English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSetting
Surah Those who drag forth [An-Naziat] in Urdu
وَٱلنَّٰزِعَٰتِ غَرْقًۭا ﴿١﴾
قسم ہے اُن (فرشتوں کی) جو ڈوب کر کھینچتے ہیں
وَٱلنَّٰشِطَٰتِ نَشْطًۭا ﴿٢﴾
اور آہستگی سے نکال لے جاتے ہیں
وَٱلسَّٰبِحَٰتِ سَبْحًۭا ﴿٣﴾
اور (اُن فرشتوں کی جو کائنات میں) تیزی سے تیرتے پھرتے ہیں
فَٱلسَّٰبِقَٰتِ سَبْقًۭا ﴿٤﴾
پھر (حکم بجا لانے میں) سبقت کرتے ہیں
فَٱلْمُدَبِّرَٰتِ أَمْرًۭا ﴿٥﴾
پھر (احکام الٰہی کے مطابق) معاملات کا انتظام چلاتے ہیں
يَوْمَ تَرْجُفُ ٱلرَّاجِفَةُ ﴿٦﴾
جس روز ہلا مارے گا زلزلے کا جھٹکا
تَتْبَعُهَا ٱلرَّادِفَةُ ﴿٧﴾
اور اس کے پیچھے ایک اور جھٹکا پڑے گا
قُلُوبٌۭ يَوْمَئِذٍۢ وَاجِفَةٌ ﴿٨﴾
کچھ دل ہوں گے جو اُس روز خوف سے کانپ رہے ہوں گے
أَبْصَٰرُهَا خَٰشِعَةٌۭ ﴿٩﴾
نگاہیں اُن کی سہمی ہوئی ہوں گی
يَقُولُونَ أَءِنَّا لَمَرْدُودُونَ فِى ٱلْحَافِرَةِ ﴿١٠﴾
یہ لوگ کہتے ہیں \"کیا واقعی ہم پلٹا کر پھر واپس لائے جائیں گے؟
أَءِذَا كُنَّا عِظَٰمًۭا نَّخِرَةًۭ ﴿١١﴾
کیا جب ہم کھوکھلی بوسیدہ ہڈیاں بن چکے ہوں گے؟\"
قَالُوا۟ تِلْكَ إِذًۭا كَرَّةٌ خَاسِرَةٌۭ ﴿١٢﴾
کہنے لگے \"یہ واپسی تو پھر بڑے گھاٹے کی ہوگی!\"
فَإِنَّمَا هِىَ زَجْرَةٌۭ وَٰحِدَةٌۭ ﴿١٣﴾
حالانکہ یہ بس اتنا کام ہے کہ ایک زور کی ڈانٹ پڑے گی
فَإِذَا هُم بِٱلسَّاهِرَةِ ﴿١٤﴾
اور یکایک یہ کھلے میدان میں موجود ہوں گے
هَلْ أَتَىٰكَ حَدِيثُ مُوسَىٰٓ ﴿١٥﴾
کیا تمہیں موسیٰؑ کے قصے کی خبر پہنچی ہے؟
إِذْ نَادَىٰهُ رَبُّهُۥ بِٱلْوَادِ ٱلْمُقَدَّسِ طُوًى ﴿١٦﴾
جب اس کے رب نے اُسے طویٰ کی مقدس وادی میں پکارا تھا
ٱذْهَبْ إِلَىٰ فِرْعَوْنَ إِنَّهُۥ طَغَىٰ ﴿١٧﴾
کہ \"فرعون کے پاس جا، وہ سرکش ہو گیا ہے
فَقُلْ هَل لَّكَ إِلَىٰٓ أَن تَزَكَّىٰ ﴿١٨﴾
اور اس سے کہہ کیا تو اِس کے لیے تیار ہے کہ پاکیزگی اختیار کرے
وَأَهْدِيَكَ إِلَىٰ رَبِّكَ فَتَخْشَىٰ ﴿١٩﴾
اور میں تیرے رب کی طرف تیری رہنمائی کروں تو (اُس کا) خوف تیرے اندر پیدا ہو؟\"
فَأَرَىٰهُ ٱلْءَايَةَ ٱلْكُبْرَىٰ ﴿٢٠﴾
پھر موسیٰؑ نے (فرعون کے پاس جا کر) اُس کو بڑی نشانی دکھائی
فَكَذَّبَ وَعَصَىٰ ﴿٢١﴾
مگر اُس نے جھٹلا دیا اور نہ مانا
ثُمَّ أَدْبَرَ يَسْعَىٰ ﴿٢٢﴾
پھر چالبازیاں کرنے کے لیے پلٹا
فَحَشَرَ فَنَادَىٰ ﴿٢٣﴾
اور لوگوں کو جمع کر کے اس نے پکار کر کہا
فَقَالَ أَنَا۠ رَبُّكُمُ ٱلْأَعْلَىٰ ﴿٢٤﴾
\"میں تمہارا سب سے بڑا رب ہوں\"
