The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Cleaving [AL-Infitar] - Urdu translation - Muhammad Junagarhi
Surah The Cleaving [AL-Infitar] Ayah 19 Location Maccah Number 82
جب آسمان پھٹ جائے گا.[1]
اور جب ستارے جھڑ جائیں گے.
اور جب سمندر بہہ نکلیں گے.[1]
اور جب قبریں (شق کر کے) اکھاڑ دی جائیں گی.[1]
(اس وقت) ہر شخص اپنے آگے بھیجے ہوئے اور پیچھے چھوڑے ہوئے (یعنی اگلے پچھلے اعمال) کو معلوم کر لے گا.[1]
اے انسان! تجھے اپنے رب کریم سے کس چیز نے بہکایا.[1]
جس (رب نے) تجھے پیدا کیا،[1] پھر ٹھیک ٹھاک کیا[2]، پھر (درست اور) برابر بنایا.[3]
جس صورت میں چاہا تجھے جوڑ دیا.[1]
ہرگز نہیں بلکہ تم تو جزا وسزا کے دن کو جھٹلاتے ہو.[1]
یقیناً تم پر نگہبان عزت والے.
لکھنے والے مقرر ہیں.
جوکچھ تم کرتے ہو وه جانتے ہیں.[1]
یقیناً نیک لوگ (جنت کے عیش وآرام اور) نعمتوں میں ہوں گے.
اور یقیناً بدکار لوگ دوزخ میں ہوں گے.[1]
بدلے والے دن اس میں جائیں گے.[1]
وه اس سے کبھی غائب نہ ہونے پائیں گے.[1]
تجھے کچھ خبر بھی ہے کہ بدلے کا دن کیا ہے.
میں پھر (کہتا ہوں کہ) تجھے کیا معلوم کہ جزا (اور سزا) کا دن کیا ہے.[1]
(وه ہے) جس دن کوئی شخص کسی شخص کے لئے کسی چیز کا مختار نہ ہوگا، اور (تمام تر) احکام اس روز اللہ کے ہی ہوں گے.[1]