English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSetting
Surah The Most High [Al-Ala] in Azerbaijani
سَبِّحِ ٱسْمَ رَبِّكَ ٱلْأَعْلَى ﴿١﴾
Ən Uca Rəbbinin adına təriflər de!
(Ya Peyğəmbər!) Ən uca olan Rəbbinin adını pak (müqəddəs) tutub şə’ninə təriflər de!
ٱلَّذِى خَلَقَ فَسَوَّىٰ ﴿٢﴾
O Rəbbin ki, hər şeyi yaradıb kamilləşdirdi;
O Rəbbin ki, (hər şeyi) xəlq etdi və nizama saldı.
وَٱلَّذِى قَدَّرَ فَهَدَىٰ ﴿٣﴾
O Rəbbin ki, hər şeyin müqəddəratını əzəldən müəyyən edərək yol göstərdi;
O Rəbbin ki, (hər şeyin keyfiyyətini, xüsusiyyətini, davam müddətini) əzəldən müəyyən etdi və (hamıya) yol göstərdi.
وَٱلَّذِىٓ أَخْرَجَ ٱلْمَرْعَىٰ ﴿٤﴾
O Rəbbin ki, otlağı cücərtdi,
O Rəbbin ki, (torpağı yarıb ondan yamyaşıl) otlar çıxartdı.
فَجَعَلَهُۥ غُثَآءً أَحْوَىٰ ﴿٥﴾
sonra da qaralmış samana çevirdi.
Sonra da onu (qupquru) qara çör-çöpə döndərdi.
سَنُقْرِئُكَ فَلَا تَنسَىٰٓ ﴿٦﴾
Biz sənə Quranı elə oxumaq imkanı verəcəyik ki, o, yadından çıxmayacaq.
(Ya Peyğəmbər!) Biz sənə (Qur’anı) oxudacağıq və sən (onu) unutmayacaqsan;
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿٧﴾
Əlbəttə, Allahın istədiyindən başqa. Həqiqətən, O, aşkardakından da, gizli qalandan da xəbərdardır.
Yalnız Allahın dilədiyindən (hökmünü ləğv etdiyimiz bu və ya digər ayədən) başqa! Şübhəsiz ki, O, aşkarı da, gizlini də bilir!
وَنُيَسِّرُكَ لِلْيُسْرَىٰ ﴿٨﴾
Səni ən asan olana müvəffəq edərik.
Biz sənə ən asan olanı (islam şəriətini) müyəssər edərik.
فَذَكِّرْ إِن نَّفَعَتِ ٱلذِّكْرَىٰ ﴿٩﴾
Xatırlatmanın fayda verdiyini görsən, onlara xatırlat!
(Ya Peyğəmbər!) Əgər nəsihət etmək fayda versə, (ümmətinə Qur’anla) öyüd-nəsihət ver!
سَيَذَّكَّرُ مَن يَخْشَىٰ ﴿١٠﴾
Allahdan qorxanlar öyüd-nəsihət götürərlər.
(Allahdan) qorxan kimsə mütləq öyüd-nəsihət qəbul edəcəkdir!
وَيَتَجَنَّبُهَا ٱلْأَشْقَى ﴿١١﴾
Ən bədbəxt kimsələr isə onu qulaqardına vurarlar.
Bədbəxt (kafir) isə ondan (öyüd-nəsihətdən) qaçacaqdır.
ٱلَّذِى يَصْلَى ٱلنَّارَ ٱلْكُبْرَىٰ ﴿١٢﴾
O kimsə ki, Cəhənnəmə atılacaq,
(O bədbəxt ki) ən böyük oda (cəhənnəm oduna) girəcəkdir.
ثُمَّ لَا يَمُوتُ فِيهَا وَلَا يَحْيَىٰ ﴿١٣﴾
O orada nə öləcək, nə də yaşaya biləcəkdir.
Orada nə öləcək, nə də yaşayacaqdır! (Nə ölü kimi ölü, nə də diri kimi diri olacaqdır!)
قَدْ أَفْلَحَ مَن تَزَكَّىٰ ﴿١٤﴾
Günahlardan təmizlənən kimsə isə uğur qazanmışdır.
(Günahlardan) təmizlənən kimsə isə nicat tapacaqdır.
وَذَكَرَ ٱسْمَ رَبِّهِۦ فَصَلَّىٰ ﴿١٥﴾
O kimsə ki, Rəbbinin adını xatırlayıb namaz qılmışdır.
O kimsə ki, Rəbbinin adını zikr edib namaz qılar!
بَلْ تُؤْثِرُونَ ٱلْحَيَوٰةَ ٱلدُّنْيَا ﴿١٦﴾
Xeyr, siz dünya həyatını olduqca üstün tutursunuz;
Lakin siz (ey insanlar!) dünyanı üstün tutursunuz!
وَٱلْءَاخِرَةُ خَيْرٌۭ وَأَبْقَىٰٓ ﴿١٧﴾
Axirət isə daha xeyirli və daha sürəklidir.
Halbuki axirət daha xeyirli və daha baqidir.
إِنَّ هَٰذَا لَفِى ٱلصُّحُفِ ٱلْأُولَىٰ ﴿١٨﴾
Həqiqətən də bu, əvvəlki səhifələrdə bildirilmişdir –
Həqiqətən, bu deyilənlər (Qur’andan) əvvəlki kitablarda mövcuddur -
صُحُفِ إِبْرَٰهِيمَ وَمُوسَىٰ ﴿١٩﴾
İbrahimin və Musanın səhifələrində.
İbrahimin və Musanın kitablarında!