The Noble Qur'an Encyclopedia

1. Waxaan (waa Alle'e) ku dhaartay (malaa’igta) sida daran u soo siibta nafaha (gaalada).

2. Iyo (malaa'igta) sida fudud u qaadda (nafaha mu’miniinta waqtiga dhimashada).

3. Iyo (malaa'igta) hawada dabaalata (iyagoo u socda fulin amarrada Alle).

4. Iyo (malaa'igta) u dheereeya 'khayrka iyo wanaagga' dheereyn.

5. Iyo (malaa'igta) isku duwa arrin (walba) (si waafaqsan amarka Alle, in dadow la idin soo bixin oo xisaabin Aakhirada).

6. Maalinta ay gilgilatadu gilgilan (waa afuufka hore ee Buunka).

7. Oo ay raaci tan xigta (afuufka labaad).

8. Quluub (qalbiyada gaalada) Maalintaas way gariiri.

9. Indhahoodu dulleysnaan.

10. Waxay (haatan) leeyihiin: Ma waxaa naloo soo celin (dhimashadayada kaddib) sidayadii hore (ee nolosha adduunka)?

11. Ma markaan noqonno lafo bololay?

12. Waxay odhan: Taasi waa noqosho khasaaro ah.

13. Waase hal Qeylo keliya.

14. Mise, waxay ahaan (kuwo nool) dhulka guudki (dhimashadoodii kaddib).

15. Ma ku soo gaaray warkii Muuse?

16. Markuu Rabbigi (Alle) uga dhawaaqay togga barakeysan ee Duwa.

17. Aad Fircoon, wuu xadgudbaye.

18. Oo ku dheh: Ma dooneysaa inaad iska daahiriso (shirkiga iyo macaasida)?

19. Oo aan kugu hanuunsho xagga (Alle) Rabbigaa si aad uga baqdo?.

20. Markaasuu tusay Calaamddii Weyneyd (gacantii ifeysay ama ushii maska weyn noqoneysay).

21. (Fircoon) se wuu beeniyey oo caasiyey.

22. Markaasuu dib u jeestay isagoo (xumaan u) socda.

23. Oo soo kulmiyey (dadkiisii) oo kor u dhawaaqay.

24. Oo yidhi: Waa aniga rabbigiin, sarreeya.

25. Markaasuu Alle ku dhigay ciqaab lagu tusaale qaato (xadgudubkii) dambe (sheegashadiisa ilaahnimo) iyo tii hore darteed (beeninta Muuse).

26. Arrinkani waxaa ugu sugan cibrad (digniin) qof kastoo ka baqa Alle.

27. Ma idinkaa adag abuur ahaan, mise samada, wuu dhisay.

28.Wuxuu (samada) kor yeelay jurmigeeda oo waliba simay.

29. Oo ka yeelay mugdi habeenkeeda oo soo bixiyey maalinteeda (ifiyey).

30. Dhulka markaa kaddib fidshay.

31. Wuxuu ka soo saaray biyaheeda iyo baadkeeda;

32. Buurahana wuu dhidbay;

33. Sahay aad leedihiin idinka iyo xoolahiinnuba.

34. Markase ay timaaddo musiibada weyni.

35. Maalinka uu Aadmigu xusuusan wuxuu falay oo dhan.

36. Oo Naarta loo muujiyo qof (waliba) oo arkaya,

37. Ma qofkii xad gudba.

38. Oo door bida nolosha adduunkan.

39. Hubaal Naarta waa hoygiisa.

40. Qofkiise ka cabsada hor istaagga Rabbigi, oo ka reeba nafta hawa raaca.

41. Hubaal Jannada - waa hoygiisa.

42. Waxay wax kaa weydiin (Nabiyow) Saacadda (Qiyaame) goortay tahay.

43. Maxaa ku ogeysiiyey waqtigeeda? Waxaad tahay mid ka mid ah calaamadaha soo dhowaanshaheeda.

44. Waa xagga Rabbigaa halkay ku dhammaan (ogaanshaheeda).

45. Waxaad uun tahay (Nabiyow) u dige kuwa ka baqa.

46. Maalinta ay arkayaan waxay ahaan sida inaysan ku negaadin (adduunka) waxaan ahayn galab ama barqadeed.