English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSettings
Surah The Sundering, Splitting Open [Al-Inshiqaq] in Kyrgyz
إِذَا ٱلسَّمَآءُ ٱنشَقَّتْ ﴿1﴾
Күтүүсүздөн асман жарылды!
وَأَذِنَتْ لِرَبِّهَا وَحُقَّتْ ﴿2﴾
Ал Раббисине моюн сунган эле жана (моюн сунушу) акыйкат болчу!
وَإِذَا ٱلْأَرْضُ مُدَّتْ ﴿3﴾
Жана жер (дагы) күтүүсүздөн (силкине-силкине) созулуп,
وَأَلْقَتْ مَا فِيهَا وَتَخَلَّتْ ﴿4﴾
ичиндеги нерселерин (төрөгөн сыяктуу) чыгарып, бошонуп калды!
وَأَذِنَتْ لِرَبِّهَا وَحُقَّتْ ﴿5﴾
Ал дагы Раббисине моюн сунган эле жана (ушундай болушу) акыйкат болчу![1]
يَٰٓأَيُّهَا ٱلْإِنسَٰنُ إِنَّكَ كَادِحٌ إِلَىٰ رَبِّكَ كَدْحًۭا فَمُلَٰقِيهِ ﴿6﴾
О, инсан! Сен Раббиңе (жолуканча) түйшөлүп, акырында Ага жолугасың.[1]
فَأَمَّا مَنْ أُوتِىَ كِتَٰبَهُۥ بِيَمِينِهِۦ ﴿7﴾
Кимдин (амал) китеби оң тарабынан берилсе,
فَسَوْفَ يُحَاسَبُ حِسَابًۭا يَسِيرًۭا ﴿8﴾
өтө жеңил суралат.
وَيَنقَلِبُ إِلَىٰٓ أَهْلِهِۦ مَسْرُورًۭا ﴿9﴾
жана (бейиштеги) үй-бүлөсүнө сүйүнгөн бойдон кайтып келет.
وَأَمَّا مَنْ أُوتِىَ كِتَٰبَهُۥ وَرَآءَ ظَهْرِهِۦ ﴿10﴾
Ал эми, кимдин (амал) китеби арка тарабынан берилсе,
فَسَوْفَ يَدْعُوا۟ ثُبُورًۭا ﴿11﴾
(өзүнө) өлүм чакырат.
وَيَصْلَىٰ سَعِيرًا ﴿12﴾
Жана тозокко ташталат!
إِنَّهُۥ كَانَ فِىٓ أَهْلِهِۦ مَسْرُورًا ﴿13﴾
Чынында, ал (дүйнө жашоосунда) үй-бүлөсүнүн ичинде шат-курсант болчу.
إِنَّهُۥ ظَنَّ أَن لَّن يَحُورَ ﴿14﴾
Чынында, ал өзүн эч качан (Раббисине) кайтпачудай сезчү.
بَلَىٰٓ إِنَّ رَبَّهُۥ كَانَ بِهِۦ بَصِيرًۭا ﴿15﴾
Жок! Андай эмес! (Ал Раббисине кайтып барат!) Акыйкатта, Раббиси аны көрүп турган!
فَلَآ أُقْسِمُ بِٱلشَّفَقِ ﴿16﴾
Мен (күн батып бараткандагы) күүгүмгө ант ичип,
وَٱلَّيْلِ وَمَا وَسَقَ ﴿17﴾
түнгө, жана да түн өз койнуна алган (бардык) нерсеге ант ичип...
وَٱلْقَمَرِ إِذَا ٱتَّسَقَ ﴿18﴾
Жана толгон кездеги (толук) айга ант ичип (айтамын):
لَتَرْكَبُنَّ طَبَقًا عَن طَبَقٍۢ ﴿19﴾
(Оо, инсандар!) силер аныгында, баскычтан баскычка минесиңер![1]
فَمَا لَهُمْ لَا يُؤْمِنُونَ ﴿20﴾
Аларга эмне болду, ыйман келтирбей жатышат?!
وَإِذَا قُرِئَ عَلَيْهِمُ ٱلْقُرْءَانُ لَا يَسْجُدُونَ ۩ ﴿21﴾
Жана эгер аларга Куран окуп берилчү болсо, (моюн сунуу менен) сажда кылышпайт?![1]
بَلِ ٱلَّذِينَ كَفَرُوا۟ يُكَذِّبُونَ ﴿22﴾
Тескерисинче, каапыр болгон пенделер (кайра тирилүүнү) «жалган» дешет!
وَٱللَّهُ أَعْلَمُ بِمَا يُوعُونَ ﴿23﴾
Бирок, алар ичине эмне жашырганын Аллах эң жакшы билет.
فَبَشِّرْهُم بِعَذَابٍ أَلِيمٍ ﴿24﴾
(Оо, Мухаммад!) Сен аларга жан ооруткан азаптын кабарын бер!
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ أَجْرٌ غَيْرُ مَمْنُونٍۭ ﴿25﴾
А бирок, ыйман келтирип, жакшы (сооп) иштерди жасагандар(га бейишти сүйүнчүлө). Алар үчүн түгөнгүс сыйлыктар бар!