The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The Traducer [Al-Humaza] - Yoruba translation

Surah The Traducer [Al-Humaza] Ayah 9 Location Maccah Number 104

Ègbé ni fún gbogbo abúnilójú-ẹni, abúnilẹ́yìn-ẹni,

ẹni tí ó kó dúkìá jọ, tí ó sì kà á lákàtúnkà (láì ná an fún ẹ̀sìn).

Ó ń lérò pé dájúdájú dúkìá rẹ̀ yóò mú un ṣe gbére (nílé ayé).

Rárá (kò rí bẹ́ẹ̀). Dájúdájú wọ́n máa kù ú lókò sínú Hutọmọh ni.

Kí sì ni ó mú ọ mọ ohun tó ń jẹ́ Hutọmọh?

(Òhun ni) Iná Allāhu tí wọ́n ń kò (tó ń jó geregere),

èyí tí ó máa jó (ẹ̀dá) wọ inú ọkàn lọ.

Dájúdájú wọ́n máa ti (àwọn ìlẹ̀kùn) Iná pa mọ́ wọn lórí pátápátá.

(Wọ́n máa wà) láààrin àwọn òpó kìrìbìtì gíga (nínú Iná).