The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The Mansions of the stars [Al-Burooj] - Yoruba translation

Surah The Mansions of the stars [Al-Burooj] Ayah 22 Location Maccah Number 85

وَٱلسَّمَآءِ ذَاتِ ٱلۡبُرُوجِ [١]

(Allāhu) fi sánmọ̀ tí àwọn ibùsọ̀ (òòrùn, òṣùpá àti àwọn ìràwọ̀) wà nínú rẹ̀ búra.

وَٱلۡيَوۡمِ ٱلۡمَوۡعُودِ [٢]

Ó tún fi ọjọ́ tí wọ́n ṣe ní àdéhùn (ìyẹn Ọjọ́ Àjíǹde) búra.

وَشَاهِدٖ وَمَشۡهُودٖ [٣]

Ó tún fi olùjẹ́rìí àti ohun tó jẹ́rìí sí búra.

قُتِلَ أَصۡحَٰبُ ٱلۡأُخۡدُودِ [٤]

A ṣẹ́bi lé àwọn tó gbẹ́ kòtò (iná),

ٱلنَّارِ ذَاتِ ٱلۡوَقُودِ [٥]

(ìyẹn) iná tí wọ́n ń fi igi kò (nínú kòtò).

إِذۡ هُمۡ عَلَيۡهَا قُعُودٞ [٦]

(Rántí) nígbà tí wọ́n jókòó sí ìtòsí rẹ̀.

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ [٧]

Wọ́n sì ń wo ohun tí wọ́n ń ṣe fún àwọn onígbàgbọ́ òdodo.

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ [٨]

Wọn kò rí àlèébù kan (wọn kò sì kórira kiní kan) lára wọn bí kò ṣe pé, wọ́n ní ìgbàgbọ́ òdodo nínú Allāhu, Alágbára, Ẹlẹ́yìn,

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ [٩]

Ẹni tí Ó ni ìjọba àwọn sánmọ̀ àti ilẹ̀. Allāhu sì ni Ẹlẹ́rìí lórí gbogbo n̄ǹkan.

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ [١٠]

Dájúdájú àwọn tó fi ìnira kan àwọn onígbàgbọ́ òdodo lọ́kùnrin àti àwọn onígbàgbọ́ òdodo lóbìnrin, lẹ́yìn náà tí wọn kò ronú pìwàdà, ìyà iná Jahanamọ ń bẹ fún wọn. Ìyà iná tó ń jó sì wà fún wọn.

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ [١١]

Dájúdájú àwọn tó gbàgbọ́ ní òdodo, tí wọ́n sì ṣe àwọn iṣẹ́ rere, tiwọn ni àwọn Ọgbà Ìdẹ̀ra kan, tí àwọn odò ń ṣàn ní ìsàlẹ̀ rẹ̀. Ìyẹn sì ni èrèǹjẹ ńlá.

إِنَّ بَطۡشَ رَبِّكَ لَشَدِيدٌ [١٢]

Dájúdájú ìgbámú ti Olúwa rẹ mà le.

إِنَّهُۥ هُوَ يُبۡدِئُ وَيُعِيدُ [١٣]

Dájúdájú Òun ni Ó pìlẹ̀ (ẹ̀dá), Ó sì máa dá (ẹ̀dá) padà (fún àjíǹde).

وَهُوَ ٱلۡغَفُورُ ٱلۡوَدُودُ [١٤]

Òun ni Aláforíjìn, Olólùfẹ́ (ẹ̀dá),

ذُو ٱلۡعَرۡشِ ٱلۡمَجِيدُ [١٥]

Òun l’Ó ni Ìtẹ́-ọlá, Ológo (Ẹni-ọ̀wọ̀ jùlọ),

فَعَّالٞ لِّمَا يُرِيدُ [١٦]

Olùṣe-ohun-t’Ó-bá-fẹ́.

هَلۡ أَتَىٰكَ حَدِيثُ ٱلۡجُنُودِ [١٧]

Ṣebí ìró àwọn ọmọ ogun ti dé ọ̀dọ̀ rẹ,