The Noble Qur'an Encyclopedia

1. (Allaah) Raxmaanka,

2. Wuxuu baray Qur'aanka.

3. Abuuray dadka.

4. Oo baray caddeynta (hadalka iyo waxa uu dooni).

5. Qorraxda iyo dayaxu waxay ku socdaan xisaab.

6. Xiddigaha iyo geedahuna way sujuudaan (Alle dartiis)1.

7. Samada (Alle) wuu kor yeelay, wuxuuna dhigay caddaalad(iyo garsoor wanaagsan).

8. Si aydaan uga gudbin cadaaladda.

9. Hagaajiya beegga si caadil ah, hana dhimina miisaanka.

10. Dhulka Wuxuu (Alle) degaan uga dhigay uumanka nool oo dhan.

11. Dhexdeeda waxaa ah midho iyo geedaha timirta ee fiidaha leh.

12. Iyo haruurka leh balka iyo dhir udug wanaagsan.

13. Ee taa baad Nicmooyinka (Alle) Rabbigiin beenineysaan (dadka iyo jinkow)?

14. Wuxuu (Alle) ka abuuray Aadmiga dhoobo jilay oo kale ah.

15. Jinkana wuxuu ka abuuray olol dab (halka malaa’igta uu ka abuuray nuur ifiya).

16. Ee tee baad Nicmooyinka Rabbigiin beenineysaan?

17. (Alle) waa Rabbiga labada bari iyo Rabbiga labada galbeed2.

18. Ee tee baad Nicmooyinka Rabbigiin beenineysaan?

19. Wuxuu dareersiiyey labada badood3 iyagoo kulmi.

20. Dhexdooda waxaa ah shareer (soohdin), iskuma xad gudbaan.

21. Ee tee baad Nicmooyinka Rabbigiin beenineysaan?

22. Waxaa ka soo baxa labadaba luul mid weyn iyo mid yarba.

23. Ee tee baad Nicmooyinka Rabbigiin beenineysaan?

24. Isagaa (Alle) leh doonyaha dhex maaxa4 badda ee buuraha la moodo.

25. Ee tee baad Nicmooyinka Rabbigiin beenineysaan?

26. Dhammaan waxa dhulka korkiisa ah way dhiman.

27. Waxaase waari abadki Wejiga (Alle) Rabbigaa Haybadda iyo Sharafta Badan.

28. Ee tee baad Nicmooyinka Rabbigiin beenineysaan?

29. Waxaa wax weydiista (Alle) waxa ku sugan samooyinka iyo arlada. Goor kasta wuxuu agaasimaa arrin.

30. Ee tee baad Nicmooyinka Rabbigiin beenineysaan?

31. Waanu idinla xisaabtami labadiinna ciidammow culculus5.

32. Ee tee baad Nicmooyinka Rabbigiin beenineysaan?

33. Kulanka jinka iyo insigoow! Haddaad kartaan inaad ka soo gudubtaan nawaaxiga cirarka iyo dhulka, ka soo gudba. Ma ka soo gudbi kartaan amar la'aan (xag Alle ah).

34. Ee tee baad Nicmooyinka Rabbigiin beenineysaan?

35. Wuxuu idinku soo diri olol naar ah iyo maar (la dhalaaliyey)6, ma kareysaan inaad is difaacdaan.

36. Ee tee baad Nicmooyinka Rabbigiin beenineysaan?

37. Markay samadu dillaacdo oo ay noqoto gaduud sida idiinta7.

38. Ee tee baad Nicmooyinka Rabbigiin8 beenineysaan?.

39. Maalinkaas waxba lagama weydiiyo denbigooda Insi iyo Jinba (oo waa cad yihiin oo la og yahay, waase lagu qiri).

40. Ee tee baad Nicmooyinka Rabbigiin beenineysaan?

41. Denbiilayaasha waxaa lagu aqoonsan astaamahooda, markaasaa laga soo qaban foodaha iyo cagaha (oo lagu tuuri Naarta).

42. Ee tee baad Nicmooyinka Rabbigiin beenineysaan?

43. Tanu waa Jahannamadii ay beeniyeen denbiilayaashu.

44. Waxay ku meereysan dhexdooda Naarta iyo biyo kulul ee karaya.

45. Ee tee baad Nicmooyinka Rabbigiin beenineysaan?.

46. Kii se ka cabsada hor istaagga Rabbigi, wuxuu mudan labo beerood (Jannada gudaheed).

47. Ee tee baad Nicmooyinka Rabbigiin beenineysaan?

48. (Labadaa beerood oo) leh midabyo kala duwan iyo laamo.

49. Ee tee baad Nicmooyinka Rabbigiin beenineysaan?.

50. Dhexdooda (labadaa beerood) waxaa ah labo ilood oo dur dur ah.

51. Ee tee baad Nicmooyinka Rabbigiin beenineysaan?.

52. Dhexdooda waxaa ah (labadaa beerood) midho nooc kasta oo lammaane ah.

53. Ee tee baad Nicmooyinka Rabbigiin beenineysaan?

54. Iyagoo ku dangiigsan firaashyo cudbi-goodu xariir yahay, midhaha labadaa beeroodna waxay ahaan kuwo goosi dhow.

55. Ee tee baad Nicmooyinka Rabbigiin beenineysaan?

56. Waxaa ku sugan (Jannada) kuwaa soo laaba araggooda (ku kooba nimankooda keliya) ka hor iyaga aanu taaban insi iyo jin midkoodna.

57. Ee tee baad Nicmooyinka Rabbigiin beenineysaan?

58. (Haweenkaa oo) la moodo dheeman iyo luul.

59. Ee tee baad Nicmooyinka Rabbigiin beenineysaan?

60. Wanaag abaalkiisu ma waxaan ahayn baa wanaag?

61. Ee tee baad Nicmooyinka Rabbigiin beenineysaan?

62. Barbarkoodana labadatani (beerood), waxaa ah labo beerood oo kale (Jannada).

63. Ee tee baad Nicmooyinka Rabbigiin beenineysaan?

64. Madow cagaaran ah.

65. Ee tee baad Nicmooyinka Rabbigiin beenineysaan?

66. Dhexdooda (labadaa beerood) waxaa ah labo ilood oo burqanaya.

67. Ee tee baad Nicmooyinka Rabbigiin beenineysaan?

68. Waxaa (labadaa beerood) dhexdooda ah midho, geedo timir iyo Rummaan.

69. Ee tee baad Nicmooyinka Rabbigiin beenineysaan?

70. Dhexdooda waxaa ah (afartaa beerood) xaasas khayr iyo qurux badnooyin ah.

71. Ee tee baad Nicmooyinka Rabbigiin beenineysaan?

72. Xuurulceyn ku kooban oo aan ka bixin guryahooda.

73. Ee tee baad Nicmooyinka Rabbigiin beenineysaan?

74. Aanay horey u taabanin insi iyo jin midkoodna.

75. Ee tee baad Nicmooyinka Rabbigiin beenineysaan?

76. Iyagoo ku dangiigsan barkimooyin cagaaran iyo gogollo qurux badan.

77. Ee tee baad Nicmooyinka Rabbigiin beenineysaan?*

78. Waxaa barakadiisu badnaatay Magaca Rabbigaa (Allaah), Weynaha, Sharafta Badan.