The Noble Qur'an Encyclopedia

1. Marka qorraxda la duubo (oo la iftiin tiro),

2. Oo xiddiguhu daataan (oo nuurkoodu tago),

3. Oo buuraha la rujiyo oo budo noqdaan.

4. Oo geela rimman (qofka waxa uu maal ugu jecel yahay) uu cidleeyo (isaga tago oo laga hayaamo).

5. Dugaagga la soo wada kulmiyo (qisaas darteed).

6. Badaha la shido (ama isku soo fatahmaan);

7. Nafaha lagu lammaaniyo jirarkoodii (macno kale lagu lammaansho eynigood iyo waxay is leeyihiin oo la mid ah);

8.Oo (tii kastoo yaraan) lagu nolol xabaalay la weydiiyo,

9. Maxaa denbi ahoo loo dilay?

10. Marka kutubta (acmaasha aadmiga ee malaa'igtu qorayeen) la fidiyo.

11. Oo samada laga rujiyo meesheeda,

12. Oo Naarta la huriyo.

13. Oo Jannada la soo dhoweeyo.

14. Waxay ogaan nafi waxay la timid (khayr ama shar).

15. Waxaan (waa Alle'e) ku dhaartay xiddigaha qarsooma (maalintii).

16. Ee ku socda rugahooda ee qarsoomee (dhaca).

17. Iyo habeenka markuu yimaado (ama tago).

18. Iyo subaxu markuu neefsado (oo soo baxo iftiinkiisa).

19. Hubaal kani (Qur'aanka) waa hadal (Ilaahay) uu keenay Rasuul sharaf badan (Jabriil).

20. Awood iyo meeqaan sare ku leh (Alle) agtiis, Rabbiga Carshiga Weyn,

21. La adeeco, haddana aamin ah kalsooni lagu qabo.

22. Saaxiibkiin (Nabi Muxammad) ma aha jinnoole.

23. Horay buuna ugu arkay (Jabriil) jihada cad (dhinaca qorrax soo baxa).

24. Ma aha (Nabi Muxammad) mid ceshada cilmiga ku saabsan Ghaybka.

25. (Qur’aanku) ma aha hadalka Shaydaan laga fogeeyey (Naxariista Alle).

26. Ee xaggee aadeysaan?

27. (Qur’aanku) ma aha waxaan aheyn Waano ku socota ummadaha oo dhan.

28. Qofkii idinka mid ah ee dooni inuu (ku) toosnaado (Xaqa).

29. Oo waxna ma dooni kartaan aan ahayn wuxuu Alle doono, Rabbiga uumanka.