Surah The Calamity [Al-Qaria] in Hausa

Surah The Calamity [Al-Qaria] Ayah 11 Location Makkah Number 101

ٱلۡقَارِعَةُ ﴿1﴾

Mai ƙwanƙwasar (zukata da tsõro)!

مَا ٱلۡقَارِعَةُ ﴿2﴾

Mẽnẽ ne mai ƙwanƙwasa?

وَمَاۤ أَدۡرَىٰكَ مَا ٱلۡقَارِعَةُ ﴿3﴾

Kuma me ya sanar da kai abin da ake ce wa mai ƙwanƙwasa?

یَوۡمَ یَكُونُ ٱلنَّاسُ كَٱلۡفَرَاشِ ٱلۡمَبۡثُوثِ ﴿4﴾

Rãnar da mutãne za su kasance kamar 'ya'yan fari mãsu wãtsuwa.

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ ﴿5﴾

Kuma duwãtsu su kasance kamar gãshin sũfin da aka saɓe.

فَأَمَّا مَن ثَقُلَتۡ مَوَ ٰ⁠زِینُهُۥ ﴿6﴾

To, amma wanda ma'aunansa suka yi nauyi.

فَهُوَ فِی عِیشَةࣲ رَّاضِیَةࣲ ﴿7﴾

To, shi yana a cikin wata rayuwa yardadda.

وَأَمَّا مَنۡ خَفَّتۡ مَوَ ٰ⁠زِینُهُۥ ﴿8﴾

Kuma amma wanda ma'aunansa suka yi sauƙi (bãbu nauyi).

فَأُمُّهُۥ هَاوِیَةࣱ ﴿9﴾

To, uwarsa Hãwiya ce.

وَمَاۤ أَدۡرَىٰكَ مَا هِیَهۡ ﴿10﴾

Kuma me ya sanar da kai mece ce ita?

نَارٌ حَامِیَةُۢ ﴿11﴾

Wata wuta ce mai zafi.