English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSetting
Surah The Clot [Al-Alaq] in Azerbaijani
ٱقْرَأْ بِٱسْمِ رَبِّكَ ٱلَّذِى خَلَقَ ﴿١﴾
Yaradan Rəbbinin adı ilə oxu!
(Ya Peyğəmbər! Qur’ani-Kərimi bütün məxluqatı) yoxdan yaradan Rəbbinin adı ilə (bismillah deyərək) oxu!
خَلَقَ ٱلْإِنسَٰنَ مِنْ عَلَقٍ ﴿٢﴾
O, insanı qan laxtasından yaratdı.
O, insanı laxtalanmış qandan yaratdı.
ٱقْرَأْ وَرَبُّكَ ٱلْأَكْرَمُ ﴿٣﴾
Oxu! Sənin Rəbbin müqayisəsiz səxavətə malikdir.
(Ya Peyğəmbər!) Oxu! Sənin Rəbbin ən böyük kərəm sahibidir!
ٱلَّذِى عَلَّمَ بِٱلْقَلَمِ ﴿٤﴾
O, qələmlə yazmağı öyrətdi.
O Rəbbin ki, qələmlə (yazmağı) öyrətdi.
عَلَّمَ ٱلْإِنسَٰنَ مَا لَمْ يَعْلَمْ ﴿٥﴾
İnsana bilmədiklərini öyrətdi.
(O Rəbbin ki) insana bilmədiklərini öyrətdi.
كَلَّآ إِنَّ ٱلْإِنسَٰنَ لَيَطْغَىٰٓ ﴿٦﴾
Xeyr! İnsan, doğrudan da, həddini aşır –
Xeyr, insan azğınlıq edər,
أَن رَّءَاهُ ٱسْتَغْنَىٰٓ ﴿٧﴾
özünün ehtiyacsız olduğunu zənn etdiyinə görə.
Özünün dövlətli olduğunu gördüyü üçün!
إِنَّ إِلَىٰ رَبِّكَ ٱلرُّجْعَىٰٓ ﴿٨﴾
Axı son dönüşün Rəbbinədir!
Axı sənin axır dönüşün Rəbbinədir!
أَرَءَيْتَ ٱلَّذِى يَنْهَىٰ ﴿٩﴾
Gördünmü o kəsi ki, mane olur –
Gördünmü o kimsəni (Əbu Cəhli) ki, mane olur
عَبْدًا إِذَا صَلَّىٰٓ ﴿١٠﴾
bir bəndəyə namaz qıldığı zaman?
Bir bəndəyə (sənə) namaz qıldığı vaxt?
أَرَءَيْتَ إِن كَانَ عَلَى ٱلْهُدَىٰٓ ﴿١١﴾
Söylə görək, əgər o bəndə doğru yoldadırsa,
Bir de görək, əgər o doğru yoldadırsa,
أَوْ أَمَرَ بِٱلتَّقْوَىٰٓ ﴿١٢﴾
yaxud Allahdan qorxmağı əmr edirsə, onda necə olsun?
Yaxud (xalqa Allahdan) qorxmağı əmr edirsə, (sən belə bir əməl sahibinin namaz qılmasına nə üçün mane olur, ona ibadət etməyi niyə qadağan edirsən? Bundan da rəzil iş olarmı)?!
أَرَءَيْتَ إِن كَذَّبَ وَتَوَلَّىٰٓ ﴿١٣﴾
Söylə görək, əgər o kafir haqqı yalan sayıb üz döndəribsə, onda necə olsun?
(Ya Peyğəmbər!) Bir de görək, (əgər sənin namaz qılmağına mane olan kimsə Qur’anı) yalan sayır və (imandan) üz döndərirsə,
أَلَمْ يَعْلَم بِأَنَّ ٱللَّهَ يَرَىٰ ﴿١٤﴾
Məgər o bilmir ki, Allah görür?
Məgər bilmir ki, Allah (onun bütün əməllərini) görür?!
كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ ﴿١٥﴾
Xeyr! Əgər yaramaz əməlinə son qoymasa, Biz onun kəkilindən tutacağıq –
Yox, yox! (Əbu Cəhl bu yaramaz əməllərinə son qoysun). Əgər son qoymasa, and olsun ki, Biz onu kəkilindən yapışıb (Cəhənnəmə) sürükləyəcəyik -
نَاصِيَةٍۢ كَٰذِبَةٍ خَاطِئَةٍۢ ﴿١٦﴾
yalançı, günahkar kəkilindən.
Özü də yalançı, günahkar kəkilindən!
فَلْيَدْعُ نَادِيَهُۥ ﴿١٧﴾
Qoy öz yığnağını çağırsın.
Qoy o özünün bütün tərəfdarlarını (köməyə) çağırsın!
سَنَدْعُ ٱلزَّبَانِيَةَ ﴿١٨﴾
Biz də əzab mələklərini çağıracağıq.
Biz də zəbaniləri (Cəhənnəmdəki əzab mələklərini) çağıracağıq!
كَلَّا لَا تُطِعْهُ وَٱسْجُدْ وَٱقْتَرِب ۩ ﴿١٩﴾
Xeyr, sən ona qulaq asma! Səcdə qıl və Allaha yaxınlaş!
Yox, yox! Sən (ey Peyğəmbər!) ona uyma! Sən ancaq (Rəbbinə) səcdə et və (Ona) yaxınlaş!