The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The emissaries [Al-Mursalat] - Yoruba translation

Surah The emissaries [Al-Mursalat] Ayah 50 Location Maccah Number 77

وَٱلۡمُرۡسَلَٰتِ عُرۡفٗا [١]

Allāhu fi àwọn atẹ́gùn tó ń sáré ní tẹ̀léǹtẹ̀lé búra.

فَٱلۡعَٰصِفَٰتِ عَصۡفٗا [٢]

Ó fi àwọn ìjì atẹ́gùn tó ń jà búra.

وَٱلنَّٰشِرَٰتِ نَشۡرٗا [٣]

Ó fi àwọn atẹ́gùn tó ń tú èṣújò ká búra.

فَٱلۡفَٰرِقَٰتِ فَرۡقٗا [٤]

Ó fi àwọn tó ń ṣèpínyà láààrin òdodo àti irọ́ búra.

فَٱلۡمُلۡقِيَٰتِ ذِكۡرًا [٥]

Ó fi àwọn mọlāika tó ń mú ìrántí wá (bá àwọn Òjíṣẹ́) búra.

عُذۡرًا أَوۡ نُذۡرًا [٦]

(Ìrántí náà jẹ́) àwíjàre tàbí ìkìlọ̀.

إِنَّمَا تُوعَدُونَ لَوَٰقِعٞ [٧]

Dájúdájú ohun tí A ṣe ní àdéhùn fún yín kúkú máa ṣẹlẹ̀.

فَإِذَا ٱلنُّجُومُ طُمِسَتۡ [٨]

Nítorí náà, nígbà tí wọ́n bá pa (ìmọ́lẹ̀) ìràwọ̀ rẹ́,

وَإِذَا ٱلسَّمَآءُ فُرِجَتۡ [٩]

àti nígbà tí wọ́n bá ṣí sánmọ̀ sílẹ̀ gbagada,

وَإِذَا ٱلۡجِبَالُ نُسِفَتۡ [١٠]

àti nígbà tí wọ́n bá ku àwọn àpáta dànù,

وَإِذَا ٱلرُّسُلُ أُقِّتَتۡ [١١]

àti nígbà tí wọ́n bá fún àwọn Òjíṣẹ́ ní àsìkò láti kójọ (pẹ̀lú ìjọ wọn),

لِأَيِّ يَوۡمٍ أُجِّلَتۡ [١٢]

ọjọ́ wo ni wọ́n so (àwọn ìṣẹ̀lẹ̀ wọ̀nyí) rọ̀ fún ná?

لِيَوۡمِ ٱلۡفَصۡلِ [١٣]

Fún ọjọ́ ìpínyà (láààrin àwọn ẹ̀dá) ni.

وَمَآ أَدۡرَىٰكَ مَا يَوۡمُ ٱلۡفَصۡلِ [١٤]

Kí sì ni ó mú ọ mọ ohun tó ń jẹ́ Ọjọ́ ìpínyà?

وَيۡلٞ يَوۡمَئِذٖ لِّلۡمُكَذِّبِينَ [١٥]

Ègbé ni ní ọjọ́ yẹn fún àwọn olùpe-òdodo-nírọ́.

أَلَمۡ نُهۡلِكِ ٱلۡأَوَّلِينَ [١٦]

Ǹjẹ́ Àwa kò ti pa àwọn ẹni àkọ́kọ́ rẹ́ bí?

ثُمَّ نُتۡبِعُهُمُ ٱلۡأٓخِرِينَ [١٧]

Lẹ́yìn náà, A sì máa fi àwọn ẹni Ìkẹ́yìn tẹ̀lé wọn (nínú ìparun).

كَذَٰلِكَ نَفۡعَلُ بِٱلۡمُجۡرِمِينَ [١٨]

Báyẹn ni A ó ti ṣe pẹ̀lú àwọn ẹlẹ́ṣẹ̀.

وَيۡلٞ يَوۡمَئِذٖ لِّلۡمُكَذِّبِينَ [١٩]

Ègbé ni ní ọjọ́ yẹn fún àwọn olùpe-òdodo-nírọ́.

أَلَمۡ نَخۡلُقكُّم مِّن مَّآءٖ مَّهِينٖ [٢٠]

Ṣé A kò ṣẹ̀dá yin láti inú omi lílẹ yẹpẹrẹ bí?

فَجَعَلۡنَٰهُ فِي قَرَارٖ مَّكِينٍ [٢١]

Lẹ́yìn náà, A fi sínú àyè ààbò (ìyẹn, ilé-ọmọ)

إِلَىٰ قَدَرٖ مَّعۡلُومٖ [٢٢]

títí di gbèdéke àkókò kan tí A ti mọ̀ (ìyen, ọjọ́ ìbímọ).

فَقَدَرۡنَا فَنِعۡمَ ٱلۡقَٰدِرُونَ [٢٣]

A sì ní ìkápá àti àyànmọ́ (lórí rẹ̀. Àwa sì ni) Olùkápá àti Olùpèbùbù ẹ̀dá tó dára.

وَيۡلٞ يَوۡمَئِذٖ لِّلۡمُكَذِّبِينَ [٢٤]

Ègbé ni ní ọjọ́ yẹn fún àwọn olùpe-òdodo-nírọ́.

أَلَمۡ نَجۡعَلِ ٱلۡأَرۡضَ كِفَاتًا [٢٥]

Ǹjẹ́ Àwa kò ṣe ilẹ̀ ní ohun tó ń kó ẹ̀dá jọ mọ́ra wọn;

أَحۡيَآءٗ وَأَمۡوَٰتٗا [٢٦]

(ìyẹn) àwọn alààyè àti àwọn òkú?

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا [٢٧]

A sì fi àwọn àpáta gbagidi gíga-gíga sínú rẹ̀. A sì fún yín ní omi dídùn mu.

وَيۡلٞ يَوۡمَئِذٖ لِّلۡمُكَذِّبِينَ [٢٨]

Ègbé ni ní ọjọ́ yẹn fún àwọn olùpe-òdodo-nírọ́.

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ [٢٩]

Ẹ máa lọ sí ibi tí ẹ̀ ń pè ní irọ́.

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ [٣٠]

Ẹ máa lọ sí ibi èéfín ẹlẹ́ka mẹ́ta.

لَّا ظَلِيلٖ وَلَا يُغۡنِي مِنَ ٱللَّهَبِ [٣١]

Kì í ṣe ibòji tútù. Kò sì níí rọ̀ wọ́n lọ́rọ̀ nínú ìjòfòfò Iná.

إِنَّهَا تَرۡمِي بِشَرَرٖ كَٱلۡقَصۡرِ [٣٢]

Dájúdájú (Iná náà) yóò máa ju ẹ̀tapàrà (rẹ̀ sókè tó máa dà) bí pẹ̀tẹ́ẹ̀sì.

كَأَنَّهُۥ جِمَٰلَتٞ صُفۡرٞ [٣٣]

(Ó máa dà) bí àwọn ràkúnmí aláwọ̀ omi ọsàn.

وَيۡلٞ يَوۡمَئِذٖ لِّلۡمُكَذِّبِينَ [٣٤]

Ègbé ni ní ọjọ́ yẹn fún àwọn olùpe-òdodo-nírọ́

هَٰذَا يَوۡمُ لَا يَنطِقُونَ [٣٥]

Èyí ni ọjọ́ tí wọn kò níí sọ̀rọ̀.

وَلَا يُؤۡذَنُ لَهُمۡ فَيَعۡتَذِرُونَ [٣٦]

A kò sì níí yọ̀ǹda (ọ̀rọ̀ sísọ) fún wọn, áḿbọ̀sìbọ́sí pé wọ́n yóò mú àwáwí wá.

وَيۡلٞ يَوۡمَئِذٖ لِّلۡمُكَذِّبِينَ [٣٧]

Ègbé ni ní ọjọ́ yẹn fún àwọn olùpe-òdodo-nírọ́.

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ [٣٨]

Èyí ni ọjọ́ ìpínyà. Àwa yó sì kó ẹ̀yin àti àwọn ẹni àkọ́kọ́ jọ.

فَإِن كَانَ لَكُمۡ كَيۡدٞ فَكِيدُونِ [٣٩]

Tí ẹ bá ní ète kan lọ́wọ́, ẹ déte sí Mi wò.

وَيۡلٞ يَوۡمَئِذٖ لِّلۡمُكَذِّبِينَ [٤٠]

Ègbé ni ní ọjọ́ yẹn fún àwọn olùpe-òdodo-nírọ́.

إِنَّ ٱلۡمُتَّقِينَ فِي ظِلَٰلٖ وَعُيُونٖ [٤١]

Dájúdájú àwọn olùbẹ̀rù Allāhu yóò wà níbi ibòji àti àwọn omi ìṣẹ́lẹ̀rú,

وَفَوَٰكِهَ مِمَّا يَشۡتَهُونَ [٤٢]

àti àwọn èso èyí tí wọ́n bá ń fẹ́.

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ [٤٣]

Ẹ jẹ, kí ẹ sì mu pẹ̀lú ìgbádùn nítorí ohun tí ẹ̀ ń ṣe níṣẹ́.

إِنَّا كَذَٰلِكَ نَجۡزِي ٱلۡمُحۡسِنِينَ [٤٤]

Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

وَيۡلٞ يَوۡمَئِذٖ لِّلۡمُكَذِّبِينَ [٤٥]

Ègbé ni ní ọjọ́ yẹn fún àwọn olùpe-òdodo-nírọ́.

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ [٤٦]

Ẹ jẹ, kí ẹ sì gbádùn fún ìgbà díẹ̀. Dájúdájú ẹlẹ́ṣẹ̀ ni yín.

وَيۡلٞ يَوۡمَئِذٖ لِّلۡمُكَذِّبِينَ [٤٧]

Ègbé ni ní ọjọ́ yẹn fún àwọn olùpe-òdodo-nírọ́.

وَإِذَا قِيلَ لَهُمُ ٱرۡكَعُواْ لَا يَرۡكَعُونَ [٤٨]

Nígbà tí wọ́n bá sọ fún wọn pé kí wọ́n kírun, wọn kò níí kírun.

وَيۡلٞ يَوۡمَئِذٖ لِّلۡمُكَذِّبِينَ [٤٩]

Ègbé ni ní ọjọ́ yẹn fún àwọn olùpe-òdodo-nírọ́.

فَبِأَيِّ حَدِيثِۭ بَعۡدَهُۥ يُؤۡمِنُونَ [٥٠]

Nígbà náà, ọ̀rọ̀ wo ni wọn yóò gbàgbọ́ lẹ́yìn rẹ̀?[1]