහණය ඉතා දැඩි ය.
(පූර්වාදර්ශයක් නොමැති ව) නිර්මාණය කරන්නේ ද යළි සකස් කරන්නේ ද ඔහු ම ය.
තවද ඔහු අතික්ෂමාශීලී ය. මහත් දයාලු ය.
කීර්තිමත් අර්ෂ්හි හිමිකරු ය.
ඔහු සිතන දේ මැනවින් කරන්නා ය.
(නබිවරය!) නුඹට සේනාවන්හි පුවත පැමිණියේ ද?
ෆිර්අවුන් හා සමූද් (සේනාවන්ගේ)
එහෙත් දේවත්වය ප්‍රතික්ෂේප කළවුන් බොරු කිරීමෙහි ය.
තවද අල්ලාහ් ඔවුන්ගේ පසුපසින් වෙළාගන්නා ය.
එහෙත් එය කීර්තිමත් කුර්ආනය වේ.
ආරක්ෂිත ඵලකයෙහි.