The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The Most High [Al-Ala] - Yoruba translation

Surah The Most High [Al-Ala] Ayah 19 Location Maccah Number 87

Ṣàfọ̀mọ́ fún orúkọ Olúwa rẹ, Ẹni gíga jùlọ.

Ẹni tí Ó dá ẹ̀dá. Ó sì ṣe (oríkèé-ríkèé rẹ̀) ní dọ́gbadọ́gba.

Ẹni tí Ó yan kádàrá (fún ẹ̀dá). Ó sì tọ́ ọ sọ́nà.[1]

Ẹni tí Ó mú koríko tútù hù jáde,

Ó sì sọ ọ́ di gbígbẹ tó dúdú.

Àwa yóò máa ké (al-Ƙur’ān) fún ọ. Ìwọ kò sì níí gbàgbé.

Àyàfi ohun tí Allāhu bá fẹ́.[1] Dájúdájú Ó mọ gban̄gba àti ohun tó pamọ́.

Àwa yó sì ṣe iṣẹ́ rere ní ìrọ̀rùn fún ọ.

Nítorí náà, ṣèrántí ní àyè tí ìrántí ti wúlò.[1]

Ẹni tí ó máa páyà (Allāhu) máa lo ìrántí.

Olórí-burúkú sì máa takété sí i.

(Òun sì ni) ẹni tí ó máa wọ inú Iná tó tóbi.

Lẹ́yìn náà, kò níí kú sínú rẹ̀, kò sì níí ṣẹ̀mí (àlàáfíà).

Dájúdájú ẹni tí ó bá ṣe àfọ̀mọ́ (ẹ̀sìn rẹ̀) ti jèrè.[1]

Ó sì rántí orúkọ Olúwa rẹ̀, ó sì kírun.

Rárá, ńṣe l’ẹ̀ ń gbé àjùlọ fún ìṣẹ̀mí ayé.

Ọ̀run sì lóore jùlọ, ó sì máa wà títí láéláé.

Dájúdájú èyí wà nínú àwọn tákàǹdá àkọ́kọ́,

tákàdá (Ànábì) ’Ibrọ̄hīm àti (Ànábì) Mūsā.