فَأَخَذَهُ ٱللَّهُ نَكَالَ ٱلْءَاخِرَةِ وَٱلْأُولَىٰٓ ﴿٢٥﴾
آخرکار اللہ نے اسے آخرت اور دنیا کے عذاب میں پکڑ لیا
إِنَّ فِى ذَٰلِكَ لَعِبْرَةًۭ لِّمَن يَخْشَىٰٓ ﴿٢٦﴾
درحقیقت اِس میں بڑی عبرت ہے ہر اُس شخص کے لیے جو ڈرے
ءَأَنتُمْ أَشَدُّ خَلْقًا أَمِ ٱلسَّمَآءُ ۚ بَنَىٰهَا ﴿٢٧﴾
کیا تم لوگوں کی تخلیق زیادہ سخت کام ہے یا آسمان کی؟ اللہ نے اُس کو بنایا
رَفَعَ سَمْكَهَا فَسَوَّىٰهَا ﴿٢٨﴾
اُس کی چھت خوب اونچی اٹھائی پھر اُس کا توازن قائم کیا
وَأَغْطَشَ لَيْلَهَا وَأَخْرَجَ ضُحَىٰهَا ﴿٢٩﴾
اور اُس کی رات ڈھانکی اور اُس کا دن نکالا
وَٱلْأَرْضَ بَعْدَ ذَٰلِكَ دَحَىٰهَآ ﴿٣٠﴾
اِس کے بعد زمین کو اس نے بچھایا
أَخْرَجَ مِنْهَا مَآءَهَا وَمَرْعَىٰهَا ﴿٣١﴾
اُس کے اندر سے اُس کا پانی اور چارہ نکالا
وَٱلْجِبَالَ أَرْسَىٰهَا ﴿٣٢﴾
اور پہاڑ اس میں گاڑ دیے
مَتَٰعًۭا لَّكُمْ وَلِأَنْعَٰمِكُمْ ﴿٣٣﴾
سامان زیست کے طور پر تمہارے لیے اور تمہارے مویشیوں کے لیے
فَإِذَا جَآءَتِ ٱلطَّآمَّةُ ٱلْكُبْرَىٰ ﴿٣٤﴾
پھر جب وہ ہنگامہ عظیم برپا ہوگا
يَوْمَ يَتَذَكَّرُ ٱلْإِنسَٰنُ مَا سَعَىٰ ﴿٣٥﴾
جس روز انسان اپنا سب کیا دھرا یاد کرے گا
وَبُرِّزَتِ ٱلْجَحِيمُ لِمَن يَرَىٰ ﴿٣٦﴾
اور ہر دیکھنے والے کے سامنے دوزخ کھول کر رکھ دی جائے گی
فَأَمَّا مَن طَغَىٰ ﴿٣٧﴾
تو جس نے سرکشی کی تھی
وَءَاثَرَ ٱلْحَيَوٰةَ ٱلدُّنْيَا ﴿٣٨﴾
اور دنیا کی زندگی کو ترجیح دی تھی
فَإِنَّ ٱلْجَحِيمَ هِىَ ٱلْمَأْوَىٰ ﴿٣٩﴾
دوزخ ہی اس کا ٹھکانا ہوگی
وَأَمَّا مَنْ خَافَ مَقَامَ رَبِّهِۦ وَنَهَى ٱلنَّفْسَ عَنِ ٱلْهَوَىٰ ﴿٤٠﴾
اور جس نے اپنے رب کے سامنے کھڑے ہونے کا خوف کیا تھا اور نفس کو بری خواہشات سے باز رکھا تھا
فَإِنَّ ٱلْجَنَّةَ هِىَ ٱلْمَأْوَىٰ ﴿٤١﴾
جنت اس کا ٹھکانا ہوگی
يَسْـَٔلُونَكَ عَنِ ٱلسَّاعَةِ أَيَّانَ مُرْسَىٰهَا ﴿٤٢﴾
یہ لوگ تم سے پوچھتے ہیں کہ \"آخر وہ گھڑی کب آ کر ٹھیرے گی؟\"
فِيمَ أَنتَ مِن ذِكْرَىٰهَآ ﴿٤٣﴾
تمہارا کیا کام کہ اس کا وقت بتاؤ
إِلَىٰ رَبِّكَ مُنتَهَىٰهَآ ﴿٤٤﴾
اس کا علم تو اللہ پر ختم ہے
إِنَّمَآ أَنتَ مُنذِرُ مَن يَخْشَىٰهَا ﴿٤٥﴾
تم صرف خبردار کرنے والے ہو ہر اُس شخص کو جو اُس کا خوف کرے
كَأَنَّهُمْ يَوْمَ يَرَوْنَهَا لَمْ يَلْبَثُوٓا۟ إِلَّا عَشِيَّةً أَوْ ضُحَىٰهَا ﴿٤٦﴾
جس روز یہ لوگ اسے دیکھ لیں گے تو انہیں یوں محسوس ہوگا کہ (یہ دنیا میں یا حالت موت میں) بس ایک دن کے پچھلے پہر یا اگلے پہر تک ٹھیرے ہیں