The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The morning hours [Ad-Dhuha] - Yoruba translation

Surah The morning hours [Ad-Dhuha] Ayah 11 Location Maccah Number 93

Allāhu fi ìyálẹ̀ta búra.

Ó tún fi alẹ́ nígbà tí (ilẹ̀) bá ṣú búra.

Olúwa rẹ kò pa ọ́ tì, kò sì bínú sí ọ.

Dájúdájú ọ̀run lóore fún ọ ju ayé.

Dájúdájú láìpẹ́ Olúwa rẹ máa fún ọ ní (oore púpọ̀ ní ọ̀run). Nítorí náà, o sì máa yọ́nú sí i.

Ṣé (Allāhu) kò rí ọ ní ọmọ-òrukàn ni? Ó sì fún ọ ní ibùgbé.

Ó sì rí ọ ní aláìmọ̀nà (ìyẹn ṣíwájú ìsọ̀kalẹ̀ ìmísí). Ó sì fi ọ̀nà mọ̀ ọ́.[1]

Ó tún rí ọ ní aláìní, Ó sì rọ̀ ọ́ lọ́rọ̀.

Nítorí náà, ní ti ọmọ-òrukàn, má ṣe jẹ gàba (lé e lórí).

Ní ti alágbe, má sì ṣe jágbe (mọ́ ọn).

Ní ti ìdẹ̀ra Olúwa rẹ, sọ ọ́ jáde.