Surah The Chargers [Al-Adiyat] in Luhya

Surah The Chargers [Al-Adiyat] Ayah 11 Location Makkah Number 100

وَٱلْعَٰدِيَٰتِ ضَبْحًۭا ﴿1﴾

Nditsuba khutsifarasi tsitsitsaanga tsimbilo nitsiyesaana.

فَٱلْمُورِيَٰتِ قَدْحًۭا ﴿2﴾

Nitsirusia tsinzesele tsiomulilo khukhupa ebilekeyi biatsio hasi.

فَٱلْمُغِيرَٰتِ صُبْحًۭا ﴿3﴾

Nende etsiseeranga liye itsuli.

فَأَثَرْنَ بِهِۦ نَقْعًۭا ﴿4﴾

Ne eno nitsitumuula olufu.

فَوَسَطْنَ بِهِۦ جَمْعًا ﴿5﴾

Mana tsyule hakari womukanda (kwa abasuku).

إِنَّ ٱلْإِنسَٰنَ لِرَبِّهِۦ لَكَنُودٌۭ ﴿6﴾

Toto Omundu ni omukhayi muno wa (tsimbabaasi tsia) Nyasaye wuwe Omulesi.

وَإِنَّهُۥ عَلَىٰ ذَٰلِكَ لَشَهِيدٌۭ ﴿7﴾

Ne toto ye mwene ni omuloli muno khu elo!

وَإِنَّهُۥ لِحُبِّ ٱلْخَيْرِ لَشَدِيدٌ ﴿8﴾

Ne toto ye ali neshinani muno shiokhuyanza omwandu!

۞ أَفَلَا يَعْلَمُ إِذَا بُعْثِرَ مَا فِى ٱلْقُبُورِ ﴿9﴾

Kho koo shamanyilekho olwa ebili mubilindwa bilipukululwa tawe?

وَحُصِّلَ مَا فِى ٱلصُّدُورِ ﴿10﴾

Ne kakhung’asibwe akali mubilifu?

إِنَّ رَبَّهُم بِهِمْ يَوْمَئِذٍۢ لَّخَبِيرٌۢ ﴿11﴾

Toto Nyasaye wabu Omulesi inyanga eyo aliba nende amakhuwa kabu boosi!