عربيEnglish

The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The night [Al-Lail] - Yoruba translation

Surah The night [Al-Lail] Ayah 21 Location Maccah Number 92

وَٱلَّيۡلِ إِذَا يَغۡشَىٰ [١]

Allāhu fi alẹ́ nígbà tí (ilẹ̀) bá ṣú búra.

وَٱلنَّهَارِ إِذَا تَجَلَّىٰ [٢]

Ó tún fi ọ̀sán nígbà tí (ọ̀sán) bá pọ́n búra.

وَمَا خَلَقَ ٱلذَّكَرَ وَٱلۡأُنثَىٰٓ [٣]

Ó tún fi Ẹni tí Ó dá akọ àti abo búra.[1]

إِنَّ سَعۡيَكُمۡ لَشَتَّىٰ [٤]

Dájúdájú ọ̀tọ̀ọ̀tọ̀ ni iṣẹ́ yín.

فَأَمَّا مَنۡ أَعۡطَىٰ وَٱتَّقَىٰ [٥]

Ní ti ẹni tí ó bá tọrẹ, tí ó sì bẹ̀rù (Allāhu),

وَصَدَّقَ بِٱلۡحُسۡنَىٰ [٦]

(tí) ó tún pe ẹ̀san rere (Ọgbà Ìdẹ̀ra) ní òdodo,

فَسَنُيَسِّرُهُۥ لِلۡيُسۡرَىٰ [٧]

A sì máa ṣe iṣẹ́ rere ní ìrọ̀rùn fún un.

وَأَمَّا مَنۢ بَخِلَ وَٱسۡتَغۡنَىٰ [٨]

Ní ti ẹni tí ó bá yahun, tí ó sì rí ara rẹ̀ lẹ́ni tó rọrọ̀ tayọ ẹ̀san ọ̀run,

وَكَذَّبَ بِٱلۡحُسۡنَىٰ [٩]

(tí) ó tún pe ẹ̀san rere (Ọgbà Ìdẹ̀ra) ní irọ́,

فَسَنُيَسِّرُهُۥ لِلۡعُسۡرَىٰ [١٠]

A sì máa ṣe iṣẹ́ aburú ní ìrọ̀rùn fún un.

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ [١١]

Dúkìá rẹ̀ kò sì níí rọ̀ ọ́ lọ́rọ̀ nígbà tí ó bá parun, tí ó já bọ́ (sínú Iná).

إِنَّ عَلَيۡنَا لَلۡهُدَىٰ [١٢]

Dájúdájú tiWa ni (láti ṣàlàyé) ìmọ̀nà.

وَإِنَّ لَنَا لَلۡأٓخِرَةَ وَٱلۡأُولَىٰ [١٣]

Àti pé dájúdájú tiWa ni ọ̀run àti ayé.

فَأَنذَرۡتُكُمۡ نَارٗا تَلَظَّىٰ [١٤]

Nítorí náà, Mo ti fi Iná tó ń jò fòfò kìlọ̀ fún yín.

لَا يَصۡلَىٰهَآ إِلَّا ٱلۡأَشۡقَى [١٥]

Kò sí ẹni tí ó máa wọ inú rẹ̀ àfi olórí burúkú,

ٱلَّذِي كَذَّبَ وَتَوَلَّىٰ [١٦]

ẹni tí ó pe òdodo ní irọ́, tí ó sì kẹ̀yìn sí i.

وَسَيُجَنَّبُهَا ٱلۡأَتۡقَى [١٧]

Wọ́n sì máa gbé (Iná) jìnnà sí olùbẹ̀rù (Allāhu),

ٱلَّذِي يُؤۡتِي مَالَهُۥ يَتَزَكَّىٰ [١٨]

ẹni tó ń fi dúkìá rẹ̀ tọrẹ, tí ó ń ṣàfọ̀mọ́ (rẹ̀).

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ [١٩]

Kò sì sí oore ìdẹ̀ra kan tí (ó ní lọ́kàn) láti gbà ní ẹ̀san ní ọ̀dọ̀ ẹnikẹ́ni,

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ [٢٠]

bí kò ṣe pé láti fi wá ojú rere Olúwa rẹ̀, Ẹni Gíga jùlọ.

وَلَسَوۡفَ يَرۡضَىٰ [٢١]

Láìpẹ́ ó sì máa yọ́nú (sí ẹ̀san rere rẹ̀).