English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSetting
Surah The tidings [An-Naba] in Urdu
عَمَّ يَتَسَآءَلُونَ ﴿١﴾
یہ لوگ کس چیز کے بارے میں پوچھ گچھ کر رہے ہیں؟
عَنِ ٱلنَّبَإِ ٱلْعَظِيمِ ﴿٢﴾
کیا اُس بڑی خبر کے بارے میں
ٱلَّذِى هُمْ فِيهِ مُخْتَلِفُونَ ﴿٣﴾
جس کے متعلق یہ مختلف چہ میگوئیاں کرنے میں لگے ہوئے ہیں؟
كَلَّا سَيَعْلَمُونَ ﴿٤﴾
ہرگز نہیں، عنقریب اِنہیں معلوم ہو جائیگا
ثُمَّ كَلَّا سَيَعْلَمُونَ ﴿٥﴾
ہاں، ہرگز نہیں، عنقریب اِنہیں معلوم ہو جائے گا
أَلَمْ نَجْعَلِ ٱلْأَرْضَ مِهَٰدًۭا ﴿٦﴾
کیا یہ واقعہ نہیں ہے کہ ہم نے زمین کو فرش بنایا
وَٱلْجِبَالَ أَوْتَادًۭا ﴿٧﴾
اور پہاڑوں کو میخوں کی طرح گاڑ دیا
وَخَلَقْنَٰكُمْ أَزْوَٰجًۭا ﴿٨﴾
اور تمہیں (مَردوں اور عورتوں کے) جوڑوں کی شکل میں پیدا کیا
وَجَعَلْنَا نَوْمَكُمْ سُبَاتًۭا ﴿٩﴾
اور تمہاری نیند کو باعث سکون بنایا
وَجَعَلْنَا ٱلَّيْلَ لِبَاسًۭا ﴿١٠﴾
اور رات کو پردہ پوش
وَجَعَلْنَا ٱلنَّهَارَ مَعَاشًۭا ﴿١١﴾
اور دن کو معاش کا وقت بنایا
وَبَنَيْنَا فَوْقَكُمْ سَبْعًۭا شِدَادًۭا ﴿١٢﴾
اور تمہارے اوپر سات مضبوط آسمان قائم کیے
وَجَعَلْنَا سِرَاجًۭا وَهَّاجًۭا ﴿١٣﴾
اور ایک نہایت روشن اور گرم چراغ پیدا کیا
وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا ﴿١٤﴾
اور بادلوں سے لگاتار بارش برسائی
لِّنُخْرِجَ بِهِۦ حَبًّۭا وَنَبَاتًۭا ﴿١٥﴾
تاکہ اس کے ذریعہ سے غلہ اور سبزی
وَجَنَّٰتٍ أَلْفَافًا ﴿١٦﴾
اور گھنے باغ اگائیں؟
إِنَّ يَوْمَ ٱلْفَصْلِ كَانَ مِيقَٰتًۭا ﴿١٧﴾
بے شک فیصلے کا دن ایک مقرر وقت ہے
يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا ﴿١٨﴾
جس روز صور میں پھونک مار دی جائے گی، تم فوج در فوج نکل آؤ گے
وَفُتِحَتِ ٱلسَّمَآءُ فَكَانَتْ أَبْوَٰبًۭا ﴿١٩﴾
اور آسمان کھول دیا جائے گا حتیٰ کہ وہ دروازے ہی دروازے بن کر رہ جائے گا
وَسُيِّرَتِ ٱلْجِبَالُ فَكَانَتْ سَرَابًا ﴿٢٠﴾
اور پہاڑ چلائے جائیں گے یہاں تک کہ وہ سراب ہو جائیں گے
إِنَّ جَهَنَّمَ كَانَتْ مِرْصَادًۭا ﴿٢١﴾
درحقیقت جہنم ایک گھات ہے
لِّلطَّٰغِينَ مَـَٔابًۭا ﴿٢٢﴾
سرکشوں کا ٹھکانا
لَّٰبِثِينَ فِيهَآ أَحْقَابًۭا ﴿٢٣﴾
جس میں وہ مدتوں پڑے رہیں گے
لَّا يَذُوقُونَ فِيهَا بَرْدًۭا وَلَا شَرَابًا ﴿٢٤﴾
اُس کے اندر کسی ٹھنڈک اور پینے کے قابل کسی چیز کا مزہ وہ نہ چکھیں گے
إِلَّا حَمِيمًۭا وَغَسَّاقًۭا ﴿٢٥﴾
کچھ ملے گا تو بس گرم پانی اور زخموں کا دھوون
جَزَآءًۭ وِفَاقًا ﴿٢٦﴾
(اُن کے کرتوتوں) کا بھرپور بدلہ
إِنَّهُمْ كَانُوا۟ لَا يَرْجُونَ حِسَابًۭا ﴿٢٧﴾
وہ کسی حساب کی توقع نہ رکھتے تھے
وَكَذَّبُوا۟ بِـَٔايَٰتِنَا كِذَّابًۭا ﴿٢٨﴾
اور ہماری آیات کو انہوں نے بالکل جھٹلا دیا تھا
وَكُلَّ شَىْءٍ أَحْصَيْنَٰهُ كِتَٰبًۭا ﴿٢٩﴾
اور حال یہ تھا کہ ہم نے ہر چیز گن گن کر لکھ رکھی تھی
فَذُوقُوا۟ فَلَن نَّزِيدَكُمْ إِلَّا عَذَابًا ﴿٣٠﴾
اب چکھو مزہ، ہم تمہارے لیے عذاب کے سوا کسی چیز میں ہرگز اضافہ نہ کریں گے
إِنَّ لِلْمُتَّقِينَ مَفَازًا ﴿٣١﴾
یقیناً متقیوں کے لیے کامرانی کا ایک مقام ہے
حَدَآئِقَ وَأَعْنَٰبًۭا ﴿٣٢﴾
باغ اور انگور
وَكَوَاعِبَ أَتْرَابًۭا ﴿٣٣﴾
اور نوخیر ہم سن لڑکیاں
وَكَأْسًۭا دِهَاقًۭا ﴿٣٤﴾
اور چھلکتے ہوئے جام
لَّا يَسْمَعُونَ فِيهَا لَغْوًۭا وَلَا كِذَّٰبًۭا ﴿٣٥﴾
وہاں کوئی لغو اور جھوٹی بات وہ نہ سنیں گے
جَزَآءًۭ مِّن رَّبِّكَ عَطَآءً حِسَابًۭا ﴿٣٦﴾
جزا اور کافی انعام تمہارے رب کی طرف سے
رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا ﴿٣٧﴾
اُس نہایت مہربان خدا کی طرف سے جو زمین اور آسمانوں کا اور ان کے درمیان کی ہر چیز کا مالک ہے جس کے سامنے کسی کو بولنے کا یارا نہیں
يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا ﴿٣٨﴾
جس روز روح اور ملائکہ صف بستہ کھڑے ہونگے، کوئی نہ بولے گا سوائے اُس کے جسے رحمٰن اجازت دے اور جو ٹھیک بات کہے
ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿٣٩﴾
وہ دن برحق ہے، اب جس کا جی چاہے اپنے رب کی طرف پلٹنے کا راستہ اختیار کر لے
إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا ﴿٤٠﴾
ہم نے تم لوگوں کو اُس عذاب سے ڈرا دیا ہے جو قریب آ لگا ہے جس روز آدمی وہ سب کچھ دیکھ لے گا جو اس کے ہاتھوں نے آگے بھیجا ہے، اور کافر پکار اٹھے گا کہ کاش میں خاک ہوتا