عربي

English

The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The City [Al-Balad] - Yoruba translation

Surah The City [Al-Balad] Ayah 20 Location Maccah Number 90

لَآ أُقۡسِمُ بِهَٰذَا ٱلۡبَلَدِ [١]

Èmi (Allāhu) ń fi ìlú yìí[1] búra.

وَأَنتَ حِلُّۢ بِهَٰذَا ٱلۡبَلَدِ [٢]

Ìwọ sì ní ẹ̀tọ́ sí ìlú yìí (láti jagun nínú rẹ̀).[1]

وَوَالِدٖ وَمَا وَلَدَ [٣]

Èmi (Allāhu) ń fi òbí àti ohun tó bí búra.

لَقَدۡ خَلَقۡنَا ٱلۡإِنسَٰنَ فِي كَبَدٍ [٤]

Dájúdájú A ṣẹ̀dá ènìyàn sínú ìṣòro.

أَيَحۡسَبُ أَن لَّن يَقۡدِرَ عَلَيۡهِ أَحَدٞ [٥]

Ṣé ó ń lérò pé ẹnì kan kò ní agbára lórí òun ni?

يَقُولُ أَهۡلَكۡتُ مَالٗا لُّبَدًا [٦]

Ó (sì) ń wí pé: “Èmi ti bàná dúkìá ọ̀pọ̀lọ́pọ̀ (láti fi tako Ànábì - kí ìkẹ́ àti ọlà Allāhu máa bá a -)”

أَيَحۡسَبُ أَن لَّمۡ يَرَهُۥٓ أَحَدٌ [٧]

Ṣé ó ń lérò pé ẹnì kan kò rí òun ni?

أَلَمۡ نَجۡعَل لَّهُۥ عَيۡنَيۡنِ [٨]

Ṣé A kò ṣe ojú méjì fún un?

وَلِسَانٗا وَشَفَتَيۡنِ [٩]

Àti ahọ́n pẹ̀lú ètè méjì (tí A ṣe fún un)?

وَهَدَيۡنَٰهُ ٱلنَّجۡدَيۡنِ [١٠]

A sì fi ọ̀nà méjì mọ̀ ọ́n.

فَلَا ٱقۡتَحَمَ ٱلۡعَقَبَةَ [١١]

Kò sì lọ rin ojú-ọ̀nà orí àpáta tó ṣòroó gùn fún ìgbàlà ẹ̀mí níbi Iná!

وَمَآ أَدۡرَىٰكَ مَا ٱلۡعَقَبَةُ [١٢]

Kí sì ni ó mú ọ mọ ohun tó ń jẹ́ ojú-ọ̀nà orí àpáta tó ṣòroó gùn fún ìgbàlà ẹ̀mí?

فَكُّ رَقَبَةٍ [١٣]

(Òhun ni) títú ẹrú sílẹ̀ lóko ẹrú.

أَوۡ إِطۡعَٰمٞ فِي يَوۡمٖ ذِي مَسۡغَبَةٖ [١٤]

Tàbí fífún ènìyàn ní oúnjẹ ní ọjọ́ ebi.

يَتِيمٗا ذَا مَقۡرَبَةٍ [١٥]

(Ẹ lè fún) ọmọ-òrukàn nínú ẹbí,

أَوۡ مِسۡكِينٗا ذَا مَتۡرَبَةٖ [١٦]

tàbí mẹ̀kúnnù tí kò ní gá tí kò ní go (olòṣì paraku).

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ [١٧]

Lẹ́yìn náà, kí ó wà nínú àwọn tó gbàgbọ́ ní òdodo, tí wọ́n ń gbara wọn níyànjú sùúrù ṣíṣe, tí wọ́n sì tún ń gbara wọn níyànjú àánú ṣíṣe.

أُوْلَٰٓئِكَ أَصۡحَٰبُ ٱلۡمَيۡمَنَةِ [١٨]

Àwọn wọ̀nyẹn ni èrò ọwọ́ ọ̀tún.

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ [١٩]

Àwọn tó sì ṣàì gbàgbọ́ nínú àwọn āyah Wa, àwọn ni èrò ọwọ́ òsì.[1]

عَلَيۡهِمۡ نَارٞ مُّؤۡصَدَةُۢ [٢٠]

Wọ́n máa ti àwọn ìlẹ̀kùn Iná pa mọ́ wọn lórí pátápátá.