Setting

Hide header

Hide footer

Dark mod

Font size

Surah The Fig [At-Tin] in Azerbaijani

Surah The Fig [At-Tin] Ayah 8 Location Maccah Number 95

بِّسْمِ ٱللَّهِ ٱلرَّحْمَٰنِ ٱلرَّحِيمِ وَٱلتِّينِ وَٱلزَّيْتُونِ ﴿١﴾

And olsun əncirə və zeytuna!

And olsun əncirə və zeytuna;

وَطُورِ سِينِينَ ﴿٢﴾

And olsun Sinay dağına!

And olsun (Allah-təalanın Musa ilə danışdığı) Tur dağına;

وَهَٰذَا ٱلْبَلَدِ ٱلْأَمِينِ ﴿٣﴾

And olsun bu təhlükəsiz şəhərə (Məkkəyə)!

And olsun bu təhlükəsiz (qorxusuz-xətərsiz) şəhərə (Məkkəyə) ki,

لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍۢ ﴿٤﴾

Biz insanı ən gözəl surətdə yaratdıq!

Biz insanı ən gözəl biçimdə yaratdıq!

ثُمَّ رَدَدْنَٰهُ أَسْفَلَ سَٰفِلِينَ ﴿٥﴾

Sonra isə onu aşağı qatların ən aşağısına (Cəhənnəmin dibinə) qaxacağıq.

Sonra da onu qaytarıb rəzillərin rəzili edərik!

إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فَلَهُمْ أَجْرٌ غَيْرُ مَمْنُونٍۢ ﴿٦﴾

İman gətirib xeyirxah işlər görənlər istisna olmaqla! Onlar üçün tükənməz mükafat hazırlanmışdır.

Yalnız iman gətirib yaxşı əməllər edənlərdən başqa! Onları münnətsiz (saysız-hesabsız) mükafat gözləyir.

فَمَا يُكَذِّبُكَ بَعْدُ بِٱلدِّينِ ﴿٧﴾

Bundan sonra dini yalanlamağa səni nə məcbur edir?

(Ey kafir insan! Bu qədər öyüd-nəsihətdən) sonra səni dini (haqq-hesab gününü) yalan saymağa vadar edən nədir?!

أَلَيْسَ ٱللَّهُ بِأَحْكَمِ ٱلْحَٰكِمِينَ ﴿٨﴾

Məgər Allah hakimlərin ən üstünü deyilmi?

Məgər Allah hakimlərin hakimi (ən ədalətli, ən üstün hakim) deyilmi?!