English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSetting
Surah The night [Al-Lail] in Azerbaijani
وَٱلَّيْلِ إِذَا يَغْشَىٰ ﴿١﴾
And olsun yer üzünü zülmətə bürüməkdə olan gecəyə!
And olsun (aləmi zülmətə) bürüməkdə olan gecəyə;
وَٱلنَّهَارِ إِذَا تَجَلَّىٰ ﴿٢﴾
And olsun günəşin çıxması ilə aydınlaşan gündüzə!
And olsun işıqlanmaqda olan gündüzə;
وَمَا خَلَقَ ٱلذَّكَرَ وَٱلْأُنثَىٰٓ ﴿٣﴾
And olsun kişini və qadını yaradana!
And olsun kişini və qadını (erkəyi və dişini) yaradana ki,
إِنَّ سَعْيَكُمْ لَشَتَّىٰ ﴿٤﴾
Sizin can atdıqlarınız başqa-başqadır.
Sizin zəhmətiniz (ey insanlar!) cürbəcürdür! (Bə’ziniz Cənnət üçün, bə’ziniz isə Cəhənnəm üçün çalışırsınız).
فَأَمَّا مَنْ أَعْطَىٰ وَٱتَّقَىٰ ﴿٥﴾
Kim haqqını verir və Allahdan qorxursa,
Kim (malını Allah yolunda) versə, (Allahdan) qorxsa,
وَصَدَّقَ بِٱلْحُسْنَىٰ ﴿٦﴾
və ən gözəl olanı (lə ilahə illəllahı) təsdiq edirsə,
Və ən gözəl sözü (la ilahə illallah kəlməsini) təsdiq etsə,
فَسَنُيَسِّرُهُۥ لِلْيُسْرَىٰ ﴿٧﴾
Biz onu ən asan olana nail edəcəyik.
Biz ona ən asan olanı (Cənnəti) müyəssər edəcəyik!
وَأَمَّا مَنۢ بَخِلَ وَٱسْتَغْنَىٰ ﴿٨﴾
Kim də xəsislik edərək Rəbbinə ehtiyacı olmadığını güman edirsə
Amma kim (malını Allah yolunda xərcləməyə) xəsislik etsə, (mal-dövlətinə güvənib Allaha) möhtac olmadığını sansa,
وَكَذَّبَ بِٱلْحُسْنَىٰ ﴿٩﴾
və ən gözəl olanı (lə ilahə illəllahı) yalan hesab edirsə,
Və ən gözəl sözü (la ilahə illallah kəlməsini) yalan saysa,
فَسَنُيَسِّرُهُۥ لِلْعُسْرَىٰ ﴿١٠﴾
Biz onun üstünə ən çətin olanı yükləyəcəyik.
Biz ona ən çətin olanı (Cəhənnəmi) müyəssər edəcəyik (onu Cəhənnəm üçün hazırlayacağıq!)
وَمَا يُغْنِى عَنْهُ مَالُهُۥٓ إِذَا تَرَدَّىٰٓ ﴿١١﴾
Cəhənnəmə düşdükdə var-dövləti ona fayda verməyəcək.
(O, Cəhənnəmə) düşəcəyi zaman mal-dövləti ona heç bir fayda verməz.
إِنَّ عَلَيْنَا لَلْهُدَىٰ ﴿١٢﴾
Şübhəsiz ki, doğru yola yönəltmək Bizə aiddir.
Bizim öhdəmizə düşən yalnız doğru yolu göstərməkdir! (Mö’min və ya kafir olmaq isə hər kəsin öz işidir).
وَإِنَّ لَنَا لَلْءَاخِرَةَ وَٱلْأُولَىٰ ﴿١٣﴾
Sözsüz ki, Axirət də, dünya həyatı da Bizimdir.
Axirət də Bizim, dünya da Bizimdir!
فَأَنذَرْتُكُمْ نَارًۭا تَلَظَّىٰ ﴿١٤﴾
Mən sizi alov saçan bir odla qorxutdum.
(Ey insanlar!) Mən sizi alovlanan bir atəşlə qorxutdum.
لَا يَصْلَىٰهَآ إِلَّا ٱلْأَشْقَى ﴿١٥﴾
Ona ancaq ən bədbəxt kimsə girər.
Ora ancaq azğın (kafir) daxil olar.
ٱلَّذِى كَذَّبَ وَتَوَلَّىٰ ﴿١٦﴾
O kimsə ki, haqqı yalan sayır və ondan üz döndərir.
O kimsə ki, (haqqı) yalan sayar, (imandan) üz döndərər!
وَسَيُجَنَّبُهَا ٱلْأَتْقَى ﴿١٧﴾
Allahdan ən çox qorxan isə o Oddan uzaqlaşdırılar.
Allahdan qorxub pis əməllərdən çəkinən isə ondan uzaqlaşdırılar (nicat tapar).
ٱلَّذِى يُؤْتِى مَالَهُۥ يَتَزَكَّىٰ ﴿١٨﴾
O kimsə ki, malını Allah yolunda verir, günahlardan təmizlənir.
O kimsə ki, malını (Allah yolunda) verib (günahlardan) təmizlənər,
وَمَا لِأَحَدٍ عِندَهُۥ مِن نِّعْمَةٍۢ تُجْزَىٰٓ ﴿١٩﴾
Əvəzi veriləcək nemət üçün onun heç kəsə minnəti olmaz.
O şəxsin boynunda heç kəsin bir minnəti (ne’məti) yoxdur ki, onun əvəzi verilsin (etdiyi yaxşılıq ona əvəz olsun; və ya: o, etdiyi yaxşılıq müqabilində heç kəsdən bir mükafat gözləməz).
إِلَّا ٱبْتِغَآءَ وَجْهِ رَبِّهِ ٱلْأَعْلَىٰ ﴿٢٠﴾
O bunu ancaq Ən Uca Rəbbinin Üzünü dilədiyindən edər.
O ancaq ən uca olan Rəbbinin rizasını qazanmaq üçün belə edər.
وَلَسَوْفَ يَرْضَىٰ ﴿٢١﴾
O, mütləq razı qalacaqdır!
And olsun ki, o (öz Rəbbindən Cənnətdə ona verəcəyi ne’mətlərə görə) razı olacaqdır